الأقدار

في أحلامك 🖤

🌤🌞
ناضت الصباح بكري كيف عادتها غسلت و صلات و دخلت للكوزينة لقات امها طيب في الكسرة
الهام. صباح الخير ماما
خديجة. صباح الخير بنتي. نحطلك تفطري
الهام خلي ضرك نحط انا
قعدت الهام شربت حليب و قاطو
الهام بابا خرج
خديجة راح الصباح بكري مع عمك للسوق
الهام انا كملت نروح نلبس قبل مايروح الحال
خديجة ازربي هيا
راحت الهام لبست روبة تحت الركبة بيضا و فيها ريشات بالألوان مع صندالة و صاك غوز و شعرها خلاتو طايح على كتافها هي ماديرش ماكياج
خرجت شافتها امها
خديجة الله يبارك عليك تقول طبيبة مش تخدمي فالخياطة
الهام ههههه  علاه واش خصها الخياطة.
خديجة قرايتك كامل راحت بااطل
الهام نورمال ربي كتبلي هك
خديجة اياروحي بنتي قبل ديري روطار
الهام ايا نخليك ماما
خديجة بالسلامة بنتي
الجو صافي و لولاد يلعبو و العجايز قاعدين قدام ديارهم و الناس يمشو كل واحد رايح يخدم
وصلت الهام لواحد البلاصة خالية بقات تمشي حتى تحس بواحد وراها زربت في مشيتها حتى..
... الهام استاناي نهدر معاك
الهام دارت لقاتو شهاب
شهاب صباح الخير الهام
الهام و اللي يشوفك يلقا خير (بصوت مايتسمعش) 
شهاب واش قلتي
الهام لالا قتلك صباح الخير
شهاب ااا وين رايحة
الهام رايحة نخدم عندك مانع
شهاب وي عندي مانع
الهام بابا علابالو و انت واش دخلك
شهاب شوفي الهام انا مانحبش مرتي تخدم
الهام هههههههه مرتك.  و شكون قالك هاذ الكلام
شهاب الهام انا نحبك و كامل علابالهم و زيد من بكري انتي مسمية عليا
الهام و انا ديما نقولك مانحبكش و ماني مسمية حتى على حد
شهاب هههههه واحد ماراح يديك من غيري انتي ليا وحدي فهمتي بنت عمي
الهام هههههه خيالك واسع انا عمري ماراح نكون ليك افهم انا مانحبكش يااااا ولد عمي
راحت الهام تمشي و هي قلقانة
شهاب من بعيد هاااي استناي المفاجأة لي تستنا فيك لعشية
زربت الهام في مشيتها ووصلت للمصنع لقات مصطفى
الهام صباح الخير عمي موسى
مصطفى صباح الخير لالة الهام كون زدتي شوي
الهام والله ياعمي مصطفى مانزيد نطول
موسى هيا هيا ازربي روحي
الهام ربي يعيشك عمي مصطفى...