قلته ليها يا بت انتي متخلفه انا ماشه وين انا ماشه الخرطوم هنا وجايه شنو شابكاني ماتنسيني وانا كل راس ساعه حاتصل ليكي وبعدين انتي في كل صلواتي قاعده ادعي ليكي ماقاعده تغيبي عني ولا لحظه 💜💜💜💜💜💜 وقعدته معاها حبه كده ولمن طالعه قلته لبها مع السلامه مسكت يدي وعاينت لي في وشي شديد زي العاوزه تحفظ ملامحي وبعد داك حسيت عيونا دمعت 💔💔💔💔💔💔
💔💔💔قلته ليها جميله لا اله الا الله قالت لي محمد رسول الله وفكتني ودعتها ومشيت الطريق كلو ببكي لحدي ماوصلته اصلا كان الوقت اتاخر طوالي صليت ونمته ماصحيت تاني والا بي صوت فدو بتصحيني وبتقول لي يابت قومي انتي نسيتي نحن مسافرين طوایي نطيت من السرير
وقمته اخدته دوش وصليت وشربته الشاي سريع سريع واصلا شنطتي طلعتها ليهم من بليل وهسه ببكون ركبوها العربيه ومشيت لبسته لي بنطلون جنز فاااااتح مع تونكه رماديه فيها كتابه بالاسود منقدام قصيره ومن ورا طويله وكالعاده شعري جمايكا ((عندي عشق مع التسريحه دي ياجماعه ))
وعملته مرطب شفايف وشلته لي شنطه سودا وشلته تلفوني وسماعتي وطلعته ركبته العربيه انا وفدو ركبنا مع جوواد وجاد وماما ركبوا مع بابا واتحركنا علي الخرطوووووم 😍 واول ماركبته فتحته سوره يوسف في تلفوني وركبته سماعاتي ونمته ماصحيت والا فدو بتصحيني وقالت لي يابت قومي وصلنا مكان الفطور نزلته من العربيه فطرت
وقلت لي جواد يشتري لي اندومي واستيم ومشيت ركبته العربيه لحدي ماجابم ليی في العربيه وركب هو وواصل سواقتو تاني بقينا نتونس نحن التلاته و بعد اتونسنا فتحته تلفوني وقريت لي روايه لحدي ما وصلنا ووصلنا كلنا سوا نحن وناس بابا ونزلنا عند اعمامي نسلم عليهم طيب اول حاجه عندي تلاته اعمام
الكبير اسمو عادل وعندو ولدين وبت وحده الولدين اسمهم عامر ودا اتخرج وشغال في كندا والتاني عمار ودا في تالت ثانوي امتحن وراجي النتيجه والبت اسمها منار وقدري في العمر وانا وهي اصحاااب شوديييبد اما عمي التاني اسمو عبد الغيوم ودا عندو ولد واحد واربع بنات الولد اسموا محمد ودا في الجامعه اما البنات واحده اسمها ساره ودي برضو في تالته جامعه والبعدها سماهر ودي برلومه
اشعه والبعدها اسمها هنادي ودي برضو امتحنت تالته ومنتظره النتيجه واما الاخيره دي هبه ودي برضو قدري ودي صحبتي شوووديد واصلا انا وهي ومنار مسمننا الثلاثي المرح 😂😂😂😂😂😂😂😂😂😂 ويلا اخر واحد في اعمامي اسمو عبد المهيمن ودا اصغر واحد لسه ما اتزوج 😂😂😂😂😂😂😂😂😂😂😂😂
😂😂😂😂😂 وكده ديل اعمامي وعندي عمه واحده ودي في دبي بنتعرف عليها فيما بعد 💜💜💜💜💜💜واسمها عايده 💜💜💜💜❤️❤️❤️❤️ والمهم نزلنا والسلام والكلام الكتير الجمب الباب داااك واهم شي المباركااات😌😌😌😌😌😌😌😌😌😌😌😌 وبعداك دخلنا البيت ۔۔۔۔۔۔۔
