فــاطــمةة🧡

فــاطمــةة🧡

روايةة﴿ فاطمة ﴾🧡
الجزء الثالث...﴿3﴾
رديت للدار قعدت انشف
فـ شعري ع المراية و فجأة سمعت صوت حد برا
أنا بـ ستغراب: ازعما عمي و عمتي ردو بـ سرعه
هذي🤔
و هووووووووب ينفتح عليا بابا الدار و هنا
كانت الصدمةة
أنا عيطت ابـ صوت عااااااااااااااااااااااالي
أنا😱😱
الشاب😳
أنـا ابـ عيطه😱: أنت مننننْ و كيف خشت هنا
الشاب مزال مصدوم😳: أنتِ يالي منْ هذا حوشي
وهذي داري
أنا بعد قالي حوشي و داري استكيت
أنا😳: نعمـمم
الشاب جا يبي يحكي على خشت عمي سعد
و عمتي نعيمه
نعيمه اتنادي: فطومة يا فطومــ ...
و بعد شافت الشاب قدامها
نعيمه😳: ويـيييسام
سعد😳
ويسام قدم شورهم و ضمهم
نعيمه و سعد انهارو من البكاء و برضو ويسام
قعد يبكي ابـ صوت عالي
كلهم😭
و أنا كنت كيف الأطرش فـ الزفة امصبيه
و انبحت فيهم و مش فاهمه شي
نعيمه😭: وليدي حبيبي الحمدالله يالي كحلت
أعيوني ابـ شوفتك قبل موووتييي
سعد😭: الحمدالله ياربي الحمدالله
ويسام😭: بعدكم عليا كان كيف الموت و ربي
كيف الموت كنت عايش بس بـ الأسم
أنا بعد عرفت أن هو ولدهم برمت و خشيت
للدار و سكرت على روحي الباب
أنا: ازعما هذا ولدهم يالي حكتلي عليه
عمتي نعيمه من قبل اهاا أكيدة أكيدة
القني غبيه كيف ما عرفت من الأول
أن ولدهم و صبيت مشيت شور الصور
يالي قعدات ع شوفنير و بحتت فيهن
و فعلاً طلع هو نفسه يالي فـ الصورة
____________
عندهم برا
قعمز ويسام و عمتي نعيمه امقعمزة في
يمينه و عمي سعد في يسارة
نعيمه: كيف حالك يا اوليدي شن أخبارك
ويسام: الحمدالله يا أمي اكويس بعد شفتكم
سعد: اهاا انشالله خذيت الشهادة
ويسام ضحك😆: خذيتها يا باتي خذيتها
نعيمه: يعني وليدي قعد جراح كبير
ويسام يضحك😂: اهاا
نعيمه: لوووووووووووولي
ويسام: بعد خطرها
نعيمه و سعد: شنو
ويسام بـ ستغراب: من البنت يالي شفتها
في داري
نعيمه و سعد بحتو في بعضهم
ويسام: كنكم🤔
سعد: احم نعيمه عدي شوفي فاطمة و اتعذري
منها ع يالي صار و حطيلنا شي حاجه نكلوها
نعيمه صبت: باهي
وجت عمتي نعيمه شور الدار و عمي سعد
قعد يحكي الـ ويسام على قصتي
____________
عندي أنا
كنت امقعمزة ع سرير و نمشط في شعري
علي دقت باب الدار و خشت عمتي نعيمه
نعيمه مع ابتسامه: فاضيه
أنا: اهاا اعميمه تعالي😊
نعيمه سكرت الباب و جت شوري و قعمزت
نعيمه: معلش سمحينى ع يالي صار
أنا: لالا عادي
نعيمه: هذا وليدي ويسام عرفتيه يالي
مره حكيتلك عليه قتلك امسافر الألمانيا
عشان ياخذ شهادته برا
أنا: اهاا عرفته
نعيمه: خلاص هو هذ خذى شهادته و جا
بس ما كان يعرف أنك أنتِ قاعده لأن حتى
نحن ما عندنا العلم أن يبي ايروح دارها
لنا مفاجأة
أنا: باهي يا عميمه ألف مبروك عليه وخذت
الشهاده و انشالله ربي يحفظه لكم و يحفظكم لاه
و تفرحو بيه
نعيمه: تسلمي يا عمري هيا توا تعالي سعديني
عشان انحطو الغداء
