Naalala mo ba?
Noong minsang ako'y iyong sinamahan
Noong panahong iyon binalikan natin ang nakaraan
Nakaraan kung saan ang saya saya pa natin
Habang binabalikan ang nakaraan
Ika'y aking tinanong patungkol sa kasalukuyan
' sa iyong palagay, sino-sino ang nagbago sa atin?'
At nang ito'y iyong sagutin, binigay ko ang akin,
'sa aking palagay, ako ang unang nagbago at habang tumatagal unti unti din kayong nagbago'
Pero alam mo ba?
Hindi naman talaga ako tuluyang nag iba,
Naging tahimik lang ako dala ng aking mga karanasan
Pati na rin siguro dahil alam kong may nag iba na
Dahil mula ng ako'y magbalik
Pakiramdam ko'y unt unting nagkakaroon ng pader sa pagitan natin
Gustohin ko mang tibagin ay hindi ko magawa
Pagkat alam kong wala na yung taling kumokonekta sa atin
Magkaganon man nais kong inyong ipaalam sa inyo
Nagkaroon man ng harang sa pagitan natin
Mananatili pa rin ako sa tabi niyo
Ako na inyong nakilala at nakasama mula pagkabata
Ako na may ugali mang hindi kagandahan
Ngunit hindi papayag na kayo'y husgahan ng iba
Hindi ko man maipakita ang suporta ng harapan
Ngunit handa kayong damayan anuman ang inyong problema
061020
