Thousand Stars ✨ [ZhanYi]

Thousand Stars ✨

Thousand Stars ✨

You Are
My Shining
Star 🌟

[ONE SHOT STORY]

[Facebook Update : 13 May 2021 ගිය අවුරුද්දේ Facebook group එකක තිබ්බ fanfiction competition එකකට ලියපු එකක්.]

___________🌺❄️🌿___________

[FLASHBACK]

"..දන්නවද මගේ සූටී බෝ.. ඒ තරුවල සස්සන කුමාරයොයි කුමාරියොයි ඉන්නවා.."

"..පපාහ් මටත් ඕන ඒ තරු වල ඉන්න සස්සන කුමාලයෙක්ව.."

"..ඇයි කුමාරයෙක්..? මගේ බෝ ⁣බෝ ට ලස්සන කුමාරියක් එපාද..?"

"..එපාහ් තුමාරියෝ එපාහ් මට පපාහ්.. මට ඕන පපාහ් වගේ කුමාලයෙක්.."

අවුරුදු හතරක් වයස පුංචි යීබෝ එයාගේ පපාහ්ගේ ඔඩොක්කුවට වෙලා නිමක් පේන්නේ නැති අහස දිහා බලන් කිව්වේ එයාගේ චූටි ඇඟිලි අහසට දික් කරන ගමන්. රාත්‍රී නමයට විතර ඇති වෙලාව. රාත්‍රී ආහාර අරගෙන ඉවර වෙලා මධ්‍යම රාත්‍රීය වෙනකන් එළියේ බංකුව උඩ ඉඳගෙන තරු බලන එක ඒ දෙන්නට මතක ඇති කාලේ ඉදලා සිද්ධ වෙන දෙයක්.

අක්කර ගානක් ඈතට විහිදුණු ඉවරයක් නැති තිරිඟු යායෙන් ආවේ සීතල හුළඟක්. ⁣තිරිඟු වගාව මැද්දට වෙන්න තිබුණු සුන්දර උළු නිවස තමයි මේ දෙන්නට සෙවන සැපයුවේ. නගරබද සමාජයෙන් මිදිලා ස්වාභාව ධර්මය එක්ක මේ ගෙවන ජීවිතේ හරිම සුන්දරයි.

අතවශ්‍යය ඇදුම් පැලදුම් හා තවත් දේවල් අරගන්න මාස දෙකකට තුනකට පාරක් තමයි යී⁣බෝගේ පපාහ් තිරිඟු යායෙන් එහාට වෙන්න තියන පුංචි නගරෙට යන්නේ.

අම්මා නැති යීබෝගේ මුළු ජීවිතේම වුනේ එයාගේ පපාහ්..

"..පපාහ් ඒ තරු වලින් මාව බලන්න කුමාලයෙක් එයිද..?"

පුංචී යීබෝට එයාගේ පපාගේ මූණේ සිද්ධ වෙන වෙනස් කම් දැණුනේ නෑ. අඩුම තරමේ එයාගේ පපාහ් ගැස්සෙනවා දැණුනේවත් නෑ. පොඩි කොල්ලා තරු වල සිහියෙන්.
චූටියගේ අත එයාගේ පපාගේ ටිකක් අසාමාන්‍ය විදිහට තියන කන් දෙකෙන් එක කනක් අල්ලන් හිටියේ ඒක එයාගේ ප්‍රියතම වි⁣නෝදාංශය හින්දා .

"..පපාහ් දන්නේ නෑනේ.. ඔක්කොටම කලින් මගේ බො බෝ ලොකු බබෙක් වෙන්නකෝ.. එතකොට මගේ බො බෝව බලන්න ලස්සන කුමාරයෙක් එයි.."