#فصلية_متمردة🧚♀️
#الكاتبة_طيبة_علي
البارت الــ22
هلي طشوا فوك الكبر جكليت هلي من الحزن والحسن مليت
الام: ملاك تعاي يمي
ملاك:ها يوم
الام: اكعدي يمي
ملاك كعدت
الام: علاقتج وياهم شلونها
ملاك: يعني همة زينين وحبابين خاصتاً عمو وعدي وبتهم اسراء
الام: والباقين
ملاك: هم زينين
الام: علاقتج انتي ورجلج شلونها
ملاك: علاقتيش
الام: انتي تردين احجيهة بالخط العريض
ملاك :ههههه لاماما مابينة علاقة زوجية وهيج بس اول ايام مجان زين وياي هسة الحمدلله
الام: انشالله دوم بس انتي حسني علاقتج بي مايصير هيج
ملاك ضلت امي تنطيني نصايح وهاي بعدين رحت يم عمر بالحديقة
عمر: اكلج هاي صديقتج من يمتة
ملاك: هههه شبيك وياها
عمر: شمسويلها بس هية عجبتني
ملاك: عمررر ترة منير بعده ممتزوج استقر
عمر: واني شسويلة لااغنيك ولاخليك تجدي
ملاك: هلو هاي شني هاي
عمر: هههه ولي عني عابتلج
كاعده العب وي الجهال واتصل تلفوني
ملاك: الو
صكر: شلونج
ملاك: زينة الحمدلله
صكر: العصر اجي اخذج
ملاك :لاعفية والله بعدني مشبعت منهم
صكر: العصر اجيج تمام
ملاك:فدوة شبيك بعدني ممكملة كلامي سد الخط
خربببب هية شلون بلة يتحكم بية واني يمتة اجيت
رحت حضرت جنطتي واكو غراض احتاجهن هم خليتهن
مسار: خيرج تلمين بغراضج
ملاك 'اي العصر يجي صكر
مسار: ياااا ترحين
ملاك: ايي
مسار: شسالفة ماصارلج يومين كليلة اريد ابقة
ملاك: مايقبل
نزلنة جوا نتغدا
مسار: ملاك العصر تروح
الاب: وين
ملاك :لعيالي بابا
الاب: شسالفة مستعجلين حتة ماشبعت منج
ملاك: شسوي
عمر: خوية اضربي بعرض الحايط هذا رجلج سكط
منير: شنوو هذا الحجي لاخوية معليج بي احترميهم حته بالمقابل يحترموج
عمر: حتة يضلون يكربون عليها 😂
الام: كافي تغدوا
كملنة غدا شلت المواعين وسويت جاي
ورحت سبحت وبقت العب بتلفوني اتصل صكر وكال نص ساعه واجيج بدلت ونزلت يم امي سلمت عليهم شوية وسمعت الهورن ضجت كلش لان حروح واتمنيت ابقا وماارجع همزين عمر ماموجود طلعت اني ومنير
منير: السلام عليكم
صكر: وعليكم السلام
منير: شلونك شخبارك
صكر: الحمدلله بخير. وانتم
منير: ع الله هاي ملوكة ديربالك عليها
صكر: انشالله
ملاك صعدت ليورا وكلت شلونك
صكر: هلا
شغل السيارة وطلعنة
وثنينة ساكتين هوة كال
صكر: راسج شلونة
ملاك تمام الحمدلله
ملاك وصلنة ونزلت
عمو بالحديقة سلمت علي ولاكتني اسراء يربي شكد مشتاقتلها
اسراء: هلا نور البيت
ملاك: هههه يعمري
اسراء: اشلونج ايا بذاته
ملاك: هههه ولج هنة يومين كضيناها اتصالات وهاية رجعت
اسراء: كولي ضايجة مني
ملاك: دنجبي وين الباقين
اسراء: زينب نايمة وامي وعدي بالسوك
ملاك: اني رايحة شوية الغرفتي
ملاك صعدت هفيت الجنط وبدلت ونزلت جوا سوينا عشااا
بعدين زينب هاجمتني وتكول بسببج ابوية اهاني ورزلني طنشت ومر اسبوع وبدينا نجهز الاربعين احمد اجرو منشأ وكل اقاربهم تروح والجيران
اني واسراء حضرنا كلشي وملابسنة. صكر بلأول مقبل اروح بس كلت العمو وكال وياي تروحين طبعا متوترة وزينب تريد تاكلني بعيونها وخاف عايزة اكتملت اجت وياها خديجة
نمت يم اسراء ونبهت الجهاز ب2 لان ب3 نطلع
كعدنة ب2 سبحت وبدلت اسراء هم وكعدنة تريكنة شوية وصعدنة بالسيارة كعدت يم اسراء لان السيارة متروسة شباب وبنات ونسوان والاغلبية مااعرفهم
صكر كعد كدامنة زينب وخديجة ورانة وجنات جعصت روحهة بنصنة 😂
الطريق طويل نمنة احنة التلاثة
كعدت ع صوت عدي يكعد بينة
عدي يلا ولجن خل العالم تنزل
ملاك ايي
نزلنة ورحنة للأمام علي ابن ابي طالب عليه الصلاة والسلام زرنة احس راحة اخترقت كل جسمي
جنات: دخيلك ياعلي خل سجاد يحن علية والله تعبت ادعي وماكو افزعولي
اسراء: كبر الكبرج وين مانولي سجاد مايوكع من حلكهة وهوة لويدري عندة بنت خالة اسمها جنات لو ناسي
ملاك: ههه بلكي يستجاب دعائها
صلينة ركعتين وتوجهنا للمقبرة والعالم طشت كلمن يروح الامواتة
رحنة ع قبر احمد من شفت كزبر جلدي بعدة ولد شاب ويخبل وشفت الكسرة بعين صكر وشلون يبجي
واسراء وعدي اليشوفهم يكول الوضع طبيعي بس همة موتوا نفسهم
ملاك كافي اسراء شسويتي بروحج
اسراء خليني ملاك ولججج هذا اخوووي ايتام اهنا خوية حمودي موالك هاي النومة والله اشتاقيتلكككك تعال يبعد اختك حاجيني حمودييي
كلهم يبجون ومنكسرين ع ابنهم مااعرف استحيت وحس نفسي اني السبب
ورة ساعة يلا طلعنا من المقبرة ورحنة المسلم ابن عقيل عليه السلام زرنة ورتاحينا شوية. كالت جنات خل نطلع نشتري
اسراء: مابية حيل
جنات: فدوة سراوي بس شوية
اسراء: تمام
تصويت رجاء
انستا k_cv14
أنت تقرأ
فصلية متمردة
Diversosاسم الرواية:- "فصلية متمردة 🧚♀️" الكاتبة:- "طيبة علي " تاريخ الكتابة: - 2021/8/22 عدد البارتات: -42 بارت شخصيات الرواية: - ملاك "صكر "عمر "اسراء "جنات "سجاد "زينب "هدئ" وليد "روان" نبذة عن الرواية سوف تذهب فصلية بسبب ذنب لم ترتكبه ولم يكن مخطط له...