أنا: تمام هيا
وصبيت و طلعت أنا و عمتي نعيمه للمطبخ
بس أنا قتلها اتعدي تقعد مع ولدها و عمي سعد
و أنا تو انحط الغداء ابـ روحي طبعاً هي كانت فرحانه
و امرآيفه على ولدها و ما رفضت عدت طلعت طول
و أنا قعدت انحط فـ الغداء
____________
عند هلي😔
حتى هما كانواْ حاطين الغداء و ايتغدو
بابا كان ياكل وبعدين فطن أن ماما ما تاكلش
بابا: هدى
ماما ساكته و سارحة
بابا هزها: هدى
ماما ابـ فجعه: ها نعم !؟
بابا: كنك ما تاكلي وين سارحه
ماما أعيونها دمعو: أنفكر في بنتي يا حسام
بنتي يالي الها أقريب الـ 3 أشهور برا الحوش
لاحس لا خبر
بابا تعقد: على أساس أنا مش مشغول عليها
ولا أقريب أنموت عشان نعرف مِكانها وين
ماما ابـ فرحه: صح يا حسام ، يعني أنت مش
راقيلك منها ع يالي هي دراته ومش ح تبرى منها
بابا: نعمـمم تي و جلالة الله و عزته و دينه
أن لو نمسكها بنتك الـ## نقتلها نشرب من دمها
علي أساس كان أنا سامحتها خوتها يبو ايسيبوها
هه😏 واللهي حلفين عليها بالأعدام تي هذي
سيبت فرحها و هربت شن معناها آه قوليلي
شن معناها فضحت بينا قدام الناس اتفووووو💦
(حشاكم)
ماما😟😔⁦💔
وفجأة انفتح باب الحوش الوسطي
و خش صالح خويا يجري
صالح ابـ صوت عااااااالي: بااتي يا باااتي
بابا و ماما😳
____________
عندي أنا
كملت حطت الغداء خذيت السفرة وطلعت
عمي سعد: يعطيك الصحة يا أبنيتي
أنا ابـ حشم⁦☺️⁩: سلمك عمو
حطيت السفرة وجيت نبي نمشي للدار
نعيمه: وين ماشيه يا فطومة
أنا: ماشيه للدار
سعد: عليش كنك ماتبيش اتغدي
أنا: لالا ماعنديش نيه يا عمو انتم كولو
صحتين
نعيمه اضحكت: بالك تحشمه من اوسيمه
عمي سعد ضحك
ويسام رفع أعيونه فيا
ويسام: جديات متحشمه مني
أنا بعد بحت فيا بـ عيونة يالي كان لونهن ايجنن
توترة ومعش عرفت نحكِ
أنا ابـ توتر: لالا عادي
ويسام مزال ايشوفلي: عادي لو متحشمه مني
ناكل فـ المطبخ
أنا: لالا واللهي لا بس شبعانه
نعيمه: خلاص خلو البنت علي راحتها
لفيت و مشيت شور الدار جيت ع سرير
فتحت الورغان و خشيت تحته و حطيت
راسي ع مخده كنت نسمع في هداريزهم
و ضحكتهم كان باين الفرح في صوتهم
نزلت الدمعه من عيني و أذكرت هلي
يالي رآيفت عليهم و رآيفت علي حوشنا
و على خوتي و رآيفت على سليمان
خلاااااااااص حسيت ابـ خنقه غريبه
و قلبي قمطني و حسيت ابـ ضيقه
و بعد أشوية خذاني النوم و رقدت
__________
عند هلي
بابا و ماما😟: كنك يا صالح شن في
صالح: منذر ولد عمي داير حادث وقاعد
فِ المستشفى بين الحياة و الموت
ماما😱
بابا صـبى علي حيل حيله: في اي مستشفى قاعد
صالح: هيا توا أنا ماشيله تعال عدي امعايا
بابا: هيا هي فيسع و انتِ كلمي يوسف ايجي
ياخذك الحوش خويا
ماما: باهي باهي
وطلع بابا و صالح شور المستشفى
و ماما كلمت يوسف جا خذاها هي و فيروز
الحوش عمي يالي هما أهل منذر
___________
##فـ المستشفى##
