فتاة اليل🔞🔥🚫

البارت 3

الحلقة 2
لمهم خلاص العرض و عاودت ايلينا لبست حوايجها و سلاحها دايما معاها و كانت رايحة لدار لاخطرش كانت عيانة قاعدة تمشي و كامل عيون تبع فيها حتى جواد بصح في طريقها كانت الكارثة انو.......................
كانت ايلينا تمشي والكارثة انو شافها حسام و قاعد يقول اسكو هي ولا ماشي هي ,راح ليها و قالها : ملااااك ؟؟؟!!! ايلينا تعجبت و خافت في نفس الوقت قالت في نفسها بلي هاذ الصوت تعرفو هي غير دارت ليه و تصيبو حسام
فذيك الدقيقة قلبها طاح بصح دارت كوراج و قاتلو : شكون نتا ؟؟؟وثاني راك غالط انا ماشي ملاك انا ايلينا
حسام: ااااا امم سمحيلي زينة شبهتك لوحدة نعرفها
ايلينا : امممم اوكي وثاني انا ايلينا ماشي الزينة
جات رايحة شدها من يدها و بحركة وحدة منها جابتو في الارض و رجليها فوق صدرو قاتلو: مازال مزادش لي يمسني بدون اذني يا الرخيص
حسام: وشبيك ؟؟؟ اون+ وحدة ...... كيما نتي جابة تتشوكري عليا
قلبها حسام لوكان وحدوخرا لوكان جات غي الارض بصح ايلينا شدت روحها ودارت شقلبة الجومباز ههههه , حسام صح تشوكا هو ثاني مصارع بصح جامي واحد دارلو هكا بالاخص طفلة , قرب ليها و قالها: شوفي بيبي راني نهدر معاك جونتي لحد الان لوكان تطلبي السماح راح نخفف العقاب عليك والا ...
قاطعاتو ايلينا و قالت: والا واشن؟؟؟ ااا هههههه انا ايلينا نطلب السماح من واحد طحان كيما نتا
حسام و الشرر يطاير من عينيه: عاودي واش قلتي ؟؟؟؟
ايلينا : طحان وماشي راجل سمعتها ضكا
الغاشي كامل حال فمو عليها كيفاش راهي تهدر مع وليد اكبر و اكبر مافيا و تاجر مخدرات حتى جواد و اسحاق بقاو حالين فمهم
اسحاق : شفت كيفاش راهي تهدر معاه؟؟
جواد : علابالك و الله غير كاش مكاين بيناتهم من قبل و باينة بلي متحملوش
اسحاق: ايه و بصح كيفاش هاذ الشي؟؟؟
جواد : لازم نعرفو لازم
اما حسام فمو ماشي غير محلول طاحلو فالارض كيفاش وحدة كيما هاذيك تقولو هكاك و قدام الغاشي ثاني . ايلينا دارت جات رايحة حتى طبعها و طاحت امبعد هي طلعلها الgاز لراس و دور ليه بداو يضاربو امبعد جات كاتيا و واحد من رجال حسام يسلكو و زادت السينيما ولا الغاشي يتفرج بلا دراهم ههه
خلاصت المسرحية على طلق ناري من قبل ايلينا :خلاااااااااص
الغاشي كامل تخلع حتى جواد بقا متسائل كيفاش عندها سلاح شكون عطاهولها . اسماعيل خاف كاش ما دير و يحصلو كامل ماشي غير هي راح ليها ناض من تفكيرو على صوتها : شوفو هاذي المسرحية نشالله تكون عبرة ليكم باش متتعداوش حدودكم معايا سمعتو
راحت و خلاتهم وسط صدمتهم
...............................................
جواد: شوف مهدي لازم جيبلي كامل المعلومات ليها من نهار زادت الى يومنا هذا
مهدي : ميكون لا خاطرك غدوا نشالله يكونو عندك
جواد: ايا اوكي تقدر تروح
جواد يهدر مع روحو: لازم نعرف كلش لازم اصلا هاذ الطفلة شايفها من قبل بصح وين ؟؟؟؟!!!!!..
كيما كان الحال راحت ايلينا لدار و قلبها يوجع فيها ليوم تفكرت كامل الماضي تاعها دخلت لدوش لعلى و عسى تريح شوية بصح وجع الروح ماشي كيما وجع الجسد😔
جا نهار جديد على ابطالنا ناضت ايلينا الصباح دوشت و دارت روتينها اليومي وراحت للجامعة

