Oops! This image does not follow our content guidelines. To continue publishing, please remove it or upload a different image.
- စေတနာ၏ ဝေဒနာ -
Author
Win Thae(WinThae)
မေ့ဖျောက်ရခက်သော စိတ်ဒဏ်ရာများအတွက် အကောင်းဆုံးသောဆေးသည် အချိန်ကာလဟု ဆိုကြသည်။အကယ်၍ ကိုယ်အချစ်ရဆုံးသောလူသားတစ်ဦးက ဖြေရှင်းရမည့်အမေးပုစ္ဆာကို မဖြေရှင်းခဲ့ပါဘဲ ထွက်သွားခဲ့မည်ဆိုပါက ထိုအဖြေကို စောင့်ဆိုင်းနေသောလူသားတစ်ယောက်အတွက် စိတ်ဒဏ်ရာဟုဆိုရမည်လား။
အဖြေစောင့်မျှော်နေရသူအဖို့ အချိန်တွေက ကုစားပေးနိုင်မည်လား။ရှောင်တိမ်းထွက်ခွာခဲ့သော ထိုသူ၏စိတ်ထဲ၌ရော မည်သို့ မည်ပုံ နေမည်လော။
'လား'ပေါင်းများစွာသော မေးခွန်းတို့ပါဝင်သည့်အတွေးများ နှိပ်စက်သောကြောင့် အိပ်မရခဲ့သော ညပေါင်းများစွာကို ထိုသူသိစေချင်မိသည်။ တစ်ခါတစ်ရံ ထိုသူနှင့်မဆုံဖြစ်ခဲ့ပါက ၊ရှေးတစ်ချိန်ကရေစက်များသာမရှ်ိခဲ့ပါက အကောင်းဆုံးဖြစ်မည် ဟုတွေးမိသည်အထိ။
သို့သော် ထိုသူနှင့်ဆုံတွေ့ခွင့်ရခဲ့သည့် အချိန်မှစ၍ ယခု ထိုသူရှောင်ပြေးသွားလေတဲ့ကာလ မရောက်မှီ အချိန်တွေကလည်း ကိုယ့်ဘဝ၏ အပျော်ရွှင်ဆုံးအချိန်တွေဖြစ်ခဲ့တာကိုတော့ လိမ်ညာ၍မရ။
အမြဲတမ်းခပ်တည်တည်နေတတ်သောကိုယ်က ထိုသူနှင့်တွေ့မှ ပြုံးခြင်း၏တန်ဖိုးကိုသိခဲ့သည်။
ဓာတ်ပုံတိုင်းလိုလိုခပ်တည်တည်နဲ့ဆူပုတ်နေတတ်သောကိုယ်က ထိုသူနှင့်ရိုက်ဖူးခဲ့သော ဓာတ်ပုံလေးမှာဖြင့် ရှားရှားပါးပါး အပြုံးလေးတစ်ခုပန်ဆင်လျှက်။ လုံချည်၊ထဘီဆိုလျှင် ခါးပေါ်တောင်ယောင်လို့မတင်ခဲ့ဖူးသည့် ကိုယ်က ထိုသူနဲ့တွေ့ပါမှ ထဘီလေးနှင့်ယဥ်တတ်ခဲ့ပြီး ပါးပြင်မှာလည်း အမြဲလိုလိုပါးကွက်လေးနှင့်ဖြစ်ခဲ့သည်။
YOU ARE READING
ᗷirthday ᑭresent for Khin Sandakuu (One Shot)
Romanceဒီ One Shot လေးကတော့ Clover Family ရဲ့ ချစ်မြတ်နိုးရတဲ့ အူကြူးလေး Khin Sandakuu ရဲ့ (30.04.2022) မှာ ကျရောက်တဲ့ မွေးနေ့လေးအတွက် Cf မိသားစုဝင်တွေကနေ အမှတ်တရ ပေးတဲ့ လက်ဆောင်လေး ဖြစ်ပါတယ် ဒီ One Short လေးကို ခံစားပြီး ချစ်ရတဲ့ အူကြူးလေးတစ်ယောက် လှပတဲ့...