وصلو بابا و صالح نزلو و خشو ابـ سرعه
قابلهم ولد عمي أخ منذر
بابا: ها شن صار فيه
أخ منذر ابـ حزن: طلعوه اهو قاعد جوا
لكن حالته منتهيه بكل
بابا و صالح خشو ابـ سرعه لقو
عمامي الأثنين و خوت منذر و سليمان
و سعيد خويا
أما منذر كان مطروح ع سرير و مش باين
منه شي الا وجهه
بابا و صالح: سلام عليكم
كلهم: وعليكم السلام
عمي: من امبدري يسأل عليك
بابا بـ ستغراب: يسأل عليا
عمي: اهاا
بابا قدم شور منذر و طبس عليه
بابا: الحمدالله ع سلامه يا أولدي لاباس عليك
منذر ابـ صوت يادوبك طالع: عـ عـ عـمـممي
بابا: نعم يا عمي
منذر: سليمان كلموه
بابا رفع راسه وبحت في سليمان
بابا: اهو سليمان قاعد
سليمان قدم شور منذر: ولد عمي شد حيلك
انشالله اتنوضلنا طيب
منذر نزلو ادموعه: أنا آسف
بابا بـ ستغراب: عليش آسف ؟
منذر قعد يبكي و كلهم يحسابوه يبكي
ع يالي صار فيه و اقعدو ايصبرو فيه
بابا: وسع بالك يا منذر و راس عمك انشيلك
عند المانيا عشان انعالجك و علي أحسابي اخرى
غير انت اهدى بس
منذر: أنا كنت سـبـبب ...
و قبل لا ايكمل كلامه عمي قاطعه
عمي: منذر خلص اسكت ما اتعب روحك
و اي حاجه خليها بعدين مش وقته توا
علي خشت الدكتور خذى منذر و قاللهم
أن عنده عمليه ولازم ايجهزوه
____________
مشى الوقت
تحديداً الساعه 5 العصر
فتحت أعيوني قابلتني الساعه
أنـا ابـ كسل: تؤ تؤ تؤ قصدي لعند توا راقده
آآآآه وصبيت قعمزة و دغري أذكرت وسيم
و أن أنا قاعده في داره
أنا: خليني انلم حاجتي و نطلع من الدار
عيب عليا نقعد في دار الشاب و هو قاعد
صبيت و قدمت ع دولاب قعدت انطلع
فـ ادبشي (طبعاً الفترة يالي قعدتها مع عمي سعد
و عمتي نعيمه هما شرولي دبش جديد )
كملت لم أدبشي و ابحكم ان قعد في شاب
فـ الحوش فـ معش نقدر نقعد بـ توته
طلعت بلوزه طويلة و سروال واسع لبستهم
وحطيت على راسي ويشاح وطلعت
أنا بـ ستغراب: غريبه الحوش هادي
عديت للمطبخ لقيته فاضي طلعت للمربوعه
لقيتها فاضيه طلعت للجنان قابلني ويسام
انفجعت
أنا ابـ توتر: عمي و عمتي وين
ويسام: باتي طلع و أمي فوق اسطاح
تنشر فـ الدبش
أنا: تمام نمشي انساعدها
و عديت فوق ابـ سرعه
___________
وصلت فوق قابلتني عمتي نعيمه
أنا: اعميمه فيش اديري هاتي عنك
نعيمه: صح النوم لالا خلي تو انكمل أنا
أنا: لا واللهي ماهي سايرة هاتي و عدي
شوفي ويسام
نعيمه: كيف ناض هو
أنا: اهاا توا شفته فـ الجنان
نعيمه: باهي هاكِ كملي و خليني ننزل
أنشوفه
أنا خذيت منها الماليه: تمام😊
و نزلت عمتي نعيمه ابـ سرعه و أنا
قعدت أنكمل فـ الدبش
___________
##فـ المستشفى##
كانو كلهم عند غرفة العمليات و يرجو
في الدكتور يطلع و بعد ساعتين من الأنتظار
طلع الدكتور كلهم جوه ابـ سرعه
عمي ابـ خوف: دكتور شن صار انشالله عملية
اولدي نجحت
الدكتور😔
بابا: دكتور أحكِ حاجه قول منذر نجحت
عمليته
