(سارق الحب الفصل السادس بقلمى بسمه شفيق )
فى احد اقسام الشرطه كانت تجلس تلك الفتاه و تتحدث مع ضابط الشرطه تشتكى بكل غل و غيظ بما تلقته من ذالك العاشق الكاذب الذى سرقها
الضابط : يعنى انتى متأكده أن اسمه رائف
منى بحيره : بصراحه بعد اللى حصل منه مش متاكده .... دا طلع حرامى و نصاب يعنى توقع منه اى شئ
الضابط بتوجس : طيب انتى على الاقل فاكره شكله
منى بتأيد : ايوا طبعا دا انا حافظه شكله مش بس فكراه ... و غير كدا معايا صوره ليه كنت اخدتها من غير ما ياخد باله
ابتسم الضابط و قال لها بحماس : كويس جدا دا هيساعدنا كتير و يا سلام لو كانت الصوره واضحه
منى : دى واضحه جدا ... استنى أنا هوريها لحضرتك
ثم أدخلت يدها بحقيبتها و أخرجت الهاتف ... لتعبث قليلا بشاشته حتى اتت بالصورة
مدت منى يدها للضابط قائله : أهى الصوره اتفضل
أخد الضابط منها الهاتف و نظر للصوره قليلا ثم ابتسم بسعاده كأنه وجد كنز ما قائلا : انتى مش عارفه انتى عملتى ايه ... انتى وصلتينا لاول طرف هيجيب لينا اكبر عصابه نصابين محترفين
منى بتعجب و صدمه : عصابه .. عصابه ازاى ...
أعطاها الضابط هاتفها مرة أخرى و قال : الفتره اللى فاتت زادة حوادث الاحتