فــاطــمةة🧡

روايةة﴿ فاطمة ﴾🧡
الجزء الثاني...﴿2﴾
فتحت أعيوني ابـ ثقل لقيت روحي بلا ملابس
رفعت أعيوني قابلني منذر
منذر ايبط في سوريته: و توا ح تلغي الفرح
غصباً عنك و أنتِ ح تجديني عشان ناخذك
منذر😏😈
أنا😳💔
لبس منذر ادبشه و طلع من داري ابـ سرعه
و أنا مزلت مصدومه و مش امصدقه يالي
صار امعايا
أنا ابـ صوت يرعش من عبره: حي عليا ياربي
شنو يالي صار توا حي عليا شن يالي صار
امعايا ياربي ايكون حلم مش حقيقة ياربي
ايكون حلممم و أنهرت مره وحده و قعدت
نبكي بـ عياط
أنا انخبط علي وجي ونبكي😭: حي ياربي سليمان راح و فرحي راح و حياتيي كلها راااحتتتت ياربي شن اندير
ياربي شن يالي درته في حياتي عشان ايصير فيا
هكِ و بكره ليلة فرحي ياربيييي
خذيت المخده و غرست فيها وجي و قعدت انعيط
ابـ صوت عاااااااالي و العبره اتشيل فيا و اتحط
نيييين سمعت صوت ماما و مرات عمي جاً صبيت
ابـ سرعه لميت الفراش و لبسة ادبشي و خذيت
دبش جديد و خشيت للحمام( حشاكم ) ابـ سرعه
بدون ما ايشوفني ماما و مرات عمي
___________
خشيت و سكرت الباب بـ المفتاح و ولعت
امية الدوش و خشيت تحتها بـ ادبشي بكل
و قعدت نبكي و انحك في جسمي بـ صابون
بـ كل قوة كنت قرفانةة من روحي لأبعد الحدود
كنت نبكي بـ العبره لأن خلاص كل شي بح راح
قعدت ساعه و انا تحت الدوش و مش خاطري
نطلع من تحته نين سمعت بيابات و زغاريت عرفتهم
روحو من التفريشه، دقت عليا ماما
ماما: فطومه انتِ هنا
أنا بـ صوت مخنوق: اهاا
ماما: هيا اطلعي الصبايا روحاً من التفريشه
أنا: باه
طلعت من تحت الدوش و نشفت جسمي و شعري
و لبست ادبشي و لفيت المنشف على شعري
و طلعت قابلوني كلهم قاعدين يضحكو و فرحانين
و ايتفرجو على صور يالي صورهن الشقتي
فيروز حقتني جت شوري ابـ سرعةة
فيروز أقريب اطير من الفرحة: يا نا عليا يا فطومة
كان انشوفي شقتك و سليمان شن دايرلك فيها
امخليها لكِ اتجننننن بكل و الأثاث و التحف و ستائر
حاجه خرااااافية تي ولا دار النوم شي مش مصدق بكل
ولا مرات عمي و البنات كيف استقبلونه و كيف فرحانات
لأنك تبي تقعدي كنتهم هيييييييييي شن نبي نحكي ولا
نحكي ربي ايهنيك و خلاص يا اوخيتي
أنا برمت بدون ولا كلمه و خشيت ابـ سرعه للدار
و ارتميت ع سرير و قعدت نبكي و خاطري مكسور
خشيت عليا فيروز و انصدمة بعد لقتني نبكي
قدمت شوري و سألتني كني مابيتش انقوللها يالي
صار قتلها أن راسي صداع ونبي نرقد ومانبيش
انشوف حد طلعت فيروز وطفت ضي الدار
قعد الكل يسأل عليا و فيروز قالتلهم إن راسي
صداع و نبي انتريح
كنت قاعده في افراشي و نسمع فـ الهرجة برا
نسمع فـ الدي جي يالي والع و زغاريت يالي
مليات الحوش كنت نسمع في ضحاكتهم و فرحتهم
نسمع في ضحكة ماما و كيف فرحانه عشان تبي
اتزوجني و اتريح عليا لكن آآآآآآآآآآآآآآآآآآآآآآآآآه ع يالي
صار فيا😔💔
__________
مشى الوقت
تحديداً فـ ليل الساعه 9 م
خشت عليا ماما و جت شوري
ماما: فطومه يا فطومه
أنا من تحت الورغان: نعمم
ماما: هيا صبي سادك نوم سليمان برا
يبي ايشوفك
أنا بعد سمعت أسم سليمان انهرت
و قعدت نبكي
ماما: هيييييي كنك يا أمي
و طبست ماما عليا و رفعتني أنا طول صبيت
و ضميت ماما و قعدت نبكيييي من جد جدي
ماما ابـ خوف: فطومة كنك شن صايرلك بسم الله
أنا😭: ماما مانبيش نزوج مانبيش نمشي للفرح بكره
ماما بعد سمعت كلامي انصدمت
ماما😳: كيف ؟
على خشت فيروز
أنا😭: مانبيش سليمان يا ماما مانبيش
نزوجه لا هو لا غيره
فيروز😱😱
ماما😠: نعممم و دفتني من عليها
فيروز: فطومة كنك بسم الله شن صارلك😳
ماما😠: نعممم فيش تحكي انتِ كيف ماتبيش
تزوجي لعبةة هي ولا الحقير و الـ## مزال قاعد
في قلبك و بعد سمعتيي ابـ جيته حنيتيله
فيروز😱
أنا😭: لا واللهي يا ماما ... ماما قطعت عليا
ماما: سكري فمك و اسكتي و كلام هذا معش
نبي نسمعه فهمتيي ولالا
جيت نبي نحكي ماما صبت و سيبتني
و قبل لا تطلع
ماما😠: صبي اغسلي فسختك و اطلعي الناس
برا ترجى فيك و سليمان تو انقوله مش فاضيه
حايسه مع البنات خير ما ايشوفك و يعرف شي
حاجه ولفت ماما طلعت و فيروز جت شوري
و ضمتني و أنا انهرت بين ايديها
فيروز: روحي كنك شن يالي صارلك قوليلي
بس الحقير هذكي قالك حاجه ولا كلمك
أنا كنت نبكي و ساكته
فيروز: باهي خلاص يا فطومة بلاش ابكاء
و احكي امعايا منذر قالك حاجه
أنا بعد قالتلي منذر أذكرت يالي صار
و زدت فـ البكاء
اقعدت فيروز اتهدي فيا و اتحاول تفهم منِ
لكن أنا ماحكيت ولا كلمة نبكي وبس
بعد أشوية خشاً عليا البنات و اقعداً
يسألاً فيا فيروز حاولت اتغير الجو و اقعدت
اتبصر و اتقول خناق العرايس اقعداً البنات
يضحكاً و قعمزاً كلهن امعايا و اقعداً ايهدرزاً
و ايغيراً في جوي أنا كنت انجامل و انحاول
نضحك فوق من النفس لكن كنت كان نلقى
نبي انعيط و انعيط و انعيط نين انفش
قلبيي المليان
___________
مشى الوقت
تحديداً الساعه 3 فـ ليل
الكل خش رقد لأن بكره وراهم يوم طويل
أنا كنت فـ دار و نبكي و نفكر أنا كيف نبي
اندير كيف ح نصرف كيف ح نطلع من المصيبه
يالي طحت فيها على خشت ماما و فيروز
أنا😭
ماما😠: مزلتي علي نفس الحالة انتِ
أنا😭: الله ايربحكم مانبيش نزوج مانبيش
فيروز ابـ خوف: فطومة اسسسس تو حد يسمعك
أنا ابـ صوت عالي: مانبيش نزوج مانبيش مانبيش
ماما رقالها للألف و قدمت شور و هوووووب تصفعني
كف نين خدي نمل و وذني زنت
فيروز😱
أنا😭💔
ماما😠: و عزة و جلالة الله لو ما اتسكري
ع الموضوع و اتبطلي كلام المفرخ هذا الا
نقتلك و نفتك من وجك
و اقعدت ماما اتعيط ابـ صوت عالي
ماما😠: أساساٌ عارفه أنا عليش ماتبيش
عشان خاطر ولد الـ## ولد عمك الأجرب
الصايع تبي اتسيبي المصنع المنع عشان
خاطر واحد شلتوت
أنا😭: واللهي يا ماما ...
ماما😠: سكري فمك و أسكتي معش
نبي نسمع حسك اسسسس هي كلمه وحده
بكره فرحك علي سليمان يعني بكره فرحك
فهمتيييييييييي
ولفت ماما و طلعت سكرت الدار بـ القوووة
أنا😭😭
فيروز: فاطمة شن يالي صارلك يا خيتي احكِ
قوليلي واللهي يالي صارلك ماهو طبيعي أنا
متأكده أن فيك شي انتِ اتحبي سليمان و مستحيل
تلغي فرحك هكِ و السلام احكيلي قوليلي احكِ
أنا جيت نبي نحكي علي رنة فون بحتت لقيته سليمان
أنا: ردي عليه ردي قوليله راقده مش قادره نحكِ امعاه
فيروز: باهي تمام تمام اهدي
و قدت خذت فيروز فوني و ردت
سليمان: حبيبي وينك ما اتردي خوفتيني عليك
فيروز: احم سليمان أنا فيروز
سليمان: اهلا فيروز فطومة وين
فيروز: فطومة تاعبه رقدت من امبدري
و وصتني بعد اترن انرد انطمنك عليها
سليمان: اهاا أوكي أهم شي هي اكويسه
فيروز: اهاا اهاا مافيها شي تعب الفرح بس
سليمان: باهي الحمدالله هيا تصبحي علي خير
فيروز: و أنت من أهل الخير ياعربس
سليمان ضحك و سكر
أنا بعد سمعت صوت سليمان و ضحكته
انهرت ضميت كرعيا في بعضهن و غرست
راسي بين كرعيا و اقعدت نبكي و فيروز
اطبطب عليا و حايره فيا كني و شن يالي
صارلي فجأة💔
____________
عدى الوقت
و فيروز أختي حاولت واجد تعرف
شن يالي فيا وشن يالي صاير امعايا
لكن ما قدرت نحكيلها ولا كلمه وبعد
ساعه من الأسئلة قتلها ان ما فيا شي
و انِ غمتلي وبس و طلبت منها تمشي
ترقد و اتخليني ابـ روحي و فعلاً أشوية
و صبت فيروز عدت للدار الثانيه و رقدت
أما أنا قعدت انتخايل و نذكر فـ يالي صار
انعايا و بكيت نين تورمو أعيوني و بعدين
فكرت أن البكاء مش ح ايحلي مشكلتي
صبيت توضيت و لبسة بدلة الصلاه و جبت
الصلاية فردتها و قعدت انصلي صليت نيييين
طابو كرعيا و رفعت ايديا الـ ربي و دعيت من
وسط وسط وسط قلبي أن ايساعدني و ايكون
امعايا و ينقذني من المصيبه يالي أنا فيها بعد
كملت صبيت لميت الصلاية و قعمزة على سريري
و قعدت نقرى فـ قرآن كنت نقرى في سورة مريم
و أدموعي سيييييل من أعيوني كملت قراءة القرآن
حطيت راسي ع مخده و فردت جسمي ع سرير
أنا الدمع في أعيوني و ابـ صوت مخنوق: يارب مالياش حد غيرك يارب😔💔
قعدت راقده و انفكر ، انفكر في حل لازم نلقى حل
قبل لا ايجي بكره لأن لو جا بكره ح ندمرررررر
و فجأة و بدون مقدمات خطرت في بالي فكره
نضت علي حيل حيلي و قعمزة ع سرير
أنا😳: هو حل واحد مافيش غير
صبيت ابـ سرعه فتحت دولابي و طلعت
عبايتي لبستها و لبسة ويشاحي وعدت شور
باب الدار فتحته بـ شوية بحتت برا الصاله
