صعبة المنال

Part 7

___نغم___
فتحت عيوني و انا بحاول استوعب الحوالي اخدت قرابة الخمس دقايق و انا ما فاهمة شيء و رؤيتي كانت ضبابية.

بعد ما اتضحت رؤيتي شفت وجه ريم اللي كان محمر بسبب البكاء و جفونة كمان ورمانة عاينت ليها مسافة و هي بادلتني النظرات بتوتر و خوف و شحوب ضحكت علي منظر وشها المورم، ما عارفة مالي بس ما قادرة اقيف من الضحك و انا بشوف تعابير وشها الما مفهومة

" نغم جنيتي أو شنو"

كانت بتكلمني و انا ما شغالة بيها و الضحك حيقتلني و هي تستمر و تهز كتفي " نغم مالك قولي بسم الله"

احلف قسم أن البنت اترعبت مني و فضلت تقول " بسم الله الرحمن الرحيم"

" أعوذ بالله من الشيطان الرجيم"

" نغم استعيذي من الشيطان"

و خلاص عايزة تفك البكية، في اللحظة دي قلبي حن عليها و قلت " ريم......." و ما قدرت اكمل بسبب الضحك فحاولت جاهدة أن اتمالك نفسي للمرة تانية و قلت " بضحك عليك يا الهبلة...ههههههههه...... شكلك بضحك خالص.... ههههههه.... ذي الزول الماخد بوكس في عينيه.... هههههههه....."

في اللحظة ديك اخت انا احلى بوكس لا اقصد احلى خبطة من يدها علي كتفي خلتني أوقف ضحك، لكن وين انا أوقف بعد استوعبت الأمر و شفت وشها المنفوخ بسبب الغضب فكيت ضحك أعلى منها...احم احم، نعم اقصد ضحكة الراقصات ديك.... و دا خلاها تواصل في ضربي بقوة و تقول" متخلفة، و هبله، كله عليك".

نغم :" ههههههه.... خلاص كفاية و الله معليش ما حاضحك تاني..... هههههههههه..."

ريم : حالتك قلتي ما حتضحكي حادبك الليله قلتي وشي مالو ما كله بسببك تافه، هسي دي حالة زول مغمي عليه

نغم : ههههههه.... و دي حالة زول برافق شخص مريض اقتليني عليك الله هههههههه"

ريم : لو المرضى زيك كان ما في داعي للمشافي عملتي لينا هولة و بهطة ساي، لو عارفة دمعة ما كان نزلتها و خربت وشي السمح عشان نعجة زيك

نغم : قال عشانك قال، منو القال ليك ابكي عشاني دموعك لا تشرفني

ريم : كتر خيري القيمتك ما تستاهلي

ضربتني آخر ضربة بقوة لمن سمعت دق الباب و دا خلاني اضحك بمسخرة عليها.

____الكاتبة ____

توقف الثلاث شبان أمام باب تلك الغرفة المكتوب عليها رقم 5 عند سماعهم لتلك الضحكة التي كادت أن تصل الي أقصى الممر ليتحدث صاحب الصامدة قائلا بسخط

حسام : سام صاح دي ضحكة شخص مريض

سامي : كيف عرفت دي هي

حسام : ضروري اقول

سامي: خلي تعليقاتك الما ليها داعي المهم نطمن على البنت لأن دا كلو بسببك حصل