بعنوان: أسـيـرة الـمـمـالـك الـسـبـع☠️
بأنامل: رباب نجمة.
☠️هي قصة درامية بإمتياز تكشف لنا حقائق مرعبة وخبايا مخيفة، معلومات حقيقية عن العالم الأخر، عالم الجن والسحر والشعوذة. سنسافر بعيدا لخوض مغامرة من نوع أخر لا تخلو من الرعب والأسرار المخيفة. سن...
ولكن أكثر حاجة لفتاتها هي الهمس لي جا فوذنيها، صوت رجولي باح لي تعجبات بيه بزاف، كيناديها بالإسم ديالها......لي خلاها تزيد تمكش في بلاصتها وتغمات بالكاشة وغمضاات عينيها وبدات تقرا القرأن حتى نعسات بدون شعور...
⚜أصبحنا وأصبح الملك لله⚜
أول ما ضربات أشعة الشمس في وجها.... فاقت بصعوبة وشافت في الساعة لقاتها الساعة الثانية عشر..... يعني الظهر.....
تأففات بغضب ونطقات بعبوس مركزة نظرها على الساعة....
إسراء: أوووووف شنو هادشي وقع...... مشا عليا الحال أووووف ياربي الحصص الأولى فاتتني....
حتى سمعات تيليفونها كيصوني طلات لقات رقم مجهول....إستغربات وفتحات الخط.....
لا رد فقط الصمت.....بقات هكاك حتى سمعات تنهيدة عميقة وساخنة لفحات في رقبتها الطويلة البيضاء ونفس الصوت لي كان كيناديها فليلة لي فاتت رجع ناداها من جديد بإسمها......
"إسراء"
تصدمات حتى طاح التيليفون من يديها....ضارت وراها وهي تلقا واحد الشخص بهيئة مخيفة.....رعبها معرفاتوش منين خرج ولا دخل.......غوتات بصوت مرتفع واضعة يديها على صدرها لي كيطلع ويهبط بوتيرة متصاعدة......
إسراء: شككككوون نن نتااا مممنييين خرجتي ليا....
داك الشخص كان غير كيتبسم وكيشوف فيها بعينيه الحمراوتين كيف جغمة من الدم......حتى سمعات شي حاجة طاحت بقوة.....تفزعات وضارت تشوف شنو طاح ملقات والو..... رجعات تشوف داك الشخص لقاتو مكاينش...... تزاد الخوف ديالها والرعب دب في قلبها.......
☠️داك الشخص كان الشكل ديالو مكيبانش لا ملامح لا والو مجرد ظلام من غير عينيه الحمراوتين.....يعني شكلو كيخلع كان لابس واحد السلهام بالقب باللون الأسود وداخلو ظلام هدا لي خلاها تفزع من منظرو وتخلع........
من تماك خرجات كتجري، اتاجهات للجامعة باش تلحق المحاضرة ديال العشية وفي داخل ديالها الخوف والقلق ولكن هي مكتستسلمش واخا خايفة مقصحة راسها باغا تعرف شنو سبب ديال داكشي وقررات أنها فديك الليلة تزيد تقرا داك الكتاب.......
دخلات للجامعة وكلشي كيشوف فيها بواحد الطريقة غريبة تعجبات من نظراتهم ومشات كتجري للمرحاض وشافت راسها في المرآة لقات على وجها بقع سوداء بحال الحموم.....غسلات وجها بسرعة وبطريقة عنيفة......مفهماتش شنو داكشي خرجات ومشات حضرات للدرس كملاتو وخرجات اتاجهات للشقة ديالها باش تكمل قراءة الكتاب وهي غادة في الشارع حتى كيبان ليها واحد القط أسود قااتم مراقبها....... ثاروها النظرات ديالو وزربات في خطواتها حتى وصلات لشقتها ودخلات لقات كلشي مجموع بحال إذا شي حد حمع ليها الشقة ديالها بالخصوص أنها أنثى فوضوية ومامتعوداش على الترتيب والنظام......
تعجبات غسلات رجليها وسبقات دخولها للمرحاض ومشات شدات الكتاب حلاتو وجلسات تقلب الصفحات لي فيه بالمسطرة....
