وجه لا يُري(متوقفه)

الفصل السادس (الجزءالثاني)

عند مراد في المستشفي
هز مراد رجله ثم قال: اه حاسس بس بتوجعني اوي
صدح صوت زغروطه مصريه من خديجه
الدكتور بسعاده: الحمدلله كده لازمنا علاج طبيعي وتمشي احسن من الاول مبارك يا مراد
عانقت خديجه مراد بحب: حبيبي يا مراد ربنا يخليك ليا يا عمري
مراد: بابا عايزك
اقترب منه فارس وهمس له مراد في اذنه
فارس: تمام ماشي
ريهام بتطفل: كنتو بتقولو ايه ها
مراد: انتِ مالك يا متطفله
ريهام بجديه مضحكه: ولد عيب احترمني دا انا مدياك من دمي
مراد بدراميه: لييييه مش عايزو يا بابا شيلو مش عايزو دم ريهاام يع
ريهام: ادوني حاجه افتح دماغو اخرج دمي منه وبعدين انت تطول يا معفن
ريتاج بضحك: اه انت تطول دم ريهام هااانم ربت الصون والعفاف
قبلت ريهام رأسها بضحك: ربنا يخليكي يا عمري
مراد: ماشي يا ريتاج لما تاخدي هدومها وتجي تضربك مش هحوش عنك
ريتاج: احنا لينا غيرك يا قلبي
قبلها مراد
مراد بجديه: لو سمحتو ممكن تسبيوني انا وبابا لوحدنا
خديجه بضحك: اه يلا يا بنات احنا بننطرد بذوق
مراد قبل يدها: هما ينطردو انتِ لا يا قمر
عانقته خديجه ثم خرجو وتركوه مع فارس
مراد: بابا انا عايز ا...........
ــــــــــــــــــــــــــــــــــــــــــــــــــــــــــــــــــــــ

عند ادم بعدما انهي محاضراته ذهب لمنزله

نونا: مالك يا ابيه
ادم بحنيه: مليش يا نونا فين ماما وبابا
نونا: راحو عند خالتك عشان عم سيد (هو نفسه سيد ابو خلود) تعبان
ادم: عم سيد ليه ماله
نونا: معرفش والله
افتكر ادم شيئ ثم امسك اذنها: نوناا
نونا ببراءه: نعم يا ابيه
ادم: صليتي يا نونا
نونا: اه يا ابيه كلو بس
ادم: اه بس ايه بقا
نونا: مصلتش سنه الفجر عشان كنت نعسانه
ادم: ماشي يا نونا بس تعرفي ان الي بيصلي السنه بتاعه اليوم كلو بيتبني ليه بيت في الجنه
نونا بحزن: يعني انا كده متبناش ليا بيت في الجنه النهاردا
ادم بلطف: اه بس تعوضيه بكره ان شاء لله
عانقته نونا

ادم بشر: يلا نلعب عشان اقطعك
نونا: تقطع مين يا با انت ناسي ولا ايه
ادم: هنشوف
ــــــــــــــــــــــــــــــــــــــــــــــــــــــــــــــــــــــ
عند خالد وسامي

خالد: ولا احنا كلنا مش هنحلي
سامي بضحك: انت محلي فوق ال 3مرات
خالد: عادي ايه رايك نطلب جاتو بس المرادي علي حسابك عشان فلست
سامي بضحك: طبيعي تفلس انت طالبلنا تلت اربع مرات علي حسابك معاك الرقم
اومئ له خالد
خالد: بقولك هتعمل ايه في موضوع ابوك واختك
سامي بلامبلاه: مش هعمل حاجه انا اصلا مش عايز منه حاجه الفيلا بأسمي وعندي شغلي مستقر
خالد بخبث: طب وموضوع ريهام
سامي: هتروح تخطبها و
قاطعه خالد: اخ ايه اخطبها انت صدقت اني بحبها ولا ايه لا
سامي: يا غبي هتروح تخطبها عشان قدام اهلها تعرف تخرج معاها عادي
خالد: دماغ متكلفه ماشي بعد بكره هروح
سامي: وبعدين تقولها............
ــــــــــــــــــــــــــــــــــــــــــــــــــــــــــــــــــــــ
وهنا انتهي الفصل السادس
ياتري خالد وسامي بيختطو لايه؟
هل ادم حلمه هيتحقق ويتجوز الي بيحبها؟
مين حبيبه ادم الخفيه؟
مين المجهولين و ايه علاقتهم ب شخصيات الروايه؟

كل هذا سنعرفه في الفصول القادمه...

بااااي
Reem ahmed