မနီးမယ့်တူတူတော့ အဝေးဆုံးကိုလွင့်ရောပေါ့ ငယ်
ဘာတွေကို ဖက်တွယ်စေချင်နေတာလဲ။
သံသရာတစ်ကွေ့မှာဆုံကိုဆုံရမယ် ဆိုတဲ့ ယုံကြည်ချက်ဟာ ယိုင်လဲတယ်။ အစထဲက ယုံကြည်ခြင်း ကင်းမဲ့ခဲ့တာလည်း ဖြစ်ချင်ဖြစ်မယ်။
တိုးတိုးညှင်းညှင်းဆုတောင်းတွေဟာ ပြည့်ဖို့အရေး ဆန္ဒပြတယ်။ ကျွန်တော်ကိုယ်တိုင်က ဆုတောင်းဖို့ကိုမေ့နေခဲ့တာလည်း ဖြစ်နိုင်တယ်။
ကိုယ်တိုင်ကလွဲ ဘယ်သူမှမသိတဲ့ ကတိတွေကအက်ကြောင်းထပ်နေပေမယ့် အထောင်အထည်ပေါ်မလာခဲ့ဘူး။ အကောင်အထည်ဖော်ဖို့ မကြိုးစားခဲ့တဲ့သူကလည်း ကျွန်တော်ပဲဖြစ်လောက်မယ်။
