مرة شهر علي في الجامعة و لسه طاشه بحاول اجمع مقرر الجامعه و حياتي الجامعيه و الله حاسه نفسي ذي الساطله ما ناقشه اي شيء في مثل بقول ذي الأطرش في الزفه دي حياتي الجامعيه ما عارفه الحق الفاتني أو الحق الحاضر أو الجاي دا كلو أو الحق نفسي المسكينه،
و دا كوم و موضوع الداخليه كمان كوم براه مشكلة انا ما قادره اتأقلم فيها لسه انا في حالتي العاديه ما بقدر انوم لو ما مشيت لأبوي و قلت ليه تصبح علي خير و ضميته و نفس الحنك لأمي لازم اقعد في حضنها دا زي ساعه كدا رغم بنعديها نكد علي بعض طول اليوم لكن ما بقدر اعيش بدون نقاشاتها و حضنها الدافي انا عارفه ان برفع ليها ضغطها و دا روتين طبيعي في حياتي الممله بحليه بصوتها و صراخها
اما ابوي دا قصته براه كدا فعليا كدا انا ما بيفرق معاي غياب امي لأنها دايما ماشه بيت امها اوبس اقصد بيت حبوبتي تقعد معاها كم يوم و تجي و الفترة دي انا ابوي بنقوم نتامر عليها و نسميها فترتنا الانتقالية لحكم البيت و نعمل العايزنه لكن عندنا زول مندس بوصل الأخبار علي طول اغلب الاحيان رداراته بتلتقط مأمراتنا
المهم في الأسبوع دا بقيت عشان اتماشى مع الوضع بتصل لأبوي صباح و مساء بتكلم معاه فيديو و خاصة انصاص الليالي بتكلم معاه قريب ساعه البشوفني بقول بتكلم مع حبيبي اللهم هو متحملني لأن انا بنته و كمان بقول احسن ما ادخل في حالة اكتئاب لكن امي دايما بتحسم الفوضى و علي ما اعتقد حظرتن أمس من تلفون ابوي انا متأكده انها مرت ابوي ما امي.
....... :وصلتي متين يا نغم
نغم : و الله لي ساعه كدا. بس اول قولي السلام عليكم. صباح الخير. بايت معاي انتي
......: "ضحكة ضحة صغيره كدا " ما بايت معاك لكن اعتقد قبل ربع ساعه كنت بكلم
نغم : و برضو سلمي على.
..... : أبيت ما عندي مزاج سلامك بدخلني الجنة
نغم :خلاص اختيني قلبي اباك
و قبل ما اكمل كلامي آن تلفوني و جاتني المكالمة البرد الروح اللهم فتحت الخط و بابتسامة واسعه رديت" صباح الخير"
...... : صباح النور نغم كيف حالك
نغم : " مع ابتسامه واسعه" طيبه الحمدلله مشتااااقين و الله
.... : الشوق كمياااات يا الله" نهي كلامه بضحكه خفيفه"
نغم : كيف أصبحت يا مان و كيف مرتك و بنتك
..... : "ضحكة بصوت عالي" كويسين بيسمعو في كلامك دا
نغم : امي يا ست الكل يا احل ام و ورده في كون مشتاااق ليك موت و الله
ذينب : "ضحكة سخرية " و الله انا حاليا مرت محمد و ست الكل لنون و احل ام لنون.
نون : كتر خيرك يا أمي اتزكرتيها و قلت تطمني عليها لكن ذي ما بقولو الحسنه في الملعون ذي الشرا في القندول.
نغم : خليك مني انا انتي اصلك ما فيك خير بتحمشي النيران مالك بدل تصلحي ما سمعتي الحديث دا فل تقل خيرا أو تصمت
ذينب : انا رضيانه عنها مهما قالت انتي فتشي ليك ام ترضى عنك يا بت راجلي
نغم : ابوي مالك سكته شوفهم اتفقو علي البنت و أمها
محمد :" بحاول يكتم في ضحكته " و الله يا نغم خشمك دا البجيب ليك المشاكل دي كلها
ذينب و نون : صون لسانك تفوز
نغم : انت كمان خنتني الليله، خايف صاح بيجي يومك يا ابوي..........
