بعنوان: أسـيـرة الـمـمـالـك الـسـبـع☠️
بأنامل: رباب نجمة.
☠️هي قصة درامية بإمتياز تكشف لنا حقائق مرعبة وخبايا مخيفة، معلومات حقيقية عن العالم الأخر، عالم الجن والسحر والشعوذة. سنسافر بعيدا لخوض مغامرة من نوع أخر لا تخلو من الرعب والأسرار المخيفة. سن...
دوزات الحصة بهدوء وقلبها كيضرب بوتيرة متصاعدة وخدودها حاسة بيهم غادي يطرطقوا من شدة الحر لي حسات بيه....ارتاحت فاش سالات الحصة وخرجات هاد المرة على غير العادة هي الأولى ولكن قبل ماتخطي خطوة أخرى باش تخرج من الجامعة حتى حسات بشي يد تحطات على كتفها....بلعات ريقها ولونها تخطف....دورات راسها ببطئ.......
تنفسات الصعداء فاش بانت ليها عزيزة لي مكتسرطش ليها ولو صابت عمرها تشوف خليقتها قدامها....
إبتسمت إسراء جنب وفي لحظة تغيرات ملامحها لملامح قاسية وجامدة..... إسراء: ماشي كنحاول ندير توء توء أنا درت ومكيهمنيش واش نتي عايقة بيا ولالا من الأحسن تبعدي من طريقي ولا شري غادي يلقاك فين ما كنتي ونتي عارفاني شكنسوا......
شدات عزيزة على قلبها ونطقات بارتجاف مصطنع.... عزيزة: أوووه خلعتيني البنات شدوني غانسخف.... إوا شفتي مانمشي حتى نعرف أش تحت راسك وديك الساعة غاتلقاي راسك برا هاد الجامعة........
خنزرات فيها إسراء ونطقات قبل ماتمشي فاش لمحات كدمة زرقة على خدها.... إسراء: مدامك علنتي عليا الحرب إذن تحملي العواقب.......وبما فيهم الكدمة لي على وجهك الزوين......
إبتسمات بإستفزاز وتمشات مخلياها من وراها مفقوصة غادي طرطق ومصدومة يعني هي السبب حتى حرضات عليها ديك البنت......
وصلات إسراء للشقة ديالها لي عايشة فيها وحيدة من بعد ما اضطرات تهاجر مدينتها صفرو وتجي تسكن فالشقة ديالهم لي كاينة في فاس والقريبة من الجامعة........ كانت فضولية لدرجة ماعايناتش تغير ملابسها ولا تحط لقمة في فمها.......
حيدات السبرديلة وغسلات رجليها ولبسات صندالة في رجليها وبقات بملابسها لي عبارة عن سروال بويفراند وتيشيرت واسعة فالأسود وعليها كتابة باللغة الإنجليزية وسپادري فالأبيض.... خرجات الكتاب من المحفظة ديالها وحطاتو فوق الطاولة القصيرة وتربعات أمامو....فتحات أول صفحة منو وقاست ديك الورقة لي كانت رقيقة وفهمات بلي هو كتاب قديم بزاف وإلا قلبات صفحاتو بيديها ممكن تقطع الورقة على داكشي إستعنت بالمسطرة وبدات تقرا أول صفحة........
الملفت في الأمر أن الكتاب كيبدا ب "بسم الله الرحمان الرحيم" إبتسمت بسخرية ونطقات بهمس.... إسراء: على أساس غانقرا كتاب ديني أو ثقافي.... ماهو غير كتاب كتبو أكبر مشعوذ في العالم....كتاب السحر والشعوذة......
كملات قراءة الصفحة وصفحة كتنقلها لصفحة وفضولها غادي وكيكبر باغا تزيد تكتاشف أسرار السحر والشعوذة لي عمرها كانت على علم بيها من قبل بل لأول مرة غاتعرف هاد الأمور العجيبة.......
ولكن قبل ماتزيد تقرا وتكتاشف حسات بأنفاس ساخنة كتلفح في عنقها وتنهيدة عميقة حسساتها بالخوف والهلع....... رفعات عينيها للحائط لي كانت معلقة عليه صورة تذكارية للمرحومة جدتها والغريب أنها شافتها كتبتاسم ليها.... مايمكنش واش هي غير كتخيل......جمعات داك الكتاب وخبعاتو في غرفة الخزين.... ورجعات لغرفتها وقلبها غادي يسكت....بصعوبة مشات للحمام وندمات حيت ماسبقاتش منو هو الأول..... وهي كتقضي حاجتها حسات بشي حاجة تخبطات مع الأرض وشدات رجليها غوتات وخرجات بسرعة من الحمام..... دخلات في فراشها وهي مزال كتسمع في أصوات غريبة بحال الدقان في الباب والبكاء ديال شي مرأة........
ولكن أكثر حاجة لفتاتها هي الهمس لي جا فوذنيها صوت رجولي باح لي تعجبات بيه بزاف..... 👣"أسيرة الممالك السبع"👣
#يتبع.......... ❤️☠️ الرواية هنا بدات بالفعل ولعنة كتاب شمس الكعارف حلت على إسراء.. الفتاة الفضولية 🔥 تسناو أجزاء جديدة غدا إن شاء الله لكن بعد تفاعلكم مع الأجزاء وذلك بترك تعاليقكم لي كتضمن الآراء والتوقعات ديالكم وكذلك ديروا إشهارات هنا وخارج المجموعة باش تطلع وتوصل لجميع البنات وهكا غانقدروا نزيدوا من الأجزاء ونعطيوكم رواية في المستوى المطلوب 🌙❤ ماتنساوش دخلوا للمجموعة الجديدة وتفاعلوا الرابط في الوصف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
