احببت مدرسي 🔞

درس خصوصي

هلا اني زهراء احجيلكم قصتي تزوجت لما كان عمري 18 من شخص ما احبة وتأذيت ويا هواي وصار عندي منه ولد لحد ما الله خلصني منه وطلقني فقررت انو اعيش حياتي بدون زواج واكمل دراستي واتوضف حتى اعتمد على نفسي لان الأهل بعد عمر طويل مدايمين الي فقررت ادرس خارجي بس المشكله جان الثالث كولش صعب بالنسبه الي وجان لازم ادخل درس خصوصي

المهم ورا كم يوم لكيت مدرس بابا اتفق ويا ع الأجور والوقت مال المحاضرات
ثاني يوم جان اول محاضره الي گعدت من وقت سبحت وبدلت وخليت مكياج خفيف لبس فستان حلو نازك ومرتب وأخذت كتاب الرياضيات ورحت لبيت المدرس اول موصلت طلعتلي بنية كلتلها السلام عليكم ردت السلام وكلتلها الاستاذ موجود اني جنت حتى اسمه ما اعرفه كالت انتي البنية الي البارحة اجة ابوها على أخوية كلتلها اي كالت تفضلي احمد ديسبح شوي ويجي كلتلها تمام دخلت للبيت انتضره ورا خمس دقايق دخل علي شاب يجننن بحيث اول مشفته قلبي گام يدك بسسسسرعة اخذ قلبي من اول نضرة ابن الحوش ناس بس اني سويت نفسي ثكيله وما اهتميتله كال السلام عليكم رديت السلام كال شنو اسمج عرفيني عليج كتله اسمي زهراء

احمد : عاشت الاسامي زهورة
زهراء : شكرا استاذ
احمد : بدون استاذ ماكو داعي للرسميات
زهراء : لا انت استاذي ولازم ما اناديك بأسمك
احمد : على راحتج

احمد : بشنو حابة نبدى بأي مادة
زهراء : نبدي بمادة الرياضيات

كال ااوك
بدينا بأول محاضرة گعد يشرحلي المادة بس اني جنت بعيده عنه كال تدني ليش شاردة مراح اكلج هههههه اني ابتسمت بخجل عود مستحية هههههه وتدنيت صرت قريبة علي كولش اجة عطره بخشمي بحيث خدرت على عطرة وكوة ركزت ع المحاضره كملنا الدرس وصار لازم ارجع للبيت بس اني بودي ابقة ما ارجع هههههه المهم كال هذا رقمي واتصلي علي حتى احفظ رقمج عندي علمود إذا تتأجل محاضرة ابلغج ليش تتعبين وتجين ع الفاضي كتله تمام اتصلت علي وحفض رقمي ورحت للبيت كملت شغلي صارت الساعه 12:00 بالليل اريد انام بس ما اكدر الليل كله افكر بي ما ادري شجاني واني عود جنت رافضه فكرة الحب والزواج نهائياً بس هذا الملعون اخذ عقلي وتفكيري كله المهم ورا شوي اجتني رسالة ع الواتساب كال صباح الخير اني عرفته هذا أحمد لان حافضة رقمه عندي ما اعرف حسيت بشعور كولش حلووو اول مرة احس بي جاوبته صباح النور كال اسف اخاف ازعجتج وانتي نايمه كتله لا بالعكس ماكو اي ازعاج واصلا اني منايمة كال اكدر اعرف ليش بعدج كاعدة السهر موزين عليج كتله مو ابني قبل شوي يالة نام
كال شنووووووو ابننننج
كتله اي ابني
كال يعني انتي متزوجه
كتله لا منفصلة كال اي حلوووو عبالي متزوجة
كتله ليش حسيتك ضجت من كتلك عندي ولد كال لا عادي مضجت كتلة ااوك
صار عندي فضول اعرف هو متزوج أو لا سألته كتله ممكن سؤال؟
كال تفضلي اسئلي الي تردي
كتله انت متزوج كال اي متزوج وعندي بنت
بصراحه اني كولش ضجتتت وكلت طار الولد من ايدي
جان يكلي بس طلقتهاا اني هناااا متعرفون شلون طرررت من الفرحه كتله حلوو بعدين سولفنا شوي سوالف عاديه وكال اني راسلتج بس علمود موعد المحاضرة تأجل العصر بالاربعة تعالي حتى نكمل الفصل واختبرج بي كتله تمام استاذ كال ع الاقل بالواتساب ناديني بأسمي ااوك
كتله ااوك احمد
هو كال فديت ودز وياها قلب احمر
بعدين كال يلا تصبحين على خير و نامي لا تسهرين مو زين عليج كتله تمام وانت هم نام كال تدللين هسة راح انام............ تعبت

من الكتابة نكمل بالبارت الجاي