نقطه البدايه

#الفصل الاول

بعد منتصف الليل فى تلك الغرفه المظلمه الخاليه من اى صوت سوى صوت الرعد و نور البرق.فجأه يعلو صوت الصريخ و يمتلئ المكان بالدم.
####.      ####.          #####.           ######
و فى صباح يوم مشمس تستيقظ "ليلى" باكرا  كعادتها و لتيقظ زوجها اولا ثم تتجه إلى غرفه زين ابنها الأكبر.
ليلى: زين يلا اصحى
ليمسك زين وسادته ليغطى بها رأسه معلنا احتجاجه لانه يرغب فى مزيد من النوم.
ليلى: زين!!  يلا قوم حالا !
زين:طيب
ليلى: هروح اصحى اختك تكون صحيت
زين: ان شاء الله
تذهب "ليلى" لغرفه "اسيا" تؤام زين.لتجدها تمشط شعرها و قد استيقظت منذ وقت طويل.لتذهب اليها "ليلى" و تبدء بتمشيط شعر ابنتها.
اسيا: اولا صباح الخير..ثانيا قولتلك انى مبقتش طفله يا "لولا" و بعرف اسرح شعرى
ليلى:اكبر قد ما تكبرى برضو طفله و اصلا انا بحب اسرحه فملكيش فيه انتى
و بعد انتهاء "ليلى" من تمشيط شعر "اسيا" اخبرتها ان تنزل من اجل الافطار و انها ستذهب للتأكد من استيقاظ " زين".
تذهب "ليلى لغرفه " زين لتجده قد استيقظ بالفعل و بدء يجهز و لكن...
زين: يا "لولا" فى حاجه اسمها باب بيخبطوا عليه قبل ما يدخلوا..يعنى ينفع كده.
ليلى: بطل لامضه و كمل لبس أنجز
زين: طب اقفلى الباب الله
اغلقت "ليلى" الباب و نزلت لتحضر الفطار من أجل عائلتها.
و على مائده الفطار تجلس العائله و يتناولوا الطعام بينما يتبادلون اطراف الحديث.و بعد انتهاءهم يذهب كل منهم للى اعماله.
  #####.       ######.      #######.    ######
فى منتصف الحصه الاوله من اليوم الدراسى.يمر المعلموسط الصف ليتأكد من انتباه الجميع ليقف امام احدى الصفوف ليوقظ الطالبين النأميين بصوته الجهورى و بدون اى مقدمات يطردهما خارج الصف.
زين: مش المفروض لما حد منا ينام التانى يصحيه!
فارس: طيب يعنى لما انام تصحينى
زين: ما هو مينفعش ننام احنا الاتنين!!
فارس: ياسطا فكك يعنى هى اول مره
زين: على رأيك مجاتش على المرادى
#####.        ######.          ######.     ######
بعد ذهاب الاولاد الى المدرسه و الزوج الى عمله تذهب "ليلى" الى ورشتها الفنيه التى تحتل جزئا من حديقه الفيلا.و تبدء بتشغيل اغانيها المفضله و تهيئ الجو لتصنع فنها الذى يبهرها قبل ابهار الجميع.
######.       ######.       ######.     ######
فى منتصف اليوم الدراسى وقت البريك تذهب " اسيا" و "تمارا" ليجدوا "زين" و "فارس" مكملين حصه نومهم العميق.
تمارا: طب بذمتكوا مزهقتوش من النوم هنا.. نا تروحوا تناموا فى بيتكوا.
فارس: كان بودى بس حصل خير.
اسيا: سيبك منهم تعالى نروح نجيب حاجه ناكلها
تمارا: ماشى يلا
تذهب الفتاتان لشراء بعض الاشياء بينما يكمل الفتيان النوم .
#####.      ######.          #####.     #####
بعد اجتماع طال ساعات اخيرا يرتاح محمود و يأخذ بعض الراحة، ليأتى اتصالا من مجهول ينهى فتره الراحه لمحمود.
محمود: الو
مجهول: اخبارك ايه يا محمود!؟
محمود: جابر!!!
جابر: ايوه جابر..الى رجع بعد سنين
محمود: انت ازاى تستجرى تظهر بعد السنين دى كله!؟ و ازاى تستجرى تكلمنى!؟
جابر: انت فاكر عشان طفشت من البلد كلها ابقى خايف تبقى غلطان..انا عايز الامانه الى عندك
محمود: ده على جثتى!!
جابر: و ماله ما يضرش..لو مجبتش الامانه الى عندك هرجع اخلص المهمه الى مخلصتهاش زمان.
محمود: لا اسمعنى انت بقا لو قربت ناحيه عيلتى هسلمها للبوليس و ساعتها يبقى اقرا على روحك الفاتحه.
اغلق محمود الهاتف فى غضب و خوف و قلق.و قال لمساعده ان يلغى جميع اعماله اليوم و يذهب محمود مسرعا الى المنزل...