عتب خرسان
البارت الاول
بقلم فاطمه محمد
جبتها أشتاگلك... چا يمته گلي الگاك!!
ملامح وجهك... اني اعتقد ناسيهن..
على صورك اصد معقوله ماكبران.. ؟؟
قديمات الصور ماكبرن شبيهن..!!
دايني برودك ولله اريد انساك
ولو دربين عندي وحاير امشيهن..!!
عيب اسنيني تزعل لو گلت ناسيك
خل انساك عوود اسنيني اراضيهن...!؟
*****************
بين عادات وتقاليد وضلم الفصليه يولد الحقد والكراهيه والحنين إلى الماضي فكيف إذا كان الماضي حب صادق
هل ستتقبل واقعهه ام ياخذهه الحنين اليه ...
العشق مقدس والعاشق لا يعرف الخيانه فكيف إذا كانت العاشقه امراه اجبرها الزمان أن تتزوج برجل ريفي ......
غزل _
اني غزل من بغداد ادرس خامس اعدادي
اني الوحيده لاهلي بابا متوفي من كان عمري سنتين بعد وفاة بابا ماما اشتغلت بالخياطه ربتنا وكبرتنا وهي تشتغل
شالت المسؤوليه وحدهه عمامي مسافرين وخوالي ما الهم دخل بيهه كل واحد همه شكل
عندي اثنين اخوان صلاح و وضاح صلاح الجبير سنه رابعه كليه قانون و وضاح سادس اعدادي وبطل تعرف على شله تعبانه يكضي الليل سهرات ويرجع وجه الفجر ميدري شكو بالدنيا ....
فضيله _ غززل امي كومي الساعه بالسبعه تاخرتي على مدرستج
غزل _ اي ماما كايمه...
فضيله _ يله سويتلج ريوك غسلي وتريكي
غزل _ كعدت غسلت وبدلت وتريكت صارت الساعه بالسبعه ونص طلعت اتمشى على صديقة الطفوله لارا 'اخذتهه وطلعنه. للمدرسه
وكل عاده ابن جيرانه حسام واكفلي يم المدرسه ميروح اذا ما ادخل مدرستي
غزل _ يا اخي شكد غثيث هل ولد طلع روحي
لارا _ لج يا غبيه دباعي الجمال مو نص بنات المدرسه ينتضرن الكلمه منه وهو كاتل روحه عليج ما ادري شايف بيج
غزل _ ماا احبه لارا ما احبه اكرهه
لارا _ شبي شناقصه حتى ميعجبج عيني خانم
غزل _ مناقصه شي بس هيج من الله ما اطيقه
لارا _ ههه الله يهديج
غزل _ امين ....
مر اليوم طبيعي نفس الروتين دراسه ارجع الكه ماما محضرتلي الغده اتغده ودخل لغرفتي اقره اطلع بالليل اتعشه وكعد ويه صلاح ... روتين ملل
غزل _ كعدت بالسبعه الصبح طلعت لمدرستي ونص الطريق سمعت صوت صاح باسمي ... نداريت اشوف منو
حسام _صباح الخير غزل شلونج
غزل _ صباح الخيرات ... الحمد لله
