☠️أسـيـرة الـمـمـالـك الـسـبـع☠️
بأنامل: رباب نجمة.
الجزء الأول:
في جامعة القرويين المتواجدة بمدينة فاس لي كتمتاز بكونها أقدم مؤسسة تعليم عالٍ وأقدم جامعة في العالم، كتعتابر الجامعة مؤسسةً تعليمية تابعة لجامع القرويين لي قامت ببنائه السيدة فاطمة بنت محمد الفهري القرشي.........الجامع لي ولا من بعد سنين من العطاء واحد من أشهر المراكز الروحية والتعليمية الرائدة في العصر الذهبي للعالم الإسلامي.....
في القاعة الخاصة بالدرس كانت بنت في عمر الزهور كتميز ببشرة حليبية ناعمة وشعر أسود طويل وحريري، مموج، مركزة مع الدرس بدقة بعينيها الواسعتين كأنها ماباغاش تفلت فرصة الإنصات للمعلومات القيمة لي كيقدمها الأستاذ، معلوم ماهي دارت هاد الشعبة بحب كبير وبشغف قوي، أنثى فاتنة وحالمة كتميز بتفكيرها الجيد وبمهارة عالية في التواصل، هادئة ورقيقة، كتميز كذلك بالملاحظة الدقيقة وكتهتم بزاف بالتفاصيل بالإضافة لقدرتها على التركيز العالي، هي أنثى كتمتالك خيال واسع ومهارات التفكير المنطقي بل أيضا الرغبة في التعلم الذاتي وفضولها في معرفة المجهول والمخفي هو لي دفعها لإختيار شعبة عــلــم الأديــان أو عـلـم مـقـارنـة الأديـان.........
سالا الدرس وحسات بالتذمر كانت مزال باغة تزيد تسمع للمزيد من المعلومات، رجعات خصلات شعرها الأسود كسواد الليل للوراء وخلاتو منسدل بإنصياع على رقبتها الطويلة وظهرها المستقيم بالكاد كيلامس مؤخرتها...... جمعات أغراضها في المحفظة ديالها....
يلاه بغات تخرج من القاعة وكيف العادة بقات متأخرة كتأخر قطار السعادة وجات عينيها نيشان على مكتب الأستاذ لي موجود عليه كتاب كبير ولونو لامع.....قربات ليه بهدوء قوي وفضولها كيتزاد مع كل خطوة كتخطيها...... مدات يديها باش تهز الكتاب لي عنوانو أبدا مكانش عادي بل هو عنوان ملفت وغريب عمرها سمعات بيه "شـمس المـعـارف" حتى حسات بيد خشنة باردة تحطات على كتفها ولسعة باردة سرات مع جسمها الدافئ...... تصدمات وضارت بسرعة وقلبها غايسكت فحين إبتسم ليها الأستاذ ماد يدو للكتاب المحطوط على المكتب ونطق بهدوء......
الأستاذ: نسيت كتابي ورجعت باش ناخدو كنظن بلي حتى نتي خصك تمشي ياكما تبغيني نوصلك ماتحشميش مني....
رفعات حاجبها بغرور ونطقات بنبرة رقيقة وهادئة على عكس داك الهيجان لي فداخلها.....
إسراء: بسلامة كنرتاح نكون بوحدي ونوصل راسي براسي......
خرجات بسرعة من القاعة ودقات قلبها كتسمع بقوة في وذنيها وصدرها كيطلع ويهبط بوتيرة متصاعدة كأنها كانت فسباق وخرجات هي الخاسرة فيه..... نطقات بخفوت وشفايفها المنفوخة كتحرك بعبوس......
إسراء: شنو السر في داك العنوان الغريب؟ شنو نوع داك الكتاب......
وصلات للأسفل فين موجودة كافيتيريا صغيرة دخلات ليها وخدات عصير الحامض تبرد بيه وماحسات غير بجوج بنات وقفوا حداها والظاهر أنهم كيقراو معها........
منى: فين أصاحبتي شنو عطلك في القاعة؟
جاوبات إسراء بهدوء وهي كترتشف من كاسها وعقلها مشتت كيفكر في داك الكتاب وفضولها غالب عليها....
إسراء: عزيزة عليا الثقالة أختي عندك شي مشكل.......
نطقات البنت الأخرى بنبرة هامسة.....
عزيزة: شفت الأستاد رجع عندك وأنا عارفة عينو عليك وهادشي ملاحظ من طرف كلشي هو بصح زوين ومتيتز ولكن راه يهودي ردي بالك ألصگعة......
رفعات حاجبها مخنزرة فيها ماعاجبها حال ونطقاات بضيق....
إسراء: عزيييزة نتي عارفاني ماشي ديال داكشي وزيد عليها هاداك لي جاك زوين ومتيتز أنا فعيني غير واحد الشارف كنستافد منو في إطار الدراسة علاما ندرق زلافتي من هاد الجامعة خليني عليك هاد الساعة......
خرجات من تما بمزاج متقلب ماحاساش براسها مزيان من مور ماشافت داك الكتاب ماكرهاتش يكون بين يديها دبا تقراه وتتعمق فيه ولكن كفاش غادي تقدر توصل ليه ؟
#يــتــبــع......
أنت تقرأ
أسيرة الممالك السبع
Fantasyبعنوان: أسـيـرة الـمـمـالـك الـسـبـع☠️ بأنامل: رباب نجمة. ☠️هي قصة درامية بإمتياز تكشف لنا حقائق مرعبة وخبايا مخيفة، معلومات حقيقية عن العالم الأخر، عالم الجن والسحر والشعوذة. سنسافر بعيدا لخوض مغامرة من نوع أخر لا تخلو من الرعب والأسرار المخيفة. سن...
