شيخ العشيره والطالبه .🫀

البارت السادس

عذر:الوو وينجن ؟؟ اني وصلت
ريم:راح نوصل للقسم مالتنه
عذر:شنو ليش هلگد تتاخرن يلا تجن انتظرتجن من زمان
ازل:حبي شنسويلج اذا انتي تتحمسين للدوام وتجين ب6😂😂😂
عذر:ادبسزز انجبي غير ويا السايق
بعد وكت ع المحاضره وين نروح
ريم:نروح لحبيب الگلب 🌚😂
عذر:استغفرالله بذا رحمه الله من الصبح ترا ارفض سكتن احسن
ازل:همه اليوم يجونكم مو
عذر:اي لازم اطلع من وكت هم ب2 اعتقد يجون
ريم:شنو راح تلبسين خاب شدراني اي شي عادي
ازل:لا والله شنو اي شي ولي
عذر:خاب شنو هوا شايفني وانه هم شافتني بعد عليمن اكشخ اي شي
ازل:جذبج اشوي الگاج ب الصالون😂😭
ريم:ايييي جذابه المهم جبتن الوثايق مو خلي نسلمهن باجر اخر يوم لا ننطرد كلش اتاخرنه
عذر:يااا عزا نسيتههه ب البيت الوثيقه
ازل:العاشق الولهان حقه م يذكر
عذر:خاب انجبي ولج شلون هسه
ريم:خاب عادي اكبر جذابين كلشي م يسون وباجر جيبيهه امشن خلي نروح نسلم ملاتنه هسه
عذر:شكلي حلو م بي شي
ازل:ههههه اي حلو م بي شي بس عدلي شالج شويه
عذر:تمام
يلا خلي نروح بس شوفن اذا اجه سلم عليه مو تخلني ابحدي عليجن الله
البنات:خوش خوش يلا دخلي
ريم:نسئل يأي غرفه نسلمهن
خويه من رخصتك الوثايق وين نسلمهن
الولد:ثاني غرفه ع ايدج اليمين
ازل:دك دك دك
الاستاذ:تفضل
ازل:السلام عليكم استاذ بس الوثائق كالو هنا نسلمهن
الاستاذ:وعليكم السلام اي انطونياهن خلي اجيگهن خاف بيهن نقص
عذر:افكر واكول وين هذا هسه موجود ب الغرفه مالته لولا اذا يشوفنه يجي يسلم خلصن البنات طلعنه  من الغرفه امشي وافكر قاطع افكاري صوته
حبيب:طلعت من الغرفه واشوفه هي وصديقاته طلعن من غرفه الاستاذ احمد وهي صافنه
رحت السلام عليكم
البنات:وعليكم السلام
عذر:وعليكم السلام
حبيب:شلونج عذر
عذر:الحمدالله زينه
حبيب:شنو كاعد تسون هنا
ازل:سلمنه الوثايق مالتنه اني وريم
حبيب:ها وانتي عذر
عذر:لا اني باجر اجيبهه
حبيب:ان شاءالله خير شنو ناويه اطلعين بدون م تجين تسلمين عليه
عذر:ها لا م عبالي موجود
البنات:حبي احنه راح نطلع كدامج تلگينه كاعدين ب الكافتريا يلا باي
عذر:الحقيرات شوف شنو سون وانه شنو موصيتهن ها لا اجي بعدني م مكمله قاطعني
حبيب:باي بنات شوي وتجي وراكم (شفتهه تريد بس تشرد لان البنات راح يرحن فه كلتلهن شويه وتجي وراجن
حبيب:اليوم نجي عليكم نخطبج
عذر:اي (فد مستحيه بلكوه احجي وارد علي)
حبيب:ع شنو مستحيه اليوم راح تصيرين الي واخبصج خبص بعد
عذر:لا م مستحيه ان شاءالله نشوف
حبيب:شنو تشوفين م راح تقبلين شنو تعاي تعاي ندخل للغرفه مالتي نحجي
عذر:تمام لا مو هيج بس اني شويه متردده يعني احس بعدني مو هسه م بيه حيل مسؤليه وانت شيخ وناس عدكم دائما واني عندي دوام وارجع بيت م ادري والله بس م احس سهل هل روتين عليه
حبيب:شنو الظاهر تردين هسه نزوج گبل ربطتي ب الروتين
عذر:لا م اريد هسه
حبيب:شوفي صح اني شيخ وناس داخله عليه وطالعه و م اخذي عليج كلش تعب عليه اني بس انتي م راح تدخلين بشي مثل م انتي هسه عايشه عند اهلج نفس الحاله عندي ب البيت اداومين ترجعين تنامين ادرسين م مجبوره تسوين شي مرت الشيخ بعد يخلونج بعيونه وبعد احنه ان شاءالله يصير دوامنه سوه نروح سوه ونرجع سوه (وتنظيف ما تنظف عدنه ام علي م مقصره )والطبخ الوالده م تخلي اي احد يطبخ غيره بعد شنو الي متردده من
عذر:والله م ادري اني شبيه زين ملابسي ولبسي اني هسه الي انت كاعد تشوفه بعدين لبسي عبايه لولا تلبسين شي
حبيب:شوفي البس الي ب المعقول محد يحجي علي واني صح م احب البس الي قصير مو شرط عبايه اهم شي عريض وما بي شي م احجي بس خلي ابالج كلش م أحب لبس قصير ضيگ من هل سوالف وابد م احب تنكسرلي كلمه كدام احد
عذر:نحجي بهيج سوالف من ننخطب رسمي هسه بعدنه
حبيب:چنج تراجعتي
عذر:لا مو توجعت بس اني اعتقد متوتره شويه
حبيب:هههه لا تتوترين قابل اليوم العرس شوو هي بس خطوبه
عذر:شفته ضحك ضحكه كلش خفيفه واني م اعرف شنو صار بگلبي (حسيت بس اريد اتامل وجههه ضحكته الي تجننن م يضحك هواي هاي ثاني مره اشوف يضحك بس )
حبيب:احبج وداعت هل عيون ويأشر ع عيوني
عذر:(وي اكله اني هم احبك  بس استحي )هااا اي شكرا
حبيب:خرررب هوا شنو الشكراً كاعد اكلج احبج ولج
عذر:چاا شنو اكول يعني
حبيب:خلص لا دكولين شي عوفيه يلا
عذر:حسيته ضاج هوا اعترفلي واني مثل الثوله اكله شكراً بس م اكدر اكوله احبك جذب
حبيب:ضجت منههه  كلش بس اني اعلمهه اعترفلهه دكولي شكراً ادري شنو بس هي ارتبكت خطيه
شوفي اني م اريد اضغط عليج براحتج انتي اني حبيتج من اول مره شفتج بيهه دخلتي الگلب وصرت اراقبج من بعيد دائما اشوفج  فه انتي م تعرفيني زين هسه ورا الخطبه وتعرفيني وتعوفين مشاعرج
عذر:اني م اكدر اكول احبك يعني گبل اجي اكولك حبيب اني احبك
حبيب:اي بس گلتيههه مرتين هسه 🌚
عذر:لا تعرف قصدي شلون كلتههه اني صح اعترف معجبه بيك شخصيتك اسلوبك يعني كلشي بس م وصلت للحب
حبيب:عادي عادي م دام نعجبتي نعم الله توصيل عادي بعدين شويه شويه
عذر:حبيب اني اتاخرت ع البنات عزززا بدت المحاضره شلون ادخل هسه الدكتور يطرني
حبيب:شنو عدكم هسه يا دكتور
عذر:دكتور انمار بس عيب كلساع طالعه من المحاضره لو غايبه لو م تاخره
حبيب:شسالفه عادي اني احاجي الج ودخلين
عذر:لا لا لاتحاجي عيب اني اروح ادخل
حبيب:شبيج اني احاجي كتلج يلا امشي
عذر:عيب هسه يكول چاا يمك وهم جايبتك وياي ادخلي
حبيب:معليج هذا اخوي م يحجي شي هسه اتصل علي اخلي يطلع من المحاضره وانتي دخلي ورا م يدري بيج
عذر:اوك يلا اروح اكعد ب الاخير علمود م يشوفني
حبيب:يلا الووو وينك انمار اطلع من المحاضره اني برا اريدك بشي
يلا اجه روحي دخلي
عذر: تمام شكرا حبيب
حبيب:لا تعيدينهه مره ثانيه هاي الشكراً صرت م احبهه
عذر:هههههه تمام م اكوله بعد
حبيب:شو هاي طگتهه ضحكه بوجهي رجعتلي العافيه كلههه  ضليت بس اباوع عليهه الحد م راحت واذكرههه من ضحكت خرب سحلت گلبي
انمار:هااا حبيب شكو شبيك الوووو وين هييي مو احجي وياك
حبيب:ها هلا انمار م ادري بيك ولك اصير
انمار:وين طاكههه صفنه ها
حبيب:ولك ضحكت بوجهي ونسيت حتى اسمي
انمار:ها صايحلي علمود ست الحسن تدخل م اشوفه تدلللل مرت الشيخ يلا عادي
حبيب:شعندك غيري  يلا مشكور ارجع لمحاضرتك  اني رايح اسبح وابدل واروح البيتهم انت تعال وراي من تخلص
انمار:بيههه الخير ان شاءالله يلا روح واني وراك اجي
عذر:خلصنه المحاضره والدكتور احس بوجههه ضحكه بس طلعت بسرعه رحت للبيت كلش اتاخرت صارت ب 1:45 اكيد هسه جايين
وصلت ب2:30 واشوف الشارع متروس سيارات بابنه مفتوح وبي ناس كلش هواي الديوانيه متروسه نص كاعدين برا ع الكراسي شلون انزل واعبر بين هل كل م عدنه باب ثاني هوا بس واحد اختاريت اتصل ع اخواني محد يرد ابوي هم م يلحگون يردون هوسه كلش اتصلت ع امي

