Unicode
အရှိန်ဖြင့်တွန်းထုတ်ခံလိုက်ရသည့်အတွက် မြေပြင်ပေါ်သို့ လဲကျသွားခဲ့သည်။အဖြူရောင် ဝတ်ရုံလေးက ရွှံ့များဖြင့် ညစ်ထေးသွားသည့်အပြင် ဒူးခေါင်းမှလည်း သွေးများစီးကျလာသည်။
နာကျင်မှုကြောင့် မျက်ရည်ဝဲမိသည်။ဘယ်အချိန်ထိနှိပ်စက်ခံနေရဦးမှာလဲ။သူအသားနာသည်ထက် နှလုံးသားကပို၍နာကျင်သည်။ယွင်ရှီမွေးဖွားသည့်အချိန်မှစ၍ သူ့ထံတွင် မင်းသားဟူသည့် အမည်ခံတစ်ခုသာရှိသည်။အာဏာမရှိပေ။သူဟာ အစေခံတစ်ယောက်ရဲ့ ရိုက်နှက်ခြင်းကိုတောင်ခံရသည်။
"လော်ယွင်ရှီ....မင်းကမကောင်းဆိုးဝါးတဲ့...မနေ့ကမယ်တော်ဆီကနေငါကြားခဲ့တယ်..."
ရှောင်ဆွေ့
အသက်-၁၄နှစ်
လက်ရှိ ရှီရဲ့အိမ်ရှေ့စံ
အိမ်ရှေ့စံက နန်းသွေးများထဲတွင်အဆိုးသွမ်းဆုံးပင်....မည်သူမျှ မဆုံးမနိုင်...မည်သူမျှမ ထိန်းသိမ်းနိုင်...
နန်းတွင်း အသိုင်းအဝိုင်းရှိ ကလေးများက ရှောင်ဆွေ့ကိုကြောက်ကြသည်။သို့သော်ညား ရှောင်ဆွေ့သည်သာ ကလေးငယ်များအကြားအာဏအရှိဆုံးဖြစ်သည်။ ရှောင်ဆွေ့ကိုသာဖားနိုင်လျှင် အရာအားလုံးကသာသာယာယာရှိနိုင်ပေသည်။ထို့ကြောင့်ကိုယ်လုပ်တော်များ၏သားများ၊အကြံပေးအရာရှိကြီးများ၏ သားများသည် ရှောင်ဆွေ့၏ အနား၌သာဝန်းရံလျက်ရှိသည်။ရှောင်ဆွေ့ ဘယ်သွားသွား ထိုကလေးတစ်သိုက်က ပါစမြဲ။
အမှန်တကယ်အားဖြင့် ရှောင်ဆွေ့က အိမ်ရှေ့စံတစ်ယောက် ဖြစ်မလာနိုင်။ ရှောင်ဆွေ့၏ အမေမှာ ကြင်ယာတော်တစ်ပါးသာဖြစ်သည်။အိမ်ရှေ့စံအရာ သည် ယွင်ရှီ၏နေရာသာဖြစ်သည်။မိဖုရားခေါင်ကြီး၏ သားတော်ဖြစ်သော်ညား...မွေးရာပါ အသွင်အပြင်လက္ခဏာများကြောင့် မကောင်းဆိုးဝါးဟုသတ်မှတ်ခံရသည်။မကောင်းဆိုးဝါးက ကပ်ဆိုးဆောင်ကြဉ်းသည်။တကယ်လို့ သူ့ကိုသာ ထီးနန်းအပ်လျှင် ရှီကို ကပ်ဆိုးကျရောက်လိမ့်မည်။အနှီ ရူးကြောင်ကြောင်အတွေးတွေက ပြည်သူလူထုထံတွင်မက အမြော်အမြင်ကြီးမားလှပါပြီဆိုသော အကြံပေးများနှင့် ဘုရင်ထံတွင်တောင်ရှိနေ၏။
