احببت والدي

البارت 21

هلوو بنات أني كلشش أسفه لأن البارت السابق كان أكثريته أشعار بس لأن حبيت أعبر عن حالتهم المرو بيهه وكانت الأشعار الكتبتهه توضح عن حالتهم

وايضاً أحداث قادمه ما حبيت أشتتهه بأحداث مرت ف فصلت الأحداث البارت السابق أنتهت أحداثه

وراح تبدي ورقه جديدة من قصه أحببت والدي

،،،،،،،،،،،،،،،،،،،،،،،،،
،،،،،،،،،،،،،،،

السيارة تمشي بينه أكابر أعله دمعي ما أريده ينزل
لا مراح أضعف كافي ضعف شحصلت من ضعفي

مشت بيه السيارة وأني مخنوگه أناظر مراية السياره يباوعلي وهوة مبتسم
أبتسامة حزن أيييي يدنيه وين بعد تردين بيه

خسرت الچانت نجاتي بل حياة
تذكرت قبل سبع تيام شصار

مغمضه عيني مهمومه أييييي يا علي وين تصفه دنيتي وياك
ثواني وسمعت خالتي تصيحنه عل عشه طلعنه كلنه التمينه
خالتي ودت العشه البيبي ما هيه أله ثواني معدوده
وصرخه خالتي هبطتنه كلنه من الخوف ما أعرف شصارلي

جسمي يرجف كلهه تتركض وصوت خالتي تصرخ ماتتتت ماتتتتتت بس هاي الكلمه تتردد بمسامعي
بعدني تحت الصدمه ما مستوعبه الصار كله كلهه

تصرخ والناس صارت أدگ بل باب 

وأني جسمي موتته الرجفه گمت بهدوء عكس العاصفه ألي بگلبي دخلت غرفة بيبي

خالو حاضنهه ويصرخ هنه حسيت الدنيه أسودت بعيني طول الفترة المرت بيبي سناء
صارت سند ألي دائماً تنصحني وترعاني كأنو بتهه صرت أصرخ عله صريخهم ودموعي تنزل

بديت أستوعب أني خسرت أملي بل حياة خسرت أنسانه سندتني وأني موجوعه وأني مألومه

سلاسل،،بيببببيييييييي ليييييييش عفتيني بيبي والله محتاجتچ فدوووووووة فتحي عييييونچ

البيت أكتض بلناس خذوة بيبي وأحنه نصارخ
گاعده بل طرمه خنگني صريخ النسوان گاعده أبچي

بدون صوت الباب مفتوح للنسوان اتفوت صار گبالي علي وهوة حاضن خالي وثنينهم يبچون صرت أبچي عله بچيهم

وروحي محترگه لليل متحملت تعبببت بس چنت محتاجه أشكي الربي توضيت وسجدت مابيه أبچي بس ساجده وأردد اللهم أرحمها برحمتك ودخلها في نعيم جنتك وأغفر لها ورحمها ياارب أللهم أرحم
ضعفي يا سند من لا سند له فقدت علي وهسه بيبي منو يسندني غيرك ياعظيم منو يجبرني غيرك يا كريم 

گوة شلت راسي أحس بعد ما بيه حيييل أفتح جفن بديت أغفه وأني گاعده رحت الغرفه البنات هم بيهه نسوان بس دبرت نفسي

تمددت وأني أتذكر شلون چانت تضحك ويانه قبل ساعتين نمت ودموعي تجري بهدوء

مرت الأيام وبيبي أم علي من أول ما أجت أتخربط بس عمتي چانت ما خذة أحتياطاتهه يمكن تخربطت بل طريق