......: انتي متأكده بتتكلمي مع ابوك
نغم : انتظري يا ريم انا في حالة خيانه حاليا
نون : ريم دي منو
نغم : زوله ما بتخصك
ذينب : هسي مالك معاها سألتك سؤال واضح بس انتي بتحبي تهنيها، ما تجاوبي عليها مش اختك الصغيره
نغم : امي انت دايما بتقيف مع بتك دي
ذينب : بقيف معاها شنو البمنعني بت محترمه و كلامها ذي السكر ما حصل وجعت لي قلبي و من بتين بقيت امك هسي ما كنت مرت ابوك
نغم : اسفه. معليش لاسف لو كنت جنبك كنت بست يدينك و راسك عشان ترضي عني
ذينب : ما محتاجه منك شيء
نغم : دقيقه امي، ريم عندك مويه
ريم : امممم ما ما في " و هي ماسكه البتل" عطشانه
نغم : لا بس عايز ابلع حبوب مسكنه
ذينب : نغم مالك عيانه " بصوت حنين"
نغم : لا بس مصدعه
نون : لا تمارضو فتمرضو فتموتو
ذينب : نون، لمن وقفت معاك عايزة تتطولي لسانك علي اختك الكبيره
نون : امي دي الحقيقه
ذينب : نووون، "بصوت حاد، و غيرت نبرت صوتها لحنين تاني" نغم من بتين معاك ابلعي المسكن دا و ارجعي الداخليه ولا اقول ليك اتصلي لعمك خلي يرجعك البيت ظاهر في صوت انك تعبانه
نغم :بابتسامة خبيثه " انا كويسة يا أمي بس هو صداع خفيف بس اشتقت ليك كتير عشان كدا
ذينب : و انا كمان اشتقت ليك، اصلا انتي ما بتسمعي كلامي هسي بتكوني ما بتاكلي كويس اسمع الكلام و ارجعي البيت...... يا محمد اتصل لاخوك دا خلي يجي يسوقها هي ما بتتصل ليه
محمد :" و لسه مواصل كاتم ضحكته" كويس بس انتي اهدي اول
ذينب : نغم ما تشغلي بالك و امشي الدكتور كويس خلي بالك على نفسك مع السلامه
نغم : "بابتسامة عريضه" تسلمي يا غاليتي و انتي اهتمي بنفسك
ذينب : ما تنسي تمشي الدكتور
نغم : حاضر يا أمي حامشي الدكتور
ريم : انتي داهيه
نغم: كيف و كيف" نهتها بضحكة
ريم : بالجد امك سامحتك بس عشان الصداع
نغم : امممم. لأن الصداع البجيني معاه مضاعفات تانيه بترقدني سلطه فلمن أقل شيء يجيني امي بتحسس من موضوع انهار" نهت كلامها بابتسامة عريضه"
ريم : اصلو ما بسألك و الله
طيب نحكي ليكم قصة ريم، ريم دي اول بنت اتعرفت عليها من دفعتنا زولة لزيزة و راقيه خالص. طبعا انا اول ما دخلت القاعه كنت خايفه و بفتش لي علي أقرب مقعد فاضي عشان اقعد فيه اللهم لقيت المقعد اللي هو كان جنب ريم جزبني شكلها لأنها ما شاء الله عليها زولة جميلة جدا و الله في قمت الجمال بديهيا كدا انا اعتقدت انها شهاده عربيه من شكلها و بياض لونها لدرجة باطن يدينها محمرات قعدت جنبها و كلي امال أن تكون طيبه مع ان نسبة السلبية الكانت في عقلي اكتر من الإيجابية علي اساس انها زولة مفتريه و عنصرية من خلال نظرتي لكن قلبي بقول لا تحكم علي الكتاب من غلافه الهم لمن قعدت جنبها تعرفت على جانبها الحقيقي انا ما حبيت ابادر غير بالسلام، بعد سلمت عليها ما تكلمت بكلمه و الحمد لله انها ردت السلام مضت علينا كم دقيقة و فهي بادرت و سألتني من وين انا و من اسمي و حجات تانيه لحد ما هسي بقينا بست فرند.
أنت تقرأ
صعبة المنال
General Fictionلا وصف معين احب ان تكتشفو الأحداث هي رومانسية بعض الشيء جامعية مسلية استمتعو ، لا اعرف ما اقول اتمني تعجبكم (๑^ں^๑)
