الأقدار

🥀🦋

اسحاق يحكي
وصلت للدار نزلت منار و في يدها لحوايج لي شراو و انا هزيت الهام و طلعتها لشمبرتي و حطيتها فوق السرير و رحت درتلها السيروم في يدها و غطيتها  وانا دخلت دوشت و بدلت قشي و خرجت عندها لقيتها مزال راقدة و منار معاها راح تبدلها قشها 
خرجت و خليتهم وحدهم و هبطت لقيت بابا وجد فاليزتو
اسحاق بابا وين رايح
مصطفى جاتني خدمة فدزاير لازم نروح
اسحاق و حفلة  ذكرى تأسيس الشركة
مصطفى هاذ الموضوع بذات حبيت نحكي فيه معاك بقات 5 ايام على الحفلة و انا نكون فدزاير و نجي يوم قبل الحفلة يعني نتا راح تكون لمسؤول على التحضيرات و راح تعاونك منار و بلا مننسى الهام ...
اسحاق وش بيها الهام
مصطفى كيما علابالك الهام هي من  المصممين الرئيسيين لي ساهموا فالشركة و تصاميمها مطلوبة بزااف على هذا لازم تديها معاك للشركة و تعرفها على خدمتنا و الأرباح لي قدرنا نحققوهم بفضل تصاميمها و فالحفلة راح نعلنو على المصممة المجهولة فالشركة لي هيا الهام
اسحاق بصح هي معندهاش خبرة في فالمجال
مصطفى الهام طفلة ذكية بزااف و تتعلم بسرعة و انت علابالي تقدر تعاونها
اسحاق اوك وانت طيارتك وكتاه
مصطفى غدوة صباح ضرك نروح نرقد
اسحاق تصبح على خير بابا
طلع مصطفى يرقد و اسحاق رجع لشمبرتو لقا منار خرجت و الهام مزال راقدة في بلاصتو راح عندها و بقا يشوف فيها و قلبو يخبط والف سؤال في راسو
اسحاق وش هي حكايتك و السبب لي خلاك تبعدي على داركم و تحبي تبدأي حياة جديدة ...فاق من شرودو و هز غطا و مخدة و عبط للصالو يرقد
عند منار بعد مابدلت قشها و دوشت و بدلت لإلهام شعلت تلفونها ولقات اسلام حرق التلفون زربت عيطتلو
منار اهلا حبي
اسلام وين كنتي من 9 و انا نعيط
منار والله كنت فالمول و زيد اسحاق كان معانا
اسلام متعرفيش تبعثي ميساج و لا تهزي عليا تقوليلي خليتيني راح نهبل
منار قتلك رحت للمول و طولت انا والهام و جا اسحاق جابنا للدار و ضرك نروح نرقد و كوبات عليه
اسلام عرفها تغششت منو و هو اصلا كان قدام دارهم يحب يشوفها عاود عيطلها بصح هي كوبات عليه بعثلها ميساج
(اهبطي قدام الباب نحتاجك)
منار قرأت المساج و خافت هبطت تجري لقات اسحاق راقد فالصالون كملت تمشي بلاعقل وحلت الباب خرجت شمت ريحتو لي مستحيل تنساها عرفاتو كان ثم خرجت شفاتو فالطوموبيل راحت عندو
منار واش دير هنا كون يشوفك اسحاق
اسلام خليه يشوف نقولو جيت عند مرتي
منار مرتكك هههههه وينو لخاتم ههههه ان لا أراه
اسلام بلعي فمك نتي لي قلتي حتى نكمل قرايتي و أرواح اهدر مع خويا  مالا غدوة نقولو
منار لالا خلي مور الحفلة احسن
اسلام اقعدي اتمسخري بيا نتي
منار هههه صاي متتغشش ايييه واش تحب علاه عيطتلي
جبد صاشي ومدهالها
اسلام ادخلي للدار و حليها 
منار وش فيها
اسلام ادخلييي هيا ازربي
منار اا تسما تحاوز فيا اني رايحة و دارت مشات
عيطلها من الطوموبيل
اسلام نحببببك
منار نموووت علييك و راح دخلت للدار بلاعقل وطلع لشمبرتها و اسلام رجع لدارو
فتحت منار الصاشي ولقات فيه كل الشيكولا لي تحبها ومعاهم ساعة تهببل منقوش عليها حروف تاع اسمهم M&I عجبتها بزااف خباتها و كلات من الشيكولا و راحت ترقد و تخمم فحياتها كفاه راح تكون مع اسلام واسكو خوها راح يقبل..

🤍🦚
انتظروني فالأحداث القادمة و اعطوني توقعاتكم
احبككككم ✨️🥺