الدكتور: للأسف ولدكم سلم الروح تحت العملية
كلهم😳
برم الدكتور عدى و جميع أنهار و أولهم عمي
الدنيا شالت فـ المستشفى اعياط و ابكاء
وكلمو الصبايا خبروهم و بابا قال أن العزاء
ح يقعد في حوشنا المهم الدنيا انقلبت فوق تحت
___________
عندي أنا
كملت نشر الدبش خذيت السله و نزلت
و بعد وصلت عند باب الصاله سمعت ويسام
و عمتي نعيمه يحكو
نعيمه: هيييييي شن تحكِ أنت يا أوليدي
ويسام: القنه يا أمي ما ايصير شي هكِ
البنت غريبه علينا و حقي المصيبه يالي هي
طايحه فيها تبي اتخششنا امعاها فـ مشاكل
و نحن ناس بعيدين عن المشاكل مش ناقصنا
يعرفو هلها أنها عندنا و انخشو في مشروع
من لنا و بعدين نحنا شن دخلنا بيها يقتولها
ولا تنحرق بينها وبين هلها نحنا مالناش خص
نعيمه: هذا رايك يعني
ويسام: اهاا
نعيمه: خلاص ايجي باتك نحكيله
ويسام: ايوا احكيله و خليه ايلزها و كان
مايبيش ايلزها تو انزلها أنا
أنا كنت نسمع فيهم والعبره خنقتني ومش
قادره انتنفس و بعد أشوية استجمعت قوتي
وخشيت حطيت السله فـ الحمام(حشاكم)
وخشيت للدار طول قعمزت ع سرير و قعدت
نبكي ، نبكي لأن وجعتني روحي معقوله
ابـ سبب الحقير منذر ننذل هكِ و نقعد ثقيله
ع ناس😭💔
بكيت أشوية و بعدها صبيت
أنا و نمسح فـ دموعي: معش ح نقعد عند حد
ولا انثقل على حد أنرد الحوشي أكرملي
اهاا ح أنرد الحوشنا و ح نحكي الهلي كل
حاجه أكيده بابا و خوتي ح ايصدقوني لأنِ
بنتهم و تربيتهم
وصبيت لبسة عبايتي و ويشاحي و خذيت
شنطتي و طلعت بحتت من ورا الباب لقيتهم
قاعدين فـ المطبخ طلعت ابـ سرعه بدون ما حد
يفطنلي فتحت باب الحوش و طلعت ابـ سرعه
صبيت ع رئيسي و وقفت تكسي ركبت فيه
و عطيته عنوان حوشنا

( مسكينه هي مش عالمه شي
من يالي يبي ايصير💔)
___________
##فـ المستشفى##
روح بابا و خوتي عشان ايديرو حاجات
العزاء و ايوتو حوشنا للعزاء و عمامي
و اعيال عمامي لخرين اقعدو فـ المستشفى
عشان ايتمو أجرآت منذر
____________
عندي أنا وصلت الشارعنا
قعدت فـ سيارة انبحت في حوشنا
و انفكر هل ننزل ولالا و بعد أذكرت
كلام ويسام استجمعت قوتي و نزلت
و عديت شور حوشنا وصلت لقيت
الباب مفتوح
أنـا خذيت نفس: بسم الله يارب
و خشيت للجنان بـ شوية لقيت ضي
الحوش والع جيت نبي انخش و فجأة
و بدون مقدمات
حد من ورايا: فااااااااااااااااااطمة
أنا سبتت فـ مكانِ و برمت بـ شوية
و يارتني ما برمت
أنا😳😱

يتبع...
ييييييي عليك قصة من يالي كلم فاطمة ؟
حي ازعما باتها ولا واحد من خوتها ؟
شن مصير فاطمه بعد موتت منذر ؟
هل هلها ح ايصدقوها ؟ و لالا ؟
كلا ح نعرفوه فـ الجزء الـ 3 رقم 2 و الأخييييير

الرواية كنت حبتها اتكون 40 حلقه و ماكنت
حابه أنسرع فـ الأحداث و كنت ناوية أنزيد
أحداث أكثر تشويق و اثارة ، بس أنا الرواية
خاشه بيها مسابقه ومن شروط المسابقه
أن الرواية اتكون من 3 أجزاء🤷

أودي الفرجاني⁦🧡