عاشقين صاحبات العيون الخضراء 💚

بارت الثاني

راح اختصر شغلات مثل كعدت الصبح وتغديت وتعشيت ومن هاي الاحداث وسبحت كلهن راح اختصرهن بكلمه روتيني من اكتب روتيني يعني اني كاعده الصبح ومغسله ومفرشه اسناني ومغيره ملابسي المهم
كعدت الصبح روتيني ونزلت صبحت على اهلي للعلم اني صح عندي اخت بس كل وحده غرفه غرفتي وغرفه اختي وحده مقابيل الثانيه لان اشويه مخبلات نلعب طوبه بالممر الي بين غرفتي وغرفه اختي غرفه اهلي جوه والمطبخ وصاله وغرفه خطار وصحيات وغرف اخواني المتزوجيين وغرف التؤام فوك غرفنه ايضا وحده مقابيل الثانيه هيه مو غرف سويدات المهم كعدنه الصبح ضايجين طلبت من بابا نطلع كال لا بابا اليوم عندي خطار جماعه جايين عليه ويردون احل مشكلتهم حظروا العشاء وهاي السوالف وترتيبات مالتكم واذا طلعوا من وكت روحوا طلعوا ماعندي شي بعد حضرنا العشاء وكملنا وبعد صلاه المغرب اتعشوا وطلعوا الخطار اني وامي واختي طلعنه ونسوان اخواني رتبوا البيت لان ما قبلوا يطلعون ويانه وكالوا روحوا طلعوا واتونسوا واحنا انضف البيت طلعنه بسيارتي لان  سياره اختي مابيها بانزين رحنا للمول ....... المهم دخلنا نشتري وكذا بابا اتصل عليه ورديت جنت منزله راسي بالارض انضربت بواحد كارثه طول وهيبه ظيييم امي واختي جانوا يشترون عطور واني طلعت اجاوب بره لان هوسه جوه وما اسمعه

ا اسف اختي تأذيتي
ن لا اخويه عادي ما صار شي اني ما منتبه
ا لا عادي بس خاف اتأذيتي
ن لا ما اتأذيت شكرا على السؤال
ه تعالي نيران ما تشترين عطور
ن اجيت عمري اترخص اني اخويه
ا مرخوصه واسف مره ثانيه
ن لا عادي ولا يهمك مع السلامه
ا الله وياج
رحت يم امي واختي اشتريت عطور وخلصت
تعشينه بالمطعم ورجعنه جانت ب11 بليل اتصفحنه بالفون اشويه اجوي اخواني لعبنه دومنو وكل واحد صعد لغرفته رتبت الاغراض واتصفحت بالفون صارت ب2 رحت على اختي كعدنه اشويه سولفنا بس ما ذكرت الها الولد لان ما خليته ابالي واجوي نسوان اخوتي اكلنا حبشكلات وسولفنا على الطلعه صارت ب4 صلينه الفجر ونمنا

ايهاب

كعدت الصبح روتيني ونزلت جنت ضايج رحت للمول شفت وحده يمه يمه يمه كلبي ليش هيج يا ربي ليش جنت امشي واباوع على الساعه انضرب جتفي بوحده سبحان الي خلقها صدك تعبان بيها شنو الحجاب الي يخبل شنو العيون والطول اتخبل اتخبل بنيه اتموت رفعت عيونها عليه ويا ريت ما رفعت راسها طلعت وحده من المحل صاحت نيران عرفت هذا اسمها الحديث فوك مذكور وراحت بس اني اتربعت البنيه بنص كلبي متت عليها بصراحه راقبتها لان ردتها ردت اخليها بغرفتي اني صح جنت شايل الفكره من راسي بس من شفتها لا غيرت راي راقبتها اشو هاي شفتها راحت للمطعم وبعدين راحت للكراج طلعت السياره هاي شنو هذا الكمر يسوق والله قلبي الصغير لا يتحمل راقبتها وبقيت امشي وراها الى ان وصلت للسوبر ماركت نزلت وياها 2 وحده جبيره ووحد صغيره اشتروا حبشكلات على كولت نيران هههههه المهم طبكت السياره بعيد عنهم انتضرتهم طلعوا بس مو هيه الي ساقت البنت الي وياها المهم وصلوا للبيت بس اني حفضت الطريق مثل اسمي اووووف اووووف يا بنت كلبي المهم بعد فتره من الوقت صارت عدنه مشكلة وردنه شيخ يحلها سألت وكالوا الي شيخ صالح رحت على اخويه وانطيته علم بالموضوع  صار العصر ورحنا على بيت الشيخ صالح هاي شنو هاي هذا بيت نيران اي اي والله بيتهم هذا بيت نيران بس شنو الي يصير دخلنا للبيت شفت سيارتها بالكراج دخلنا سلمنا  وقاموا بالواجب اندك الباب راح الشيخ جاب الشاي وسمعته كال حضروا العشاء نيران كلتله ماشي بابا تأمر امر انت وخطارك ايي هذا صوت نيران اني اعرفه صوتها بأذني يرن الى الان صوتها والله هذا بس معقوله هاي بنته اوووف اووووف يا ربي شنو الي يصير منها شيخ صالح صرت مثل المخبل ما اعرف شنو اسوي اتعشينه وبعدها طلعنا الحمدلله انحلت المشكله بفضل الله وفضل شيخ صالح رحت على اخويه طلبت منه يعزم الجماعه لان ما قبل الشيخ  ياخذ شي مقابل ساعدنه هيج لوجه الله  هوه اساسا الرجال متمكن ويحل مشاكل العالم بدون مقابل
بعد مرور ٣ايام عزمناهم او اجوي هوه الشيخ صالح او ولده او وياهم بنات بس البنيه الي شفتها ويه نيران بالمول ماكو ما اجتي المهم قمنا بواجبهم على حسب الاصول او شويه كعدنه او سولفنه بس هل نيران تربعت بكلبي اني هيج اخطف النضر منها او ارجع ادنج لان اكول خطيه اخاف هيه تتأذه لان ابوها او اخوتها يعني كلهم كاعدين بعدين رادوا يرحوون بس ما قبلنا طلبنا منهم يبقون على عشاء اني مو علمود شي بس اريدها يمي والله راح اتخبل شبيه هيج انكلبت احوالي من شفتها الشيخ كال لا بنتي الثانيه وحدها بالبيت واخاف عليها مهيمن كال عمو اني اروح اجيبها وروح ابويه ما تطلع اذا ما تتعشه خلص عمو اني حلفت اتفضل اكعد واني هسه براسي اروح اجيب اختي واجي
ص هاي هيه عمو على هواك والله يرحم ابوك على هاي التربيه والنعم منك ومن اصلك يا طيب
م كفو منك عمو احنا من بعدك واحنا صرنا اهل ان شاء الله مابيناتنا
ص بنتي نيران اتصلي على اختج خليها اتجهز نفسها بين ما يوصل مهيمن
ن صار بابا تأمر اتصلت على هجران وطلبت منها اتحضر نفسها راح مهيمن يجيب هجران

