عاشقين صاحبات العيون الخضراء 💚

بارت الثالث

ايهاب

البنيه دخلت كلبي واريد اكمل وياها نص ديني بس اخاف ترفض لان الي سمعت بيه تدرس راح اتكولون اشون عرفت راقبتها كل يوم كعدت الصبح وكلت اروح اوكف قريب على بابهم حتى من تطلع اشوفها جانت لابسه قميص ابيض وصدريه سوده وشال ابيض وطلعت وياها البنت الي جابها مهيمن يعني اختها صعدوا بالسياره وراحوا للمدرسه اني رجعت للدوام كملت شغلات عندي و اعرف طلعتها ساعه ب1 الضهر هم رحت اشوفها بزي العسكري اجاها واحد انطاها ورقه بس شفتها من بعيد اتأشر بيدها رحت عليها اريد اشوف شكو اسمعها اتكول انت متستحي ماعندك اخلاق طاح  حض اشباه الرجال الي مثلك ولي من يمي ترى الم عليك امه لا اله الا الله كلها يا عديم الرجوله ولي من يمي اجتها اختها كالت شبيج حبي بصراحه عجبني تصرف اختها ما ذكرت اسمها امام الشاب الغريب  كالت مابيه شي تافه وخلصت منه عادي بس اني شنو صعدت الحراره لراسي لزمته وكتلته كتله من هاي المحترمه وبعدين اخذته للمركز هم كتلته وما برد كلبي

الحوار الي دار بيناتنا
ا اني اسف على التدخل بس ما كدرت اشوفج او اشوف كل وحده تتعرض لهيج مواقف واسكت
ن لا عادي ليش تعتذر بالعكس المفروض اتشكر منك لان لو ما انت ما اعرف شنو اسوي
ا ليش شنو اسوين لسانج ما قصر وياها
ن الي يدك الباب يسمع الجواب
ا هههههه اي صح
ن انت مو الملازم اول  ايهاب ابن عمو ابو مهيمن
ا اي اني ايهاب بس بدون ملازم اول مباشره ايهاب
ن لا ميصير علمود واجبك
ا لا اني هيج ارتاح بس ايهاب
ن تمام شكرا الك مره ثانيه اترخص منك ممكن اروح
ا بس اطلب منج طلب
ن وشنو هوه
ا رفعي راسج ليفوك ليش منزلته انتي بت الشيخ صالح ابد لا تفكرين بيوم تنزلين راسج الي سويتي اليوم يرفع الراس مو مثل بعض البنات جان قبلت بهذا الشي اكيد بدون مقارنه بيج
ن تمام رفعت راسي باوعت عليه اشو هذا حلو ملامحه حلوه وينحب
ا اووووف يمه كلبي ليش هيج رجعي يمعوده نزلي راسج لخاطر الله
ن اترخص اني  بس سؤال انت شنو جابك اهنا
ا اجيت على المدير صديقي اشوفه
ن ها تمام اترخص اني
ا هذا الكلام هجران مو موجوده راحت اتجيب ماء لنيران واني استغليتها فرصه لان ما حجيت وياها من اجوي يمنه
ه اتفضلي حبي هذا ماء شربي وارتاحي
ن تسلمين عمري
ه شكرا الك اخويه ما قصرت ما اعرف شنو اكلك والله بس ما قصرت
ا لا لتكولين هيج اختي احنا اهل وبيناتنا زاد وملح والي ما اقبله على خواتي ما اقبله عليكم
ه مشكور ما قصرت
ا اتفضلوا اوصلكم
ن لا شكرا ميحتاج هسه يجي اخويه
ا لا اشون اعوفكم وحدكم لو اخذكم ويايه لو ابقى انتضر اخوج
ن لا هذا سلمان اجه مشكور
ا حجيت بكلبي خرب يومك سلمان هسه انت شنو جابك ها تمام اسلم عليه واروح
ن شكرا مره ثانيه
ا العفو واجبي هذا
س السلام عليكم اشونك ايهاب
ا وعليكم السلام وهلا اشونك اخويه ان شاء الله بخير
س والله الحمدلله ابو الهمم اشونه
ا والله بخير على الله ابو الهمم اقصد مهيمن
س شعجب اشو هنا ليش
ا اجيت على المدير صديقي وشفت خواتي
س ها خير ان شاء الله يله اترخص اني البنات بالسياره
ا مرخوص اخويه اخذ راحتك وسلامي للوالد
س الله يسلمك وانت هم سلم على ابو الهمم

نيران

صعدت للسياره وبقى اخويه يسولف ويه ايهاب اشويه واجه
س ها حبيباتي اشونه يومكم جان
ن والله يا اخويه هيج وهيج صار
س صدك تحجين ليش ما اتصلتي عليه
ن ما يحتاج اجه ايهاب وخلص الموضوع لو ما اجه جان اتصلت عليك بس ايهاب خلص الموضوع
س تمام عمري بس من نوصل كولي لابويه حتى تزيد ثقته بيج
ن اخاف اكول اله
س لا لتخافين كولي اله احسن
ن تمام اكول اله من نوصل
وصلنا للبيت ونزلنه اتغدينه بابا جان طالع عنده فصل كملت دروسي ونزلت اشويه يم العائله اجه بابا سلم وكمل رحت كلت الها

ن الله يساعدك بابا بست ايده
ص هلا يابه ويساعدج ها اشون جان يومج
ن بابا الحمدلله بس ممكن اكول الك شي
ص اي بابا كولي اسمعج
ن سولفت كلشي لبابا
ص هاي شنو لازم اتصل عليه واتشكر منه
ن اي بابا لازم اني هم اتشكرت منه بس بعد لازم انت هم حتى يعرف اني كلت الك وصار عندك خبر بالموضوع
اتصال بابا على ايهاب الحديث الي دار بيناتهم

ص سلام وعليكم شلونك عمي اخبارك
ا هلا عمي بخير الحمد الله انته شلونك اخبارك
ص والله الحمدلله عمي مشكور او ما قصرت او الف رحمه على روح ابوك الي خلف ما مات
ا اني مصدوم على شنو عمي هذا الشكر كله
ص على الموقف الي صار ويه نيران اليوم
ا لا عمي عادي الله يحفضهن او يستر عليهن هذا واجبي
ص لا عمي لا انته قله اكو منك او مشكور مره ثانيه او اخذ راحتك اخاف عطلتك في امان الله
ا لاعمي شنو السالفه الشكر لله هلو عمي الله وياك

ا بصراحة مصدوم من تصرف نيران ما اتوقعت اتكول اله كلت هسه اتضم عليه وما اتكول اله بس يجوز معلمهم على الصراحه

نيران

تعرفون الي صار فوك والحديث الي صار بس صدك ارتاحيت من سولفت لبابا المهم مر اسبوع بين دوام وعطل غداء وعشاء وعادي ايام اتمر طبيعيه بس اجه يوم الي صدمني وما اتوقعت هيج يتصرف ايهاب

شنو توقعاتكم للبارت القادم

نهايه البارت

الكاتبه دارين الجزائري