الجميلة والوحش

البارت التاسع ( ظهور منتقم )

السلام عليكم يا قمرات اخباركم عاملين ايه يارب تكونو بخير علي فكرة أنا زعلت لان البارتات الي فاتت ملقيتش اي تفاعل واللهي أنا بتعب في كتابتهم بكتب ١٠٠٠ كلمة واكتر وبرضو مفيش تفاعل عايزة تفاعل كتير بجد لو الرواية وحشة قولولي في تعليق وانا هتقبل الموضوع مفيش اي لايك ليه كدة هي وحشة للدرجادي وعلي العموم شكرا يلا نبدا

يا صـدفـة اختلـفـت عن بـاقي الـصدف
يا نعمـة من سـابـع سمـا🌍❤

في بيت السيوفي
نادية: واللهي فاجأتني يا بني
مراد:لية يا امي هو أنا قلت حاجة غريبة
(خااااين بتخوني يا مرودة 😂😂)
نادية:لا مش قصدي اصل في وحدة صحبتي من شوية كلمتني علي داليدا لابنها بس مش هقدر اديك كلمة الا لما يجو اخواتها وغير كدة رأيها طبعا انت زي ابني الي مخلفتهوش وطبعا هأمنك علي بنتي لانك راجل ووقفت جمب ابني في شغله لحد ما وقف علي رجله من سعت الحج ما مات وسابنا ودا جميل في رقبتي
مراد:في حد يشكر ابنه برضو
ضحكت نادية : لا بصراحة يجو الولاد بس من برا وهرد عليك
وقبل ما يقوم مراد الباب تتفتح وظهر منه سامي وماجد
نادية:لسة كنا جايبين في سيرتكم
سامي:لية خير
نادية:بشمهندش مراد جاي يطلب ايد اختك
مراد:ومستعد لكل طلباتك
سامي: أنا مبدايآ موافق
ماجد: وانا كمان
سامي:بس برضو الرأي راي العروسة
مراد :علي راحتكم
ماجد :بس دلوقتي عايز اسالك سؤال
مراد:اتفضل
ماجد:اصلي من يوم ما شوفتك يعني ما شوفتلكش أهل يعني ولا حاجة
مراد: والدي والدتي اتوفو في حدثة عربية من وانا عندي ١٢ سنة
نادية :يا حبيبي يا ابني وعشت لوحدك
مراد: لا كنت قاعد مع جدتي بس هي اتوفت وعلي العموم أنا عندي صاحب والدي الله يرحمه وهو زي والدي واكتر عايش في الكويت ممكن يجي معايا عليشان نطلب أيدها
نادية:ياابني ماجد ما يقصدش
قاطعها مراد :لا يا امي دا زي اخويا
ماجد بمرح :حبيبي يا ابو صلاح
دخل سامي اوضة داليدا واخبرها بلموضوع وخجلت منه لكنها وافقت وكان مراد في منتهي السعادة وحددوا موعد الخطوبة الخميس المقبل
في الهاتف
ليليان:مبروووووك يا صاحبييي مش قلتلك أنه واقع
داليدا: خلاص يا ست الناظرة طلع عندك حق
ليليان: هروح اجهز بقي واجيب السواريه وحجزتي الكوافير
داليدا:اه وعزمنا المعزين وجبنا الجاتو والساقع ولبس العيل والحفضات.... هو انا لحقت دا لسة متقدم انهاردة انتي هتشليني يابت
ليليان بضحك: خلاص بهزر مهزرش ياحاج
ثم اغلق
هدي:مالها المجنونة عايزة أية
ليليان بفرحة:خطوبتها الخميس الجاي
هدي:بجد ومين المجنون الي هيستحمل حنانها دا
ليليان: ما هو مجنون زيها فعلا المهم انا هخرج معاها علشان نجيب الفساتين ونحجز الميكب ارتيست
هدي :اوكي عقبالك يا بنتي واشوفك في الكوشة
ليليان:لسة بدري
هدي :طيب أية رايك أن خطوبة داليدا دي عنطلع منها بعريس
ليليان:ربنا يستر
©©©©©©©©©©©©©©©©©©
يا أجَمل بنت فـ الصَورة قَصَيدة فـ القَلب محفَورة🌸
يا عِين مصَورَالي ألدنيا هِدوء فـ هَيئة بنت أمَورة💜🙈