ليتني أستطيع أن أضع نفسي في المكان الذي أرغب به، بالحياة التي أتمكن أن أكون فيها، في المكان الذي يشبهني، في موقع حيث أجد ذاتي المختبئة🤍🥀
اديان: فتحت عيني على الدنية لا أم ولا أب يتيمة اسمي اديان عمري ٧ سنوات عايشة بيت عمي وعندي بعد عمة رحاب زوجه متوفي وما عده اطفال
ومن بعد ما اتوفة زوجه تعبت ومريضة عايشة علة الادوية اني ما شايفته ابد
المفروض اني صف أول ابتدائي
بس ما يقبلون بيت عمي اسجل بل مدرسة عمي اسمة سالم
ومرتة اسمه هند وعندة ثنين بنات وولد واحد
ريان وروان واحمد
ريان عمرهة ٨ وروان ابگدي واحمد صف خامس ابتدائي
مدللات ريان وروان من اشوفهن يمشطن وملابسهن الحلوات
والحلويات الياكلنهن ما فديوم مرت عمو مشطتني او لبستني او اشترتلي حلويات
مرة من المرات عمو سالم يريد يطلعهن
سالم: هند انتي والبنات حضرن نفسجن علمود اطلعجن اني حسبت نفسي وحدة من بناتة واروح وياهم
اديان: جاي اذب ملابسي عندي تراك بس هوة كلش قديم روان اطتنيا رادت تذبة وخذيتة منه جاي البسة
هند: هيو انتي ليش مبدلة هههههه وهي هاي ملابس من كل عقلج
بس لا تردين تروحين ويانة
اديان: اي اروح وياكم
هند: امشي بابا امشي رجعي نضفي المطبخ والبيت وهذة الي لابستة مسحي بي الكاع تمام يحلوة
هية گالتلي هيج واني دموعي شلال صارن علة خدي كعدت علة ركبي وابجي واناشغ ومحد يسمعني تعبتت ياربي صغيرة بعدني ليش كل هذة
التعب والاهانة جاي تصير وياي يارب ساعدني وكمت ابجي
وهنة بدلن والعطر يوصل الخشمي اشوفهن مبدلات ومشطات وعطرهن الي يخبل
واني گلبي احترك كمت ذبيت ملابسي وغسلت وجهي ونضفت البيت ما اعرف انظف
صارت دنية ليل يلة
ريان وروان: اجن يمي يسمعني بابا حبيبي اتونسنة كلشش بعد هم طلعنة خوش بابا
سالم: يلة باباتي بعد هم اطلعجن روحن نامن حبيباتي
ريان وروان: اوكي بابا
باسن ابوهن وراحن للغرفة ينامن
سالم: تعالي اديان
اديان: اجيت شوفي مرة ثانية اذا عليتي صوتج علة
مرتي اموتج فهمتي لو لا
اديان: بسس اني قاطعني وكال
سالم: لا بس ولا غير شي يلة ولي انطمري
اديان: جاي امشي للغرفة وباوعت علية مرت عمو
بحقد وتضحك بأستهزاء
دخلت للغرفة فرشت بلكاع وغطيت راسي وكمت ابجي بدون صوت
اني انام وي ريان وروان بس اني بلكاع وهنة كل وحدة جربايته اجت مرت عمو
غطتهن وراحت
اباوع عليهن واحجي بگلبي يارب اني ليش ما عندي ام واب
يهتمون بية
يشترولي ملابس ويشترولي حلويات وبدال ما انام علة الكاع انام علة الجرباية ليش ياربي ليش ما عندي اهل
نمت وكعدت الصبح بدفرات
هند: گومي لج نضفي هية هاي العايزة اني انظف وانتي نايمة ومرتاحة يلة گومييي
اديان: گمت غسلت وجهي لگيت بيضة مسلوگة سويته لفة وكليته وكمت شوي انظف ما اعرف اسوي شي بلبيت
ومرت عمو طبخت غدة لان اني ما اعرف اطبخ
طلعت برة شفت بنات يلعبن
اديان: عادي ألعب وياجن
البنات: لا ما تلعبين يلة روحي منا
اديان: مشيت وصاحتلي وحدة
تعاي يبنية تعالي العبي ويانة
اديان درت وجهي وابتسمتله بس شفت الباقيات صارن عصبيات ما يقبلن
رحت يم هاي البنية
گلتلي يبنية انتي شسمج؟
كتله اسمي اديان وانتي
گالتلي اسمج حلوو اني اسمي شمس
اديان: ابتسمتله وكتله انتي هم اسمج حلووو
شمس: يلة نلعب
اديان لعبنة وحدة كاضة بيد الثانية وگلنة
شدة ياورد شدة من هية الورد شدة سعدية الورد شدة وضحكنة وگمنة نكمز
وانوب لعبنة وگلنة غزالة غزلوچي بلماي دعبلوچي
كاعدة على الشط گاعدة تمشط اجاهة نومي
كلله كومي هذا حصانج اشده واركب على السكركب
وكمنة نضحك صار وقت الغدة ودخلت للبيت
وشافتني مرت عموو
هند: وين جنتي لج كلبة
اديان: والله جنت العب هنا وي البنات احجي واني خايفة منه
هند:مرة ثانية ماكو طلعة ولعب ماكو فهمتي ادبسززز
اديان: دخلت للغرفة يارب اني ليش مو مثل البنات البگدي شابعة دلال ليششش
اني كلش ضعيفة اي واحد ايحاجيني ابجي ما ادافع عن نفسي مو قوية
اديان: فاتت أيام ومعاملة بيت عمو تزيد وتزيد
تعب واهانة
نوبات اكعد بيني وبين نفسي اگول اهلي ليش جابوني علة الدنية وهمة مو موجودين
مافكرو بية وما فكرو بمستقبلي بحياتي
بعيشتي مافكرو بحياتي الي كله تعب واهانة رغم صغر عمري ولة مستقبلي الي راح ليش هيج ياربي اخذ امانتي
ولا هل عيشة هاي كمت اناشغ وابجي واكول اكرهكم اكرهكممممممم شبگت رجلية وكمت ابجي
وفاتت ايام وعلاقتنة اني وشمس كلش حلوة
بس ما نتشاوف اهواي من يطلعون بيت عمو اروحله
وصرت ما اضم عليه شي كلشي احجيله وهية هم نفس الشي
گثرولي تصـويتآت آلبآرتآت آلجآية رآح تگون بيهہ آحدآث
آحبگمـ حبآيب گلبي 🦋💕💕
أنت تقرأ
لماذا ولدتني أمي
Ficción General- ينتابني الحزن كل ليلة أشعر بالضعف وخيبة الأمل واليأس ، لم يكلف أحداً نفسه ليغوص في أعماق قلبي ليجتث حزني منه، فقلبي قد يصرخ من شدة الوجع
