وصل أسامه الي الشركه وهو يمشي بكبرياء وغرور والنظرات عليه منهم من يحسده ويحقد عليه ومنه من يخاف منه ومنه من لا يفهمه
يدخل اسامه الي مكتبه وخلفه كارما سكرتيرته الخاصه
كارما: اتفضل يا فندم ده ملف الصفقه
أسامه بصريخ وغضب: انتي ايه الي دخلك هنا مش انا قولت متدخليش الا اما اقولك
سيبي الزفت ده واطلعي برة حالااااااااا
كارما بخوف: حاضر
وفرت كارما هاربه فمن الاحمق الذي يستطيع الوقوف امام حوت الاقتصاد...... بعد خروج كارما دخل حازم إلي أسامه
حازم: ايه يبني مالك اكلت البت كارما البت مرعوبه وقبل ان يكمل كلامه طاحت لكمه علي وجهه اطاحت به أرضا
حازم بصدمه: ايه يا مفتري عملتلك ايه نازل ضرب فيا دايما ليه
أسامه بغضب: اطلع برة دلوقتي يا حازم
حازم: لا مش هطلع غير لما اعرف مالك
أسامة: مفيش يا حازم نفس الموضوع
حازم: قولتيلي بقي انت لسه منستاهاش يا اسامه لسه بتفكر ف الانتقام منها ليه يا أسامه
أسامه بعصبيه: انا عمري منسيت الانتقام منها ابدا يا حازم
حازم: طيب اهدي وانسي الموضوع دلوقتي وقولي هنعمل ايه ف الصفقه الجديده
أسامه: تعال الاول اعقملك الجرح وبعدها نتكلم ف الصفقه
حازم بمرح وهو يدعي الصدمه: يعني تقتل القتيل وتمشي ف جنازته يخسارة شبابك يا زوما راحت علي ايد واحد مفتري مش برحم
أسامه: بتقول حاجه يا زوما
حازم بخوف ومرح: ابدا يا بيبي
أسامة بقرف: بيبي دك قرف ف شكلك انا عارف مصحبك علي ايه
حازم بمرح: هو ده الي عندي يخويا لو مش عجبك طلقني
أسامه ببعض المرح: وانا اقدر استغني عنك يا بيضه
حازم: حبيبي يا اوس اعزمني بقي علي الغداء
اسامه: اطلع برة يا حيوان ومشوفش وشك يلا برة
حازم: ايه يعم انت الواحد ميعرفش يهزر معاك انا ماشي يعم
وذهب حازم. واكمل اسامه عمله وهو يفكر ف الانتقام
عند روان ف الجامعه
بنلاقي روان اعده ف الكافتيريا بتفطر
وتلاقي رغد جايه عليها
روان باستغراب: ايه الي جابك يا رغد من الجامعه
رغد: والنبي يختي ناوليني البطاطس الاول اصل انا نفسي مسدودة النهارده بسبب الدكتور الرخم بتاعي ده قال ايه ممنوع الدخول بعده ليه ان شآء الله
واخدت رغد تأكل بشراسه كل ما تقابله
روان بصدمه: كده نفسك مسدودة امال لو كانت مفتوحه كنت عملتي ايه كالتني
رغد: الله اكبر يختي حتي اللقمه بصينلي فيها
روان: كلي يختي كلي هو ده الي انتي فالحه فيه انا عارفه انتي هتكوني دكتوره ازاي
رغد: فاشر يختي ده انا هكون احسن دكك
وقبل ما رغد تكمل كلامها لاحظت ان روان ظهر عليها الغضب والعصبيه
رغد لروان: مالك يا روان
روان وما زالت غاضبه: بصي وراكي كده
رغد: ايه ده ده مسعد ابو كرش جاي علينا وده عاوز اي
روان: هيكون عاوز ايه اكيد هيفتح نفس الموضوع استني بس عليا ان مكنتيش ماسحه بكرامته الارض مكونش انا روان عز الدين
رغد: الله عليك يا جامد ايوة كده وريني يلا وانتي بتمسحي بكرامة ابو كرش ازاي
ثم ياتي شاب ف سن 27سنه شعره اسود ذات عيون بنيه وجسد غير رياضي اطلاقا يظهر عليه انه حامل في الشهر السابع... ثم يقول هذا الشاب
مسعد: كيفك يابت عمي
روان: عاوز ايه يا مسعد علي الصبح ايه الي حدفك علينا
مسعد: وه دي مقابله تقابلي بيها ولد عمك وزوجك المستقبلي
روان: نعم يخويا زوج ايه يا عنيا ده انت بتحلم انا استحاله اتجوز واحد شبهك يا مسعد يا كرشه وامشي من هنا بدل مندهلك الامن
مسعد: هتجوزك يا روان.
روان بغضب وقوة: نجوم السماء اقربلك يا ولد عمي وامشي بدل منادي الامن يلا
مسعد بغضب: وه هي بقيت اكده يا بنت عمي
روان: اه بقيت كده
مسعد: ماشي يا بنت عمي انا ماشي بس اتذكري حديثي زين محديش راح ياخدك غيري
روان: هتمشي ولا اندهلك الامن ياخدوك
وذهب مسعد وروان كانت تشتغل من الغضب
رغد: اهدي يبنتي عادي ده مسعد ابو كرش الي كرشه يسد القرش
روان وهيه تقلد مسعد: اتذكري حديثي زين محديش راح ياخدك غيري
خدك الاله يا بعيد روح اللهي يطلعلك عفريت من تحت السرير يلبسك قادر يا كريم تتجوز واحده بكرش شبهك وتخلف عيال بكرش ويسموك ابو ولاد ابو كرش وزوج ام كرش
رغد بضحك: يحبيتي ده لو طلعله عفريت العفريت هو الي هيتلبس منه مش هو
روان بضحك: عندك حق ده كفايه كرشه الي مخليه حامل ف الشهر السابع ده قال ايه انا اتجوزه ده بيستهبل عاوزني انا واعوذ بالله من كلمه انا بس انا المهندسه روان عز الدين بنت اللواء عز الدين الله يرحمه اتجوزه انا ده بيحلم
رغد بضحك عليها: طب اعودي يا بشمهندسه اعودي
روان: انا راحه المحاضره الاخيرة وانتي روحي وانا هعدي عليكي اول مخلص اشطا
رغد: اشطات يا عسل
وتذهب روان المحاضرة وتغادر رغد الي بيتها
أنت تقرأ
وجمعتنا الاقدار
General Fictionتخيل ان تكون وحيدا بلا اب وام ولا حتي اصدقاء ثم تلتلقي بشخص يعشقك ويراك اجمل شخص في الكون هكذا ستدور حكايتنا بين شاب كره الحب وفتاه لا تعرف ما هو الحب سيجمعهم القدر سويا وسيكون اجمل ما جمعته الاقدار