ما القيت حد طلعت بـ شوية بـ شوية و قلبي
من الخوف أقريب يطلع من مِكانه نين وصلت
فـ باب الحوش فتحته وطلعت ابـ سرعه من الحوش
و قعدت نجري ابـ كل قوتي😳
اهاا هربت😔
هربت لإنِ ماعنديش حل ثاني غيره
هربت لإنِ ما قدرت نحكِ الحقيقه لا الهلي
ولا لـ سليمان
هربت لإنِ مانبيش سليمان يعرف بـ يالي
كان بيني وبين منذر و يعلم بـ يالي صار
بيناتنا و انطيح من عينه
هربت لأن الهرب هو منقذي الوحيد
__________
قعدت نجري و نجري و نجري نين حسيت
روحي تباعدت من حوشنا قعدت نمشي
بشوية و انبحت فـ الشوارع يالي كانواْ
فاضيات و مظلمات كنت ميته علي روحي
من الخوف و انفكر وين ح نمشي فـ هـ ليل
___________
في مـِكان ثاني
نعيمة: حاج يا حاج
سعد: نعم يا نعيمه كنك
نعيمه: هيا نوض الفجر يبي يذن
نوض افتح الجامع وقت
سعد صبى: لا إله الا الله محمد رسول الله
نعيمه: صح النوم هيا عدي توضى علي ما
وتيتلك جلابيتك
سعد: باهي تمام
و صبى حاج سعد عدى خش للحمام( حشاكم )
توضى و غسل سنونه و طلع لقى نعيمه اموتيه
الجلابيه لبسها و مشط شعره و جا يبي يطلع
سعد: حاجه وتي الفطور علي ما صليت الفجر
وجبت الخبزة و جيت
نعيمه: باهي حاضر
وطلع حاج سعد شور الجامع و خشت نعيمه
توضت و فردت الصلايه و اقعدت ترجى فـ الفجر
يأذن
___________
انردو عندي من جديد
قعدت نمشي و خلاص ومش عارفه
روحي وين ح انعدي نييييين لقيت جامع
جيت شوره و قعمزة ع دروج و ضميت
كرعيا في بعضهن و تكيت راسي عليهن
و اقعدت نبكي و انفكر هل يالي درته صح
ولا خطأ و شن ح ايصير فيا بعد اليوم
💔💔💔💔💔
____________
عند الحاج سعد
بعد طلع من حوشه عدى شور الجامع
يالي كان أقريب من حوشهم وصل للجامع
فتح الجامع و خش ولع الضواية و جا شور
الشبابيك يفتح فيهن لاحظ أن في حد امقعمز
على دروج الجامع الخلفيات
سعد بـ ستغراب: من هذا
و برم سعد طلع من الجامع و برم من لاورا
و جا شوري
___________
أنا كنت امقعمزة ونبكي سمعت صوت
جاي شوري رفعت راسي ابـ سرعه شفت
حاج كبير فـ العمري امقدم شوري
أنا خفت و صبيت ابـ سرعه
سعد: اهدي اهدي يابنتي ما اتخافيش
أنا ابـ صوت يرعش: أ أ أ أ نِ ـ ـا
سعد: مافيش داعي اتخافي يابنتي
مش ح انديرلك شي أنا شايب كبر جدك
انتِ من وفيش اديري هنا
أنا كنت خايفه بس بعد حكى امعايا
حسيت روحي اطمنة
سعد: احكِ يابنتي انتِ عليش قاعده هنا
أنا ساكته و ماحكيتش ولا كلمه
سعد طبس راسه: لا حول ولا قوة الا بالله
أنا طول عرفت أن الحاج فهم حاجه ثانية
أنا: لالالا يا عمي أنا مش كيف ما أنت فكرت
