متنساش النجمة حجي قبل ما تقرأ يا قمري★♥
ملاكى
البارت التاسع
فى المستشفى
ملاك بتعيط وماسكه الموبايل بتحاول تتصل بحد وفضلت ترن على مها واميره بس الموبايلات مقفوله وفضلت كدا لحد ما الدكتور خرج من اوضة فهد
ملاك : خير يا دكتور هو كويس
الدكتور : كويس الحمد لله هو كان ارتجاج بسيط في المخ ودراعه الشمال مكسور
ملاك : الحمدلله طيب ادخله عادى
الدكتور : أيوة اتفضلى
دخلت ملاك
ملاك : حمدالله على السلامه
فهد : الله يسلمك ، انتى كويسه ؟
ملاك : أيوة الحمد لله
فهد : كلمى سيف
ملاك : حاولت ومش بيرد ومها وعمتى موبايلاتهم مقفوله بس هجرب تانى
رنت تانى على سيف وشويه ورد عليها
ملاك : ايوة يا أبيه كلمتك كتير
سيف : مكنتش سامع الموبايل المهم انتوا فين ؟
ملاك : في المستشفى
سيف بفزع : ليه حصل ايه ، مستشفى ايه ؟
ملاك : مستشفى******
سيف : ماشى أنا مسافة الطريق وجاى سلام
ملاك : سلام
فهد : قالك ايه؟
ملاك : اكيد جاى يعنى مش محتاجه سؤال
فهد : هو ايه اللى حصل
ملاك : عربيه خبطتنا وانت اغمى عليك وناس اتلمت وساعدونى وجابوك هنا
فهد : الحمد لله
ملاك : الغريب إن العربيه اللى خبطتنا مشيت بسرعه
فهد : تقصدى إن حد قاصد كده
ملاك : ملهاش حل غير كده
فهد : أو يمكن خاف إن يكون حصل حاجه ومشى
ملاك : مش عارفه الحمدلله أنها عدت على خير
فهد : الحمدلله
عند مالك
سلمى : هتعمل ايه يا مالك ؟
مالك : مش عارف ، الموضوع غريب اوى
سلمى طيب ما تقول ل آدم يمكن يكون عنده حل
مالك : بس لو طلعت فعلاً اختنا وكلام ماما صح ، تفتكرى هتفضل مع ابوها
سلمى : أكيد لأ ، ده حرمها من امها كل السنين دى
مالك : الكلام اللى ماما قالته عن امينه دى يدل انها مش كويسه ، معقوله كانت بتعاملها حلو لدرجه الأم ؟
