الئ تشرين العظيمة
ادنئ ارد ابوسن كصتك
بـ الماي كبل ليبوسك الكاتم
وذمة بركبتك
كول لعمر سعدون اﺑبــداً
ليموت متشائم
وكول ثائر الططـيـب عرس
بالعيد مو لازم
البياض لبي ضوة و الـلّٰـــه اكبر
كون جوة الله اكبر كون يتخلئ
الخضار لبـ العلم مارضئ فراشات
مو طهران تحتلة
********
يوم من الايام امشي بشوارع تحرير اباوع
ضلت هلمضاهرات صامدة رغم كلشي مرت بي لهناك وكفت يم ركن صور الشهداء جان ركن بي صور الشهداء اعلامهم خوذهم لهناك اجت عيني على دفتر اخذني لفضول كمت وسحبتة فتحت اول صفحة جان بيها قطرات دم ومكتوب
تشريني
نهاية لصفحة مكتوب اسمين
ايفين-احمد
شدني حيل لدفتر اقراه كعدت تربعت وفتحت اول صفحة وبلشت اقرا
٢٠١٩/١٠/٢٥ / بغداد/
سلاما على بلد لم يرئ سلام يوما
سلام ع شهيداً
مات جائعا في بلاد لخير
سلاما ع يتيما بات
يتجول في شارع ليجد لقمة
العيش في بلاد الخير
سلاما على طفلا ترك مقعده الدراسي بسبب الفقر
في بلاد العلم والمعرفة
في صباح يوم جديد بغدادي الجميلة صوت امي يخترق مسامعي
ام ايفين:لج ماما ايفين تاخرتي على دوام كومي امي
ايفين: اي ماما كمت رفعت البطانية من وجهي وشعري عبالك منتول مطيت جسمي باوعت الساعة ب6 صدك تحجين ماما مكعدتني من 6 ودوامي ب8
ام ايفين: غير يرادلج اربع ساعات على لمراية هو منو شاتل احمد يومية
ايفين:اي غير اختة الوحيدة وادلل علية
ام ايفين : دمشي ام لسان
ايفين : هههه مشيت مشيت ياست الحبايب طلعت بوجهي للمغسلة اغسل واسمع صوت فيروز من غرفة بابا ابتسمت غسلت واتجهت للغرفة
ايفين: صباح الخير باباتي
ابو ايفين: هلا هلا بهل صباح باباتي ايفين
ايفين: روقان من صبح وفيروز عيني
ابو ايفين: اويلي من لسانج ولج
ايفين: رحت بستة بخدة روحها لام لسان انت
ابو ايفين : حبيبتي
ايفين : داحسك مو على بعضك ياعيني شكو
ابو ايفين : تعرفين اليوم يصادف ١٠/٢٥ والشباب يردون يتضاهرون وشفتي شسوو بداية التضاهرات بداية ١٠/١
ايفين: كعدت بصفة اي شفت بس بابا صبرو هواي خليهم يمكن يكدرون يسوون شي
ابو ايفين: باباتي حكومة العراق معروفة شنو هية ودنضحي بشباب هدر
ايفين: ماكو شي هدر فدوة لتراب العراق بابا ناس ماطلعت الا من ضيمها مدتشوف شصاير بناس لكمة مديلكون ياكلوها والا الاطفال بدل متروح للمدراس يبيعون بتقاطع العيشة دتصعب بلعراق وناس ماعاد تتحمل الحكومة مستغلة سكتت الشعب وعاجبها الوضع وكاضيتها بوك ونهب بخيرات العراق بابا العراق محتاج نهضة العراق محتاج من يدافع عنة اذا ولدة سكتو لعد منو يدافع عنة بعد
أنت تقرأ
انا تشريني (قضية وطن)
De Todo، بالروح و الدم نفديك يا عراق ، لم اكن اعرف معنى هذا النداء حتى جاء شهر تشرين الأول من عام 2019 ، بتُ أفهم و أعي المعنى ،، عندما هدرت الأرواح ،، و هُتك دم العراقيين الغيارى ،، عندما رموا بأنفسهم امام الرصاص ،، و القنابل المسيلة للدموع ،، عندما...