واللهي أنا بنت ناس شريفة و عفيفه و طاهره
الظروف هما يالي زروني إنِ نطلع من حوش هلي
سعد سكت أشوية وبعدها
سعد: تعالي امعايا يابنتي
أنا خفت: وين
سعد: ما اتخافيش تعالي امعايا
ولف سعد و عديت وراه مشينا أشوية
وبعدين وصلنا للحوش فتح الباب
و قالي تعالي خش و خشيت وراها
سعد اينادي: نعيمه نعيمه
نعيمه طلعت من الدار: نعم يا حاج انشالله
خيرك كنك انروح تو .... وبعد شافتني سكتت
سعد برم عليا: خشي للدار هذي يابنتي ارقدي
و تريحي
أنا هزيت راسي معناها باهي و عديت شور
الدار خشيت و سكرت الباب ورايا
نعيمه بـ ستغراب: هذي من يا حاج
سعد: توا و أنا ...... و حكالها كل يالي صار
نعيمه سكتت
سعد: خليها هنا نين نمشي للصلاه و بعدين
ايصير خير بس رد بالك اتخشيلها ولا تسألها
حاجه فهمتي
نعيمه: باهي حاضر
سعد: هيا سلام
نعيمه: سلام
وطلع سعد للجامع و نعيمه خشت جوا
دارها و اتفكر أنا من انكون و شن قصتي
___________
عندي أنا
خشيت للدار كان باين فيها أنها دار
شاب فيها صور سيارات و عرم صور
لِـ نفس شاب خشيت و قعمزت ع كنبه
و في بالي ألف سؤال من الناس يالي طبيت
عندهم و هل قعدتي
هنا صح ولالا و هلي ، هلي شن ح ايديرو
لما يلقوني مش قاعده😩
قعدت انفكر نين سمعت أذان الفجر
أنا: لا إله الا الله محمد رسول الله
وصبيت دورت فـ دار نين لقيت صلايه
فردتها و بديت انصلي
____________
عند نعيمه
صلت الفجر و خشت للمطبخ دارت
الفطور و طلعت قعمزت فـ صاله علي
جيت سعد جا شور نعيمه و قعمز
سعد: مزالت فـ الدار
نعيمه: اهاا مزالت جوا نمشي انكلمها
سعد: لالا خليها على راحتها انتِ بس
خوذيلها فطور و عطيها دبش خليها
اتبدل و صباح رباح
نعيمه: باهي تمام
صبت نعيمه وتت فطور و خشت الدارها
خذت روب من عندها و جتني
__________
أنا كملت صلاتي
وقعدت ع صلايه نقرى في اذكار الصباح
و ندعي أن ربي ايساعدني علي دقت باب
الدار و خشت نعيمه
نعيمه: هذا فطور افطري و هذا دبش
بدلي ادبشك
أنا هزيت راسي يعني باهي
نعيمه طلعت و سكرت الباب
و أنا صبيت سلحت العبايه و الويشاح
و جيت ع كنبه و تغطيت و غمضت أعيوني
و قعدت انتخايل في هلي بعد يعرفو إنِ
مش فـ الحوش و سليمان شن ح ايدير😩
نيييييييين خذاني النوم و رقدت
___________
صباح يوم جديد⁦⁦☀️⁩
تحديداً عند هلي
الحوش كلا وعى و اقعدو ايوتو فـ الفطور
ماما ابـ صوت واطي: شن صار أمس
فيروز بـ ستغراب: شن صار في شنو
ماما: في أختكك الحقيرة(حشاكم)
فيروز: ما صار شي مابتش تحكيلي شي
ماما: خزي عن جد مانبيش نزوج تبي اتفضح
بينا أختك شكلها
