الأقدار

حفلة1 🌇

بعد 4أيام وتحديدا يوم الحفلة
( في الأيام الماضية ماتلاقاتش الهام و اسحاق لأنو هو كان مشغول مع تحضيرات الحفلة ويقعد عند اسلام  أما الهام كل نهار تخرج مع منار يخيرو قش للحفلة و للجامعة لأنو و بعد تحفيز من منار سجلت الهام  فالجامعة تخصص إدارة أعمال لي راح يساعدها في خدمتها )
إلهام تحكي
اليوم لحفلة نضت بكري و لا نقولو مقدرتش نرقد كنت متوتر وخايفة نظن لأنو راح نقابل ناس بزاف و ذوي مناصب و او لأنو راح نتلاقى مع اسحاق افففف
منار الهااام وين سرحتي
الهام اا لالا اني معاك
منار قتلك نوضي ام وصلو لي كوافير
الهام اوكي هيا
..... عند اسحاق
فوت ايام غير خدمة فالشركة و تنظيم الحفلة مع اسلام  و طول الأيام مشفتش الهام كنت مرات نخمم فيها و نظن اني جرحتها بهدرتي لكن مرات نقول لالا مكانش قصدي لأنو الهدرة خرجتها في لحظة لاوعي

و اليوم لحفلة نضت بكري مع انو كنت راقد غير ساعتين رحت لقيت اسلام راقد و باين عليه التعب جبت كأس ما و دفقتو عليه ناض مفجوع
اسلام %#%#%
اسحاق #%#%#
اسلام نتا والله لاتحشم
اسحاق الحشمة خليتها ليك برك
اسلام خليني نرقد يرحم والديك
اسحاق نوض يا#### نروحو نتفقدو الشركة و نروحو نوجدو رواحنا
اسلام والله غلبت اصحبي
اسحاق 10 دقايق نلقاك فالشركة و خرج خلاه
اسلام هذا وين عرفت منار منين ورثت قسوحية  الراس تاعها
.
..
.
.
.
.
.
.
.
.
.
.
.
.

.
.
.
الساعة 18:00
بداو الضيوف يدخلو للحفلة و كان في استقبالهم مصطفى و اسلام
مصطفى اسلام وينو اسحاق مشفتوش
اسلام نظن راح للدار يوجد روحو
.....
عند لبنات كأنو يكملو االلمسات الأخيرة و خرجو قنابل صح كل وحدة خير من اختها
منار و ياعمريييي ليوم تخطفي قلوب الحضور
الهام مش للدرجة هاذي ههههه
منار والله خرجتي قنبلة و نوعدك اسحاق راح يطيح فيك
الهام ههههههه مستحيل نتي بعد ليوم تقتلي اسلام بقلبو
منار خلي نشعل غيرتو
عند اسحاق
بعد ماكملت شوي خدمة فالشركة رحت لدار اسلام وجدت روحي و جيت رايح للحفلة حتى صونا التلفون و لقيتها منار
اسحاق واش
منار اذا قريب أرواح ادينا منحبش نسوق بلاغوب
اسحاق منيش قاعد
منار علابالي معندك حتى خدمة و تقدر تجي اني نستنا
اسحاق ياربيي صبرني
درت ديراكت للدار نزلت قابلتني منار
منار خوياااا واش رايك فجمال اختك العظيم
اسحاق لاجمال لاوالو ازربي اركبي لانكرفسك هنا
منار ياعملاق ياغيار مني
اسحاق نروحو
منار دقيقة تجي الهام اي تهدر مع بنت خالتها
...عند إلهام
كنت نهدر مع منى شجعتني  و فرحتلي مسكينة و تنحالي شوي الستراس هبطت لأنو قاتلي منار جا شكون يدينا هبطت فالدروج و خفت نطيح حتى شميت ريحتو هو بدأ قلبي يخبط معلاباليش علاش طلعت راسي قابلني بظهرو و مبعد دار تقابلو عينيها حسيتو شاف حاجة غريبة
اسحاق بعد ما شم ريحة عجباتو دار و شاف قنبلة قدامو اول مرة يتمعن في وحدة حس انو لوقت حبس في هاذي اللحظة و قلبو كان يدق لدرجة خاف لاتسمع دقاتو الروبة كانت مبينة تفاصيل جسمها و اللون الأحمر كان مواتيها و شعرها و مكياجها  خلاه يديه فكل تفاصيلها
اما الهام كانت خايفة و مستمتعة في نفس الوقت كلشي فيه مرتب من شعرو للبستو لهيبتو لكنها حشمت من نظراتو هبطت عينيها و كملت نزلت وهو ضحك على جنب و خرج يمشي بلاعقل و هي خرجت وراه تتعافر مع الروبة وصلت عندو و كملت مشات لقات منار ركبت من اللورة
الهام ارجعي نتي لقدام و انا نركب ثم
منار لالا نحب نركب هنا وحدييي
الهام هيا منار خليني نركب
منار كي ننزلو يكونو الصحافة عيب تنزل شريكة المدير من اللورة
جا اسحاق حل الباب تاع القدام لإلهام و دار ركب من جيتهتو اما الهام ركبت و هي تسب في منار في داخلها .....
طول الطريق و وإسحاق يسوق و مرات يرمي عينيه لإلهام و هي غايسة أما منار كانت تشوف نضرات خوها لإلهام و تحلل فيهم و عرفت انو يكون بدا يعجب بيها
وصلو لمكان الحفل و كانت الصحافة في كل مكان جا خدام حل لمنار لباب نزلت و مشات وسط الصحفيين و بعدها نزل اسحاق و راح جيهة الهام حللها الباب 
و حكملها يدها و مشاو مع بعض وسط الصحافة
و الكل يصور و حاير شكون هاذي ....مشاو حتى دخلو من الباب و نزلو عدة درجات و كل الأنظار موجهة ليهم كأنو خارجين على بعض البنات حاسدين إلهام لأنهم يتمناو خزرة من اسحاق و الرجال عينيها منحاوهاش من إلهام مبهوتين فجمالها مشاو مع بعض حتى وصلو للطاولة لي كان فيها مصطفى و اسلام و منار
مصطفي إلهام شرفتي الحفل
إلهام اهلا عمي مصطفى توحشتك
مصطفى و اخيرا وصل النهار لي راح تباني و تحققي أحلامك
الهام هذا كل بفضلك مستحيل ننسى كيف أمنت بموهبتي و تبنيتها و وصلتني لهنا (تهدر و تخزر في اسحاق)
مصطفى  لا بالعكس حبك للتصميم هو اي وصلك لهنا و راح يزيد يرفع من مستواك ابتداءا من اليوم  .
.....
بعدها راح مصطفى عند معارفو و بقاو في4 على الطابلة تهدر منار وإسلام و اسحاق أما الهام تشوف فالوجه لي فالحفل باين من رجال الأعمال ومصميين و خياطين حتى شافت شخص  تعرفو و هو  ساف فيها. وابتسم و مشا جيهتها

بارت جديييد
خلولي رايكم فالبارت
شكون هاذ الشخص؟
احساس الهام وإسحاق هل راح يحسن من علاقتهم ام لا؟
نحببكم💜🌸
#manar