وصلت بطونوبيل تاعها الغاشي كامل يخزر فيها بنظرات حقد غيرة شهوة استحقار كامل اصناف السيئة اما هي خلات قناع البرود و معلابالها بحتى واحد بصح قلبها يتقطع على الحالة لي وصلتلها كانت تلبس الحجاب و المستور و عينيها في الارض ضكا تلبس العريان غير باش متبينش ضعف تاعها وصلت لكلاستها و قاعدة تستنا في الاستاذ الجديد تاعهم و المفاجاة حتى دخل خوها ايه خوها كيفاش متعرفوش بصح يا خاه لوكان يعرفها قاعدة و تدعي في ربي ميعقلهاش
كانت قاعدة حتى جات ليها سندس تقرا معاها غير هي لي تهدر معاها بصح داخل لافاك برك
سندس: شتي شحال شباب😘 بصح من صباح وهو يخزر غير فيك نتي يا الزح بصح ديتيها لكامل بنات لفاك و لا نقلك لبنات العالم ههه
ايلينا:شوفي اخطيني متزيديليش همك نتي ضك
كان قلب ايلينا راح يخرج من بلاستو غير صونات رفدت صاكها و جات خارجة تجري حتى حبسها صوت لي كانت تدعي ميحبسهاش
كريم: مدموزال ايلينا معليش جي للبيرو تاعي عندي هدرة معاك
ايلينا : اوكي موسيو
راحو للبيرو هي غير دخلت خبط لباب قريب مكسرو
كريم :هادي غيبة .....ملااااااااك ولا ايلينا خير اااا قولي
ايلينا خلاص طاحت في الارض خلاص مقدرتش تتحمل كثر
كريم : قوليلي شكون نتي قوليلي اهدري واش هاذ اللبسة واش هاذ الحالة ااااا وبين كنتيي بلعاتك الارض حوست عليك دزاير كامل مصبتكش علاش هربتي من بلقاسم علاااااش شوفي ضكا تفهميني كلش من a الى z سمعتي ايا انطقي راني نسمع
ايلينا : اسمحلي بصح شكون نتا...؟؟؟؟
كريم: ههههههه شوفي ملاك كي تنحي الحجاب ولا ديري واش ديري في وجهك نعرفك من بين مليار وحدة سمعتي ايا انطقي قبل مندير حاجة ماشي مليحة لينا في زوج انطقي 😡😡
ايلينا ولات استسلمت و حكات كلش لكريم على العذاب لي عاشتو فدا بلقاسم و الخدمة في البار و قاتلو بلي بلقاسم اكبر تاجر مخدرات
كريم خلاص دموعو يطيحو كي نساء على معاناة ختو ناض ليها شدها من يدها و قالها : علاش ملاك علاش مجيتيش ليا نهار لي سمعت بلي هربتي فرحت و قلت ضك جي لعندي مي نتي خيرتي الزنقة على خوك
ايلينا بعدت عليه ولات لقناع البرود تاعها و قالتو: خلاص دكا فات الوقت مذابيك ايلينا ماشي ملاك و ثاني منعرفك ما تعرفني اوكي دير في بالك بلي ملاك خلااااص ماتت و دكا ايلينا و بس انا خلاص منقدرش نولي كيما راك حابني نولي حاليا همي الوحيد هو نحقق هدفي وننتقم و الهدف تاعي نهايتو يا الموت يا الحبس
كريم : شوفي علابالي واش جوزتي ماشي قليل و ماشي ساهل وانا راني عاذرك بصح لازم تخليني نوقف معاك سمعتي لازم نخلي بلقاسم يندم على نهار لي زاد فيه هو ووليدو الكلب
ايلينا : لالا كريم هاذا هدفي انا والا راك حاب منزيدش نهرب عليك هاذ المرة احترم قراري و البار مانيش راح نحبس منو راح نبقا كيما راني
استسلم كريم و قالها : اوكي بصح بيناتها دايما تيليفون و اي حاجة جي ديريها قوليلي , وامبعد نجي نشوف هاذ الحياة الجديدة لي راكي عايشتها
ايلينا : اوكي بصح انا مذابيا مجيش خير بسك علابالي مراحش يعجبك الحال
كريم: علابالي ديجا من الحطة هاذي و الحجاب لي طيرتيه باينة بصح علابالي بلي قادرة على شقاك و مديريش حاجة لي ملازمش و راني داير فيك الثقة
ايلينا : ااااايه الدنيا هي لي تخليك هكاك و الحمد الله كي تعرفني لمهم انا دوكا نروح بيناتنا تيليفون
كريم : ايا اوكي باي و تهلاي في روحك
خرجت ايلينا و خلات كريم صح نادم لي موقفش في وجه باباه و حزين على حالة ختو كيفاش كانت و كيفاش ولات
ايلينا غير خرجت و تقابلها سوسن : قوليلي واش يسحق سور قالك لا تكوني معايا
ايلينا بنظرة تع موت : بلاااكي نزيد نسمع لكلام هاذا من فمك سمعتي
سندس : خلاص مقلت والو
ايلينا : راني رايحة ضكا تشاو
سندس: باي
.............
جواد: كيفااااااش هاذي مكان والو عليها حاب تهبلني
اسحاق: هدن روحك ...مهدي ملقيت حتى معلومات زيادة ابار هاذو
مهدي : لالا صبت غير الاسم بلا لقب و بلي تقرا في لافاك و تخدم في البار و الاصدقاء غير اسماعيل و كاكي و كاتيا سيلينا هاذا مكان

💛💛بنات اكتبولي رايكم عالكرونيك فالرد حابا نعرف رايكم و توقعاتكم🔥❌❌
تفاعلوا ماتهربوش