عشك المُلا "غربال"

البارت الثاني

#عشك_المُلا

لا تنسون التصويت لطفاََ

…………………………………………

جمالكِ هائل
واصابعي لا تحتمل ان تكتب عنك
ارجوك جردني من جلدي
واسكن بـَي..

تعود بي الذكريات حيث ....

بقيت طول الطريق وجهه ميفارك تفكيري واحس بنفسي هذا الشكل ابد مو غريب عليه بس وين ماكنت اعرف'
وصلت قريب بيتنا وكلت الابو رضا :- عمو انزل ويايه اتغده الوالده اليوم مسويه اكلات تاكل اصابيعك وراها والله واكله اطيب من اكله

ضحك وهوا يعدل نظارته وكال :- هههه والله عمو سراوي .. سوالفج حلوة ... بس شيفكني من بهجت تضوج وحدها تعرفين رضا بالعسكريه وصارت تضوج تحط اللكمة بحلگها بدونه

- اوووي عمو لعد جيبها فد يوم عدنا ليش تكعد وحدها وتضوج على الاقل تسولف وي ماما يطلعون يتمشون شي ولتبقى هيج وتنقهر

- والله يابعد عمج ماتقبل تطلع وحابسها روحها بهالحجره وكاعده بقريولتها ومتقبل تطلع لازمه قرانها وتدعي لرضا وحاطه گلبها بشيشة عليه لان بهالغربه وهالوحيد ...

-يارب يرجع بالسلامة بس هماتين اقنعها بلكي تجي العدنا تعرف احنا ماعدنا احد نعرفه هنا ببغداد غيركم

-احاول وياها عمو وبلكت الله ريتها

- يلا عمو هياني وصلت بلغ سلامي للحجية

- هههه هلا بيج واصل بعد عمج بس طبكي الباب حيل لان ماينسد
نزلت من السياره فتحت الباب وركضت للحديقة علمود اشوف جهال البزونه مالتي ..

شفت بابا بملابس الدوام ذاب الستره ع المرجوحه وكاعد يسگي الورد بالحديقة

- دكتور احمد ممكن اكلك هلو وانطيييك بوووووووسه قوووووويه

فاجأته بحضنه. من ورة ظهرة وهوا يضحك...

- حبيبه ابوها وعيونه وخري ....وخري ..لتتبلل ملابسج

-خلي تتبل. ملابسي المهم احضنك حييييل قبل متجي العينتين وتخبصني بغيرتها وتاخذك مني

- هههههه شلون جان يومج باباتي

- ذبيت نفس بملل:- ملللللللللل اوووووف ماتوقعت هيج الجامعه ممله والبنات شايفين نفسهم

ذب قميصه وبقى بالفانيله وجاوبني وهوا يمسح العرك من كصته وذب نفس:- بابا حبيبتي هناك مجتمع مختلف بي الزين وبي الشين وبي العنده الف وجهه ووجه بس هنا لازم يكون الانسان فطن ويتعلم ويعرف ينكي صاحبه ورفيق دربه ومينخدع بالناس

زين بابا شلون اعرف الزين من الموزين
- المواقف بابا .. المواقف والافعال هي الي تبين معدن الانسان إضافة الي نجاحج ، وتفوقچ ، الانسان الناجح مُحارب ويتعرض للأستغلال ..