وجانت كاعده يم النسوان كلتلههه شلون ادخل محد يرد عليه
اميره(اخت حبيب):اتصل ع حبيب هسه يدخله هوا كال اكيد م راح تكدر من تجي من الدوام
عذر:سمعته لا لا اني ادخل هسه شويه بس يوخرون هذول
حبيب:اتصلت اميره كالت عذر م تكدر تدخل اتصلت ع امههه اني اصلا جنت مو ب الديوانيه طلعت گبل وشفت السايق ماله فتحت الباب مال السياره كتلههه يلا تفضلي ترا منتظرينج
عذر:هااا منو كالك
حبيب:يلا امشي
عذر:بس هواي ناس خاف اطيح والله
حبيب:تردين الزم ايدج ونعبر
عذر:لا لا امشي كدامي واني اصير وراك علمود محد يشوفني
حبيب:هههه فدوه لليستحي امشي بويه دخلنه وكلههه تباوع علينه وياي هي خاتله اني انطيتهم نظره وحده كلههه دارت وجههه
حبيب:دكدرين تمشين براحتج محد يباوعلج
عذر:اباوع كلههه دايره وجههه شلون هيج وگبل عثرت ولزمت ايده حيل
حبيب:الله الله اسم الله تعورتي
عذر:لا م بيه شي وجهي صار ينطي الوان گبل دخلت وهوا راح دخلت والگه الاستقبال كله نسوان

يتبعععع.....