احببت مدرسي 🔞

.

كعدت ثاني يوم وبابا وصلني لبيت المدرس لان جانت بعدها ضلمة تقريبا وخاف علي بقينا نراجع المادة تقريبا ساعة وكال يلة لازم اوصلج لا يروح عليج الامتحان وصلنا للمدرسة وبدة ينصحني شسوي اذا نسيت إجابة وشلون اجاوب بتركيز حتى اخذ درجة عالية بعدين سلمت علي ورحت للمدرسة صاح علي كال حنتضرج من تطلعين اوصلج للبيت اني كتلة لا ليش تتعب نفسك اني ارجع الوحدي هو عصب كال شنو ترجعين الوحدة قابل المدرسة بصف بيتكم حتى اخليج الوحدج ماكو اني ابقة هنا انتضرج واول متطلعين من القاعه گبل تجين للسيارة اني خفت من شفته معصب وكتله حاضر اول ما اخلص الامتحان اجي عليك كال تمام واني اسف لان عصبت عليج بس انتي كلامج نرفزني واني اخاف عليج
عاد اني تجرأت وسألته انت ليش مهتم بية لهل درجه كال مضل شي وتعرفين السبب كتله تمام كولشي بوقته حلو وكتله باي وهو هم كلي باي بقينا على هذا الحال لحد ما اجة اخر يوم للامتحانات طلعت من الامتحان فرحانة لان هذا اخر يوم وجنت مجاوبة عاد هو كلي اليوم عازمج على مطعم كتله شلون وأهلي كال معليج اني اخذت رخصة من ابوج رحنا للمطعم كعدنا شوي وكال اريد احجي وياج بموضوع بس اتمنى متفهميني غلط كتله كول شكو قلقتني جان كبل بدون مقدمات كال اني احبج اني انصدمت وبنفس الوقت الفرحة مو واسعتني وكتله ا ا اني هم اححبك كال حضري نفسج بالليل كتله ليش جان كلي متردين امشي عليج اني هنا طرت من الفرحة وكلت واخيرا صار الي جنت اتمنا رجعنا للبيت اني سبحت وغيرت ملابسي ورحت نمت كعدت على صوت الموبايل كلت الووو يعني وقتكم تتصلون متعرفون واحد تعبان ونايم بدون ما اشوف منو المتصل جان يكلي يعني اتصالي صار يسببلج ازعاج اني كبل كعدت كلت عزااااا هذا أحمد آسفة والله مو قصدي رديت بدون ما اشوف منو متصل ضحك وكال عادي فدوة الج حبيبتي من كال حبيبتي حسيت روحي تسرسحت هههههه كال يلا كومي جهزي نفسج شوي واجي اني وأهلي كتلة تمام كمت بدلت لبست فستان قصير وخليت مكياج خفيف ورتبت شعري ورا شوي اتصل وكال اني بالباب هنا اني راد يوكف قلبي من الخوف والفرح ما اعرف شصار بية دخلو للبيت ورا شوي ماما صاحتلي اول مدخلت شفت والدة احمد واختة كاعدات اول مشافتني كامت تصلي ع النبي وباستني وصار وقت الشوفة الشرعية دخل احمد حتى يشوفني واشوفه بس شنو أني جسمي كله يرجف من الخوف كعد كبالي وكال فدوة الالله شطالعة اليوم تخبلييين جان يكل البابا اريد احجي وي زهراء على انفراد اذا تسمحلي بابا كال يي عادي طلعو كلهم وبقينا اني واحمد الوحدنا كاعدين جان اجة كعد بصفي ولزم ايدي كال ولج بعد ما اتحمل اريدج كتلة اذا تريدني استعجل بالزواج كال والله اسويها وهسة اجيب الشيخ أعقد عليج واخذج وياي كتلة واني موافقة جان يكلي يعني انتي هم مستعجلة وغمزلي هنا اني متتتتت من الخجل كتله لا بس جا يخلي ايدة على شفايفي ويسكتني وكلي احبج كتلة واني اموت عليك وباسني من خدي اني دفعته وكتله شدتسوي كال اني اسف بس اذا نبقة الوحدنا بعد دقيقتين متعرفين شنو ممكن اسوي اني كبل طلعت من الغرفة خفت لا يسوي شي غلط جان ماما كالت ها شو اجيتي كلتلها مو أحمد يريد مي كالت تمام اخذيله المي واحنا راح ندخل جوة واحمد طلع وراح يم الزلم حتى يتفقون على موعد الخطوبه والحاضر والغايب اتفقو بعد اسبوع الخطبة ثاني يوم اجة اخذني ورحنا للسوق اجرت فستان الخطبة وكال نسوي حفلة الخطبة بقاعة مو احسن كتلة بكيفك كال تمام واعزمي كل الي تردين كملنا من السوق اخذني للمطعم كملنا ورجعنا للبيت
...... يتبع