الحلقة8
نروحو عند بابات ملاك لي راه بايت فالسيلولة بعد ما حققوا معاه واعترف بلي قتل علاء دفاعا على بنتو وراه يستنى فالحكم الي حيصدر بعد ايام المهم انو اطمئن على بنتو مع جواد بعد ماعرف من اسحاق بلي راهم عايشين
يمات ملاك شبعت بكا مزالها فصدمة ملي صار راجلها فالحبس و بنتها فالغابة
عند العشاق 😘(نهدر بالدارجة عييت ملكتيبة اوكي)
تعشاو ملاك و جواد الله الله طعام باللحم و المرقا بالخضرا وشكروها بزااف للمرأة على طيابها البنين
ناضت هاديك المرا وقالتلهم كاين بيت زيادة الفوق روحو ترقدو فيهاا باينة راكم عيانيين
ملاك😶حنا كيفكيف ااا قصدي وي مرغسي والله صح عيينا
جواد قعد يقرص فيها ويقوللها فهميني وش قاتلك
ملاك :نوض ارواح معايا دك نفهمك...تصبحو بخير
جواد:واش كاين
ملاك:قاتلي بلي نروحو نرقدو
جواد :هادا مكان ايا امشي ديجا اني عيان وين نرقد
ملاك :اييه هادا هوا البروبلام ياك علابالك بلي علابلها بلي حنا مزوجين وقاتلي نطلعو نرقدو فشمبرةكفكيف
جواد:😅 ههههههههه من نيتك دك هادا بروبلام نرمال نرقدو مع بعض امشي قدامي محاش ناكلك
طلعو للبيت دخلو وشافوها بيت تحفونة عالخر فيها سرير كبير وطاقة طل عالغابة و بسايط فالرض
ملاك :شوف جواد نتا ترقد فالارض وانا فوق البونك اوكي
جواد : والله ربحت بعد المغامرة تع الصباح و العيا الي فيا حابتني نرقد فالرض
انا نرقد فوق البونك ونتي دبري راسك😏
ملاك😡حمار
جواد:سمعتك مامي
راح نحا الفاست ديالو وصباطو ودخل فالفراش
ملاك :تسما انا نرقد فالرض امبوسيبل
جواد: كاين بلاصة قدامي لا بغيتي متخافيش مندناش ليك😅
ملاك:هاهاها علاش نخاف معندك مادير المهم هيا استسلمت ونحات صباطها ودخلت ترقد جنبو
جواد معجباتوش كي قاتلو معندك مادير وحب يهبلها
جواد:جابلي ربي كاين السخانة بزاف اواه امبوسيبل نرقد هكا ابان ناض ونحى تريكوه وقعد عريان مالفوق
ملاك قعدت مخلوعة شي ملي دارو وشي من الكور ديالو المخدوم و هادك ليزابدو العضلات ذابت الطفلة وراحت فيها ..جواد فاقلها مي كوف روحو رجع تكسل باش فاقت على روحها ووجها ولا حمممرر
جواد : ملاك وشبيه وجهك حمر اكي مريضة
ملاك😳ااا لالا السخانة كيما قلت نتا مهم بونوي ودارت للجيهة لوخرا تتنفس هههه
جواد: بونوي 🥰
اصبحنا واصبح الملك لله ❤️
فاق الصباح جواد قبلها ولقاها راقدة فوقو ومحضناتو تبسم على جنب ..محبش ينوضها عجباتو وهي راقدة فحضنو ...بعد دقائق فاقت ملاك ولقات روحها راقدة فحضن جواد زربت ناضت منو (جواد رجع روحو راقد)😝
ملاك:ااوف الحمدلله مزال مفاق سينون يلقاني فوقو تبهديلة ...ممم شحال شباب وهو راقد وقعدت تجوز صبعتيها على وجهو حتى حست بيدو لي شدتها
جواد: واش مامي حابة تغتصبيني مع صباح ربي
ملاك حشمت وولا وجها حممرر وناضت تغسل وجها بدون كلام
جواد : يايما قلبي شحال تعجبني كي تحشم
.....
هبطو للتحت يستقهواو وقعدو يقصرو مع المرأة وراجلها حتى يجي ليهم اسحاق
.....
عند بابات ملاك الي خرج مالحبس بالمعريفة والمحامي بعد ما عرفو بلي علاء مريض عقلي اغتصب شحال من وحدة وقتلها بسبة ملاك الي رفضاتو وكانت حتكون احدى ضحاياه
نوارا: عسلامتك راجلي الحمدلله جازت على خير و راحت عنقاتو وهي تبكي
محمد: الله يسلمك خلاص دوك متبكيش
اسحاق : عمي انا نروح نجيب جواد وملاك نتلاقاو لعشية عندك ياك عمتي ديرينا عشا كي خرج راجلك مالحبس😂😂
نوارا: هههه تخمم غير فكرشك ..وي بيانسور اليوم العشا عندي روح دك تجيب بنتي وجواد
ديمارا اسحاق لعند جواد وملاك لي كانو يدورو فالدشرة ومعجبين من بساطة اهلها و جمال البيوت المتفرقة الصغيرة والمساحات الخضراء واشجار المتنوعة من زيتون وتين ورمان وبرتقال و المواشي و الناس راكبة الحمير و يعمرو الماء مالبير كانت الاجواء الريفية روعة حتى شافو اسحاق داخل بطونوبيلتو و الدراري الصغار يجرو موراه بش يلحقوه ڨارا قدام جواد وملاك الي كانو ودعو المرأة و راجلها وشكروهم على كلش و مدتلهم هاديك المرأة قرعة زيت قبايل و سلة من ايحفوفن (تين مجفف) وركبو فطونوبيل وراحوا لدار والدين ملاك
..... بعد ساعة لحقو لدار و لقاو نورا طيبتلهم العشا
راحت ملاك حضنتهم والدموع فعينيها كانت بزاف فرحانة الي ولات لدار بعد شهور من الحزن والقسوة... الدار الي تربات فيها وكبرت بين حيطانها
جواد سلم عليهم وجاو سارة واسماعيل و سيلينا و خوها كريم مع سندس عرضتهم نورا بعد ماخرج راجلها مالحبس ورجعت بنتها لدارها
كانو كلهم ملمومين فهاديك الطابلة الكبيرة لي معمرة بالماكلة و المقبلات و السلطات بكل انواعها (جعت🥺😔🤭) لمهم قاعدين ياكلو ويقصرو كلهم فرحانين بلمتهم .. وهنا اغتنم جواد الفرصة وناض لعند ملاك و
.....؟؟؟؟.....😂😂نخليكم هاكا
أنت تقرأ
فتاة اليل🔞🔥🚫
Short Storyكرونيك بعنواان 🍂 فتااة الليل 💞 منقووولة💢 لي ماقراهاش ضيع نصف عمرو كرو روعة 💕 جزائرية 🇩🇿فتاةالليل🔥 الحلقة الأولى ملاك اسم على مسمى 😘 فتاة تحسد على جمالها💋 معروفة باسم ايليناعمرها 22سنة وتقرا فلافاك تخصص تصميم ازياء وباش تقدر تقرا دخلت تخ...
