عبدالله: الو يا حبيبتي...لا هاجي بليل اتغدي انتي يا شمس متستننيش
يحيي لنفسه: شمس!! اكيد مش هي طبعا هو مفيش غيرها يعني
عبدالله: ايييه يابني روحت فين
يحيي: هاا لا مفيش حاجه
عبدالله: ياراجل دا انا بقالى ساعه بكلمك
يحيي: عبدالله انا هسالك سؤال هو انت عندك مانع لو سالتك مين شمس دي
عبدالله: دي روحي دي نصي التاني ياسيدي هي دي عوض ربنا ليا في الدنيا دي
يحيي: اهاا ماشي يا عم يسهله
عبدالله: مجنون يا بني والله يلا خالينا نطلب حاجه عشان مش عايز اسيب حته في مصر الا لما اشوفها
..............
ريري: اتاخرت عليك يا قمر؟
ماجد: لا يا مزه
ريري: تعالى يلا نروح البيت احسن
ماجد: يلا ياستي
..............
لارا: بابي اتاخرت عليك؟... ايه دا سوري مكنتش اعرف ان في حد هنا
امين بصوت واطي لياسمين: اقرصيني عشان افوق
ياسمين بضحك خفيف: اتلم شكلك مسخره اوي
علاء: احم احم احنا بس كنا بناخد اقواله وماشين
امين: انت الى ماشي انا لا
ياسمين بضحك: معلش اصله منمش كويس انتي عارفه بقي الشرطه مش سهله
لارا: طبعا طبعا ربنا يعنكم يارب
نجيب: دي لارا بنتي
امين: اهلا وسهلا وانا امين مش مرتبط
لارا: اهلا! .... يلا يا بابا عشان تاكل
علاء: لو افتكرت اي حاجه تانيه عايز تقولها ياريت تكلمني علطول
نجيب: ان شاءلله
ياسمين: حمدالله علي السلامة عن اذنكم
............
ريري: يلا نطلع
ماجد: اطلعي انتي وانا هعمل مكلمه واجيلك علطول
ريري: هو دا وقته
ماجد: يا حبيبتي هعمله عشان لما نطلع محدش يعطلنا
ريري: اشطا جدا هجهز نفسي لحد ما تطلع
ماجد: ماشي يا حبيبتي
.............
امين: اول مره احب المستشفى كدا
ياسمين: المستشفى برضو يا راجل
علاء: امين اعقل كدا وافتكر كويس ان الشغل دا مينفعش انت المفروض ضابط محترم وهي برضو بنت ناس محترمين
امين: ما انا عارف يا عم مالك
علاء: ياعم!! انت متاكد انك ضابط؟!
ياسمين بضحك: لا لسه هنختبره ونشوف
امين: ع فكره مش حلوه
علاء: لا بصراحه حلوه
امين: انا رايح مكتبي اشوف شغلى انتو ناس رخمه
ياسمين: قفوشه
علاء: اسكتي انتي ما انتي عيوطه
ياسمين: انا بقول اني اروح اشوف شغلى احسن
علاء: انا كمان بقول كدا
...............
الباشا: احمد عملت ايه في البت سمر دي
احمد: مخرجتش من فيلا ماجد الا مره واحده وكان معاها واحده
الباشا: لازم تخلص منها في اسرع وقت ياغبي
احمد: ياباشا لو ماجد عرف اني دخلت بيته هيقلب الدنيا وهي مبتخرجش خالص الا وهي معاها حد
الباشا: خاليك مرقبها ولو خرجت دقيقه بس تكون نهيت عليها فاهم
احمد: أمرك يا باشا
الباشا: نجيب دلوقتي عامل ايه
احمد: دا بسبع ارواح
الباشا: ومالو ادينا وراه وراه لحد ما نجيب اخره
احمد: طب و بنته يا باشا
الباشا: بنته دي بقي حاجه تانيه خاالص
............
عبدالله: يابني تعالى نتعشي سوا في البيت
يحيي: لا خاليها مره تانيه ما خلاص مش هنسيب بعض مره عندك ومره عندي
عبدالله: ماشي يا عم يلا سلام
شمس: عبدالله اخيرا جيت
عبدالله: وحشتك ولا ايه
شمس: طبعا يا بودي
عبدالله: بودي اه طب خير عايزه ايه
شمس: عايزاك تيجي توصلني بكرا الكليه
عبدالله: عنيا حاضر يا ستي بس يلا نتعشي عشان جعان
شمس: يلا
عبدالله: امال فين ماجد
شمس: لسه مجاش الاستاذ
عبدالله: معلش هو برضو ماسك كل حاجه واحنا بندلع بصراحه
شمس: عارفه و بدعيلو والله بء بيوحشني برضو انا كنت بشوفو عن كدا
عبدالله: ان شاءلله انزل معاه الشغل وكله يتعدل
...............
لارا: الو!!
معتز: صوتك حلو في التلفون تصدقي
لارا: انت مين اساسا
معتز: كدا متعرفش صوت معتز حبيبك برضو
لارا: هو انت مبتفهمش قولتلك ابعد عني وملكش دعوه بيا.... انت جبت رقمي ازاي اساسا
معتز: انا مفيش حاجه تصعب عليا و الى مخاليني ساكتلك انك تستهلى التقل دا كله صدقني محدش هيحبك قدي وافقي انتي بس نرتبط وهتشوفي هدلعك ازاي
لارا: سوري مبرتبطش ببنات انا عايزه راجل.....
يارب ريحني منه بقي
معتز: بتقفلي في وشي يا ست لارا ماشي وراكي وراكي
.............
ماجد: قوليلي بقي يا ريري يا قمر كل حاجه تعرفيها بلنفاصيل
ريري: انت فاهم غلط
ماجد: اخرسي.....#يتبع
#بقلم_نسمه_سيد
أنت تقرأ
صاحب المانيكير الاسود
Mystery / Thrillerهتعجبكم ان شاءلله ♥ بلغه العربيه الفصحه و العاميه ✍🏼 احداث مشوقه و مليئه بلاكشن. وبعض الرومانسية و الدراما 🖤🌺