فيروز جت تبي تحكِ علي خشت سعاد
سعاد: عمتي هدى
ماما بحتت فيها: نعم
سعاد بـ ستغراب: فطومة وين
ماما: قاعده راقده فـ دارها
سعاد: لا مش قاعده
فيروز: تلقيها وعت و خشت للحمام( حشاكم )
سعاد: ممكن ؟ بس أنا من امبدري خاشه طالعه
ع دار مش لقيتها هذا يالي خلانيي نسأل
ماما ابـ خوف: فيروز عدي دوريها
فيروز: وين تبي اتريح يا ماما
ماما: غير عدي شوفيها فـ الحمامات و فوق
اسطاح و برا الجنان
فيروز: باهي حاضر
و طلعت فيروز ادور فيا فـ الحمامات و سعاد طلعت للجنان و سعده ركبت فوق سطاح و ماما خشت لِـ داري
بعد عشر دقايق من الدواره
ماما ابـ خوف: ها شن صار
فيروز ابـ خوف: فطومة مش باينه فـ الحوش بكل
ماما😱
فيروز😨
سعاد: وسعو بالكم وين تبي تمشي اكيده
قاعده في شي تركينه
و ردو كلهم ايدورو فيا و المره هذي الحوش
كلا صبى ايدور عليا
___________
عندي أنا
كنت غارقة فـ نوم ونضت على حس هرجه
سعد: اسسسس وطي صوتك راه البنت تسمعك
نعيمه: خليها تسمع أنا توا نبي نعرف شن قصتها
البنت كيف تقعد فـ حوشي وحده جايبها من الشارع
و أنا مش عارفه قصتها
سعد: خليها نين تحكِ ابـ روحها
نعيمه: لالا شن عرفك بالك تطلع بنت حـ##
كيف تقعدي في حوشي وحده هكِ
أنا بعد سمعت الكلام هذا ما قدرتش انتحمل
صبيت فتحت باب الدار و طلعت
سعد و نعيمه بحتو فيا
أنا: عمتي أنا مش بنت شوارع أنا بنت عالم و ناس
أنا ربوني رجاله و جاية من حوش رجاله
سعد و نعيمه ايقعدو ايبحتو فيا و ساكتين
أنا: ح نحكيلكم قصتي عشان نثبتلكم إنِ بنت
ناس و متربية و بعدين ح ناخذ حاجتي و نطلع
من عندكم
سعد: تعالي قعمزي
جيت قعمزت و قعمزو سعد و نعيمه و بديت
نحكيلهم فـ قصتي من البداية
__________
عندي هلي
طبعاً الكل دوروني نين بطلو لكن ما لقوني
و شافوني حتى عند الجيرآن و كلمو أقرابنا
يالي مابتوش عندنا و برضو ما لقوني
ماما خايفه و تبرم فـ المطبخ خشت عليها
فيروز تجري
فيروز ابـ خوف: ماما ماما
ماما ابـ خوف: القيتوها
فيروز اتخبط علي وجها: لالا بابا يبيك برا
و راقيلا للمليون
ماما: حيييييييي عليا هذا يالي كنت خايفه
منه حيييييييي
و طلعت ماما ابـ سرعه للمربوعه
___________
بابا كان قاعد هو و عمي و سليمان
علي خشت ماما
ماما و هي خايفه: نعم يا حاج
بابا قدم عليها و راقيله😠: البنت وين فاطمة
وين عدت
سليمان قدم مسك بابا
سليمان: اهدى يا عمي بشوية
ماما وهي ترعش: مش عارفه و اللهي ما نعرف
بابا😠: كيف مش عارف البنت اليوم فرحها وين راحت
ماما: مش عارفه بس ...
بابا: بس شنو
ماما: هي أمس قالتليي ...
بابا بـ عياط: شن قالتلك أحكييييي🤬
ماما: قالتلي مانبيش نزوج الغو الفرح و أنا
هزبتها و قتلها لا
بابا: نعمـممم
ماما: يعني مرات تقعد هاربة
بابا و عمي و سليمان😳
__________
عندي أنا
أنا: وهذي هي قصتيي كلها ولو مش
امصدقيني نعطيكم عنواني عدو اسألو علي
هلي و علي بابا و خوتي و برضو ح تعرفو
أن فرحي اليوم و أكيده لغوه و دنيا منقلبه عليا
نعيمه و سعد بحتو فـ بعضهم بعدين بحتو فيا
أنا: صدقوني أنا ماكنتش هربت من حوشنا
لو ما كنتش مظطره و سامحوني لأن ثقلت عليكم
نستأذن منكم نبي نقعد بس لعند ايليل الليل عشان
نطلع و محد ايشوفني
سعد: عيب عليا و نقعد مش راجل كان سيبتك
ابروحك في موقف زي هذا انتِ بنتي في عهد الله
و مش ح انسيبك نين ينحل موضوعك
أنا ابتسمة: بارك الله فيك لكن واللهي شكراً
نقدر نصرف ابـ روحي
نعيمه صبت وجت شوري
نعميه: كلمت عمك سعد ما تنكسر يابنتي
سعد صبى: وعليا الطلاق بـ الثلاثة ماك
طالعه من هنا الا و أنا حالك مشكلتك
معقولة انسيبك تطلعي من حوشي و ما انساعدك
أنا سكتت معش عرفت أنرد حسيت روحي
فرحت لأن القيت من صدقني و صبى امعايا
و في نفس الوقت كنت انفكر في هلي و سليمان
و شن ح ايصير فيهم
___________
في حوشنا
الدنيا شالت عليا و الكل ايدور فيا
و سليمان أقريب ينكلب عليا و في باله
ألف سؤال و سؤال وين عديت و مع من
هربت و كيف هربت و أكثر سؤال كان في
باله ليش كنت نبي نلغي الفرح و ليش هربت
طبعاً خبر هروبي انتشر في العيله كلها
و في شارعنا وبين هلنا كلهم و اقعدت
قصتي قصة العروس الهاربة على كل اللسان
و طبعاً منذر أكثر واحد انصدم من ردت فعلي
يالي ما كان أبداً ايتوقعها لكن أبداً ما حكى حاجه
ولا قال الهلي ع سبب يالي خلاني نهرب و انسيب
فرحي .
مشاً الأيام و الشهور
و هلي مزالو ما يأسو من جيتي صح خففو
من دوارتهم عليا لكن عطو خبر للشرطة
و للمستشفيات و عطوهم صورتي و قالولهم
أي خبر عليها ايكلموهم أما سليمان أكثر
واحد كان متأثر بـ غيبتي و تغير بكل
و قعد مش سليمان الأول
أما أنا كنت قاعده مع عمي سعد و عمتي
نعيمه و متريحه أمعاهم بكل كانواْ كيف بابا
و ماما عمي سعد دوى امعايا كم مره على
أن يمشي و يحكي مع هلي لكن أنا رفضت
و قتله أنا مزلت مش مستعده أن أنقابلهم
و أنقوللهم الحقيقه و من يومها معش فتح
امعايا موضوع هلي أبداً .
____________
عندي أنا
كنت قاعده فـ المطبخ انطيب
علي خشت عمتي نعيمه
عمتي نعيمه: يعطيك الصحة أبنيتي
أنا: سلمكك اعميمه
عمتي نعيمه: أنا طالعه مع عمك سعد
للسوق مش امطولين
أنا: تمام تمشو و اتردو طيبين
عمتي نعيمه: مش كان مشيتي امعانا
غيرتي جو خير من قعدتك فـ الحوش
أنا: لالا يا اعميمه أنا هكِ متريحه
عمتي نعيمه: باهي ابـ راحتك هيا سلام
أنا: مع سلامه
طلعت عمتي نعيمه هي و عمي سعد للسوق
و أنا كملت تطييب الغداء و طلعت من المطبخ
خشيت للدار طلعت دبش و خشيت دوشت
و بدلت و طلعت رديت للدار قعدت انشف
فـ شعري ع المراية و فجأة سمعت صوت حد برا
أنا بـ ستغراب: ازعما عمي و عمتي ردو بـ سرعه
هذي🤔
و هووووووووب ينفتح عليا بابا الدار و هنا
كانت الصدمةة
أنا عيطت ابـ صوت عااااااااااااااااااااااالي
أنا😱😱

يتبع ....
من يالي خش علي فاطمة ؟
معقولة ايكون حد من هلها ؟
ولو كان حد من هلها من ح ايكون ؟

شن ح ايصير في فاطمة ؟ و شن هو مستقبلها ؟
ح تعرفو في الجزء الجاي الجزء 3 و الأخييييرة

الكاتبةة : أودي الفرجاني🧡