متنساش النجمة حجي قبل ما تقرأ يا قمري★♥
ملاكى
||Part 23||
فى المستشفى عند قاسم الدكتور خرج من اوضة أمينه
قاسم : طمنى يا دكتور
الدكتور : للأسف نزفت دم كتير و
قاسم بقلق : و. ايه ياكتور
الدكتور : البقاء لله
قاسم قعد ع كرسى وحط راسه بين ايده
عند مالك هو وآدم واقفين قدام بيت قاسم وفى رجاله كتيره تبع مالك فى المكان
آدم : بس مفيش صوت يا مالك ولا أى حاجة
مالك : مش عارف ، بص بهدوء كده هندخل أنا وانت الأول
آدم بقلق : تمام ، يلا
ادم ومالك دخلوا وطلعوا الطابق التانى وشافوا دم
آدم : مالك بص كده
مالك : دم !! معقول يكون عملها
آدم كان لسه هيرد بس سمع صوت الفون بتاع مالك بيرن
مالك : ده فهد
آدم : طب يلا بينا بينا الأول من هنا وبعدين رد عليه
مالك وآدم نزلوا وركبوا العربية ومشيوا وفهد فضل. يتصل على مالك
ادم : رد عليه طيب
مالك : يا عم الفجر أذن وكلها شويه والنهار يطلع وهروح افهمه كل حاجه
موبايل آدم رن
ادم : اصبر بيرن عليا اهو
آدم : أيوة يا فهد
فهد : شوف مالك فين وتعالوا حالا ع المستشفى
آدم : مالك معايا اهو
فهد بعصبيه : وانا مش بتصل بيه ، مش بيرد ليه
آدم : لما نشوفك هتفهم ، انت فى المستشفى ليه مش سيف هناك
فهد بغضب : سلمى اختفت ومش فى اوضتها ، تعالى ع المستشفى دلوقتى
آدم بخوف : يعنى ايه مش في المستشفى، هتكون راحت فين
فهد بعصبية: وأنا أعرف ازاى ، اخلص يلا
آدم : ماشى ، وقفل
مالك بقلق : فى ايه ؟
آدم : اطلع ع المستشفى اللى فيها سلمى بسرعه
مالك بخوف : ليه ، حصلها حاجه ؟
ادم : مش موجوده فى المستشفى
مالك ساق بأقصى سرعة ومتكلمش مع آدم ولا رد عليه
عند فهد
قفل مع ادم وسمع صوت زعيق فى الدور اللى تحت وكان فى فوضى في المستشفى وشاف ممره بتجرى وقفها
