" မာန် ဘုန်းသိနေပြီထင်တယ်--"
ကောင်းရဲ့ဖျော့တော့တော့အသံကြောင့် ကုတင်ရဲ့ခပ်လှမ်းလှမ်းစားပွဲမှာကောင်းကိုကျောပေးပြီးထိုင်နေတဲ့မာန်လှည့်ကြည့်လာသည်။ကောင်းရဲ့ဖျော့တော့နေတဲ့အသံကြောင့်စိတ်ပူသွားကာ လုပ်လက်စအလုပ်ကိုခဏထားပြီး ကုတင်ပေါ်ကကောင်းရဲ့အနားကိုသွားထိုင်လိုက်သည်။
"မာန် ၊ဘုန်း ၊ငါတို့ကိုစိတ်စိုးပြီးနှင်ထုတ်ရင်ဘယ်လိုလုပ်မလဲဟင်"
မျက်နှာချင်းဆိုင်ဖြစ်သွားတော့မှ ပြောလာတဲ့ကောင်းရဲ့စကားကြောင့်အံ့သြတာတော့အမှန်ပင်။ဘုန်းနှင်ထုတ်မှာကိုကြောက်နေတာလား။ ငယ်ကတည်းကပေါင်းလာကြတဲ့သူငယ်ချင်းတွေပဲလေ စိတ်စိုးကြလည်းခဏပေါ့၊ ပြီးတော့ အခုက ညီလေးစေကြောင့်မလိမ်ချင်ပဲလိမ်ထားကြရတာမဟုတ်လား။ တစ်ကယ်လို့ကောင်းတွေးသလို ဘုန်းကနှင်ချတော့ကော၊ ပဲခူးမှာအိမ်ရော ၊မေမေရော ရှိနေတာပဲမဟုတ်လား ၊ဒါတောင်သူကဘာကိုတွေးပူနေရတာလဲ။ မျက်နှာကလည်းညှိုးရော်လို့ ၊ ကောင်းဖြစ်နေတာက ဘုန်း မောင်းချရင် ဆိုတာထက် ငယ်ငယ်ထဲကပေါင်းလာကြတဲ့သူငယ်ချင်းအရင်းကြီးတွေမို့ ဘုန်းစိတ်ခုသွားမှာကို တွေးပြီးအခုလိုဖြစ်နေတာပဲထင်ပါသည်။သူ့မျက်နှာညှိုးတော့ကျွန်တော်ပါစိတ်မကောင်းဖြစ်ရချေပြီ။ဒါကြောင့်စိတ်ကြည်သွားအောင်စကားလမ်းကြောင်းကိုလွှဲလိုက်ကာ
"ကောင်း ၊ မဟုတ်တာကိုတွေးပြီးစိတ်ညစ်မခံနဲ့၊ အဲ့ဒီအစား ဟုတ်တာလေးတွေးပါ့လား"
"ဘာကိုလဲ--"
"အဖြေပေးဖို့လေ---"
"ဟာ-------"
ကျွန်တော်ပြောတော့ ဘာစကားမှထွက်မလာတော့ပဲချက်ချင်းခေါင်းကိုငုံ့ကျသွားသည်။ပြောနေတာကတစ်မျိုး ရောက်သွားတာကတစ်နေရာဖြစ်နေသည်။ ဟုတ်တာ တွေးဆိုလို့ဘာများပြောမလို့လဲလို့ဒီစကားကိုပဲရောက်လာပြန်သည်။လွန်ခဲ့တဲ့တစ်နှစ် စင်ကာပူမှာလျှောက်လည်ကြရင်း မထင်မှတ်ပဲကြားခဲ့ရတဲ့စကား၊ ကြားကြားချင်းအံ့သြခဲ့ရသလို စိတ်လည်းလှုပ်ရှားခဲ့ရပေမဲ့ ၊မထင်မှတ်ပဲပြောခဲ့တာလေ၊ ပြီးတော့လည်းအရေးတယူလည်းမဟုတ်ဘဲ လမ်းသွားနေရင်းပြောလိုက်တာဆိုတော့ မလေးနက်သလိုခံစားခဲ့ရသည်။ဒါကြောင့် မာန်က " ချစ်တယ် ---- ကောင်း " လို့ပြောလိုက်တော့ ၊ ကျွန်တော်ကလည်း "ချစ်တာပေါ့ကွာ သူငယ်ချင်းတွေပဲ"ဆိုပြီးပဲပြန်ဖြေပေးခဲ့သည်။အဲ့ဒီအချိန်ထဲက နှစ်ယောက်အတူရှိပြီဆိုလူလစ်တာနဲ့အမြဲတောင်းနေတဲ့အဖြေ၊ အဖြေပေးဖို့ပဲ ပြောနေတယ်၊ ချစ်ပါတယ်လို့တော့ လေးနက်စွာမပြောတာမို့ဘယ်လိုမျိုးပေးရမလဲ။အခုလည်းမျက်နှာကိုစိုက်ကြည့်ပြီးအဖြေတဲ့လေ မပေးဘူး ၊ လုံးဝမပေးဘူး၊ ချစ်လွန်းလို့အရည်ပျော်သွားပါလေ့စေ၊ လေးလေးနက်နက်ချစ်ခွင့်မပန်ရင် ချစ်တယ်လို့ လုံးဝထုတ်မပြောဘူး။
BẠN ĐANG ĐỌC
အချစ်ဝဋ်ကြွေး(နှလုံးသားရဲ့စေ)(bl story)
Lãng mạn❤❤❤❤❤ စတွေ့တွေ့ချင်း တစ်ယောက်နဲ့တစ်ယောက်ကြည့်မရဖြစ်နေကြတဲ့ကောင်လေးနှစ်ယောက်၊ တစ်ကယ်တမ်းလည်းတွယ်တာမိကြရော ဝေးရမဲ့အကြောင်းကဖန်လာပြန် ၊ အချစ်ဆိုတာကိုလက်ခံလိုက်ပြီးတစ်ကယ်တမ်းချစ်ကြမယ်လည်းဆိုပြန်ရော .....၊ မိသားစုပြသာနာတွေ၊ အရှပ်အထွေး...