رفيق 💛 (قيد التعديل)

البارت 20

_ريم بصدمه يعني انتي تعرفي اني بكرهك وساكته

_خديجه بتعب واعرف كمان انك كنتي عايزه تخبطيني بالعربيه بس ربنا لطف بيا بس انا عايزه اعرف انتي بتكرهيني ليه انا عمري اذيتك ف حاجه بالعكس انا عمري مازعلت حد مني ولا عمري اذيت حد ليه كل الكرهه دا

_ريم بدموع عشان الكل بيحبك كل البنات بتقول خديجه راحت خديجه جات والكل بيمدح فيكي شاطره ف دراستك وكمان محتشمه وشكلك ملتزم وبتقدري تقنعي الي قدامك بسهوله كل دا خلاني احقد واغير منك انتي فيكي ايه مش فيا؟ ليه بيحبوكي وانا لاء هو انا مش بني ادمه زيك ليه عندك كل حاجه وانا لاء عندك اصحاب بيحبوكي وانا لاء طب انا ليا مين قوليلي

خديجه حزنت علي حال ريم جدا ومن كلامها وقد ايه شايفه نفسها وحشه وان الكل مش بيحبها

_خديجه بحنيه طب ممكن تقعدي ونتكلم سمعت كلامها ريم وقعدت تسمع خديجه هتقول ايه ولو واحده مكان خديجه كانت قالتلها بيحبوني عشان احسن منك ولكن مصدرش اي غلط من خديجه اطلاقا

_خديجه بحنيه انتي ليه شايفاني عدوتك احنا ممكن نبقي صحاب وحبايب كمان انتي علي فكره مش وحشه ومش اقل مني ف حاجه خالص انتي زي وانا زيك ويمكن انتي احسن مني كمان ف حاجات انتي مش واخده بالك منها كل واحده فينا عندها هوايه معينه اكتشفي موهبتك هي ايه وتطوريها يعني انا ربنا عز وجل من عليا بنعمه الخطابه عشان كدا بتلاقي البنات بتسمعلي انتي كمان يمكن عندك نفس موهبه وانتي مش واخده بالك انتي مش حاسه بقيمه نفسك عارفه ليه لانك دايما حطاني ف دماغك ومركزه معايا ركزي ف حياتك صدقيني هتتقدمي وكمان عايزه اقولك الكل بيحبك هنا وكمان حب الناس ليكي من حب الله عز وجل عارفه ازاي

_ريم بعدم فهم ازاي

_خديجه بحنيه ف حديث عن رسولنا الكريم صلي عليه الاول

_ريم عليه افضل الصلاة والسلام

_خديجه الحديث بيقول اذا احب الله عبد نادي الي جبريل ان الله احب فلانا فأحببه فيحبه جبريل فينادي جبريل الي اهل السماء ان الله احب فلانا فأحبوه فيحبه اهل السماء ثم يوضع له القبول في الارض عايزه الناس تحبك لازم ربنا يحبم الاول بأفعالك وليس بأقوالك فقط خلي ربنا يحبك هتلاقي الناس بتحبك بدون سبب ممكن واحده تقولك انا حبيتك من قبل مااتكلم معاكي دا دليل علي محبه الله ليكي ياريم وبعدين الحقد والكره مينفعش ياريم خلي قلبك نظيف عشان ربنا مطلع علي القلوب اوعي تحقدي او تحسدي انتي مش اقل مني ف حاجه لا انتي احسن مني كمان بس والله انتي مش واخده بالك من قيمه نفسك

_ريم بحزن ظاهر احسن منك ف ايه ياخديجه انتي بتقوليلي كدا وخلاص وبتواسيني انا وحشه ياخديجه ولا بصلي ولا اي حاجه وعلي طول ف معاصي وانتي ماشاء الله احسن مني بكتير يبقي انا احسن منك ازاي