عتب خرسان
اليوم البارت طولته لأن هواي يكولون البارت قصير
راح تلاحظون كلام الشيخه يختلف شويه عنهم كلماتهه من اللهجه العمارجيه الاصيله
مليت من #دنيتي،،،،، زاعلت #حتى الصبح
اضحك #وسولف جذب بس بيه ميت #جرح
ماريد #اعيشاً بعد،،،،،، #ياوگتي لا لا تلح
هوا اليفارك محب،،، #شيسوي شايل #گلب
شايل #گلب اي #نعم،،،بس گلب #شابع ذبح.
***************
غزل _ أهل المقتول ما قبلو يحولون القضيه قانونيا رادو حكهم ياخذو عشائريا
جوي زلم وشيوخ ترسو الاستقبال
واحنه ما عدنه احد بس كم صديق لاخويه وشيخ الجامع جابه اخويه صلاح ...
صلاح _ رادو فصل ميتين مليون لو فصليه
انطونه عطوه خلال اسبوع اذا ما دبرنه الفصل دم اخوي مهدور وين ما يلكو يكتلو ....
فضيله _ ولك يمه منين اجيب هل مبلغ حتى البيت اذا ردت ابيعه مابي عشرين مليون
اويلي عليكم يمه انسبينه ولك وضاح يمه ما فكرت بامك من كتلت روح بس شكول عليك شدعي يا ابن بطني لأاكدر ادفع المبلغ ولا بيه اشوف دمك واني ساكته
ولك يمه صلاح كلي شسوي ...
صلاح _ يمه مابيدنه غير حلين لو ننطيهم فصليه لو يكتلون اخويه
فضيله _ يمه شنو فصليه واني ماعندي غير هل وحيده شلون اتريدني ادزهه بيدي للموت
صلاح _ اذا ما ننطيهم غزل يعني ننتضر خبر موت وضاح
فضيله _ لايمه لادكولهه يمه غزل انتي شدكولين اضحين لأجل اخوج
غزل _ لا ماما ما اكدر هو يتحمل ذنبه اني ما الي ذنب بلي سوا اخويه
فضيله _ هو هيج يا بنت بطني هيج تكسرين ضهري باخوج ولج جبت عمري أضحي لأجلكم لأجل اشوفكم زلم ونسوان ينشد بيكم الضهر هاااج شووفي الشيب تارس شعري من التعب جبت عمري شايله همكم وج يمه كسرت ضهري واني اخيط وربي مايوم قصرت وياكم بشي أخذ من حيلي وانطيكم
وتجين انتي بدم بارد دكولين هو يتحمل ذنبه ما ارضى عليج دنيا واخره اذا سويتيهه لا انتي بنتي ولا اني امج
غزل _ عفتهم ودخلت لغرفتي ابجي خابرت حسام
غزل _ الووو حسام تسمعني
حسام _ وياج كلبي شصار اليوم كالو الكعده ... شبيج حبيبي ليش تبجين
غزل _ ولك حسام اهلي يردن ينطوني فصليه الهم
حسام _ شنووو فصليه شنووو لييش
غزل _ ما اعرف حسام رادو ميتين مليون لو فصليه واحنه ما نكدر ندبر هل مبلغ خلال اسبوع