انروح على هجران ونشوف شنو وضعها بالبيت خابرتني اختي كالتلي راح يجون عليج تحضري اني عبالي الولد اخوتي كاعده دا اتصفح باتلفون او شفت سياره رانج طبكت بالباب المهم اني ما ادري هاي الرانج عليه عبالي على بابا بعدين خابرتني نيران جان تكلي الولد صارله ساعه منتضرج شوكت راح تطلعين كتلها هذا منو جان تكلي هذا ابن الي اليوم عازمينا اني كمت ارجف لان اخاف طلعت صعدت ليوره كلت سلام وعليكم هوه رد السلام بس شنو حسيت عيونه من العصبيه راح تطلع او حمر اني كلت خلي اعتذر منه اشو بيانه هذا يخوف ف كتله اني اسفه لان تأخرت عليك بس عبالي جاين خطار على بابا ف مطلعت اني عبالي يجون عليه واحد من اخوتي او اسفه مره اخرى بس هذا الحجي اني اسولف وياه او هوه صافن فمن  اعتذرت منه جان يكلي راح اسامحج لخاطر هاي اللون مال العيون الي تسطر المهم وصلنا طبينا اني وياه او نزلنا الاكل

مهيمن
قريتوا الي فوك حتى ما اسوي القصه ممله عليكم رحت جبتها بس يا الله سبحان من خالقهن هيه ولا اختها الله يحفضهن ان شاء الله طلعتلي لابسه شال لون زيتوني بنت اللذين ضارب ويه العيون صعدت بس حسيتها ترجف اعتذرت مني صوتها يرجف انقهرت عليها اباوع عليها الشفايف ترجف لان اني من اعصب اني او ايهاب اعصاب فدشي مو طبيعي فكتلها الحجي الفوك بس ما اعرف شصار بيه من شفتها او هيه مربربه او بالنسبه الي او الجسمي او الطولي او الضخامتي هيه يمي عصفور المهم وصلنا طبينا اني وياها ما اعرف ليش حسيت انو اني وياها لازم نكون لبعض بس حرامات مسألتها شنو اسمها

ايهاب راح مهيمن جاب اخت نيران لان لحد الان جنه منعرف اسمها الي نعرفه بس بنت كلبي اشو هاي طبت اختها كامت حضنت اختها او اخت نيران تكلها حقيره اشو ماكو اليوم عرفنه عيني طالعين المهم اندمجت نيران ويه اختها المهم على العشه كاعدين جان مهيمن كله للشيخ معرفتنه على بنتك لان نيران من اجوي عرفنه عليها يمه فديتها هيه حتى هاي اختها هم حلوه الله يستر عليهن ف الشيخ صالح كله اسمها هجران او انطاه العمر او التحصيل الدراسي المهم حسيت اخويه ايباوع عليها لان من كله اسمها هجران هوه ضل يباوع عليها

شنو تتوقعون يصير بالبارت القادم

نهايه البارت

الكاتبه دارين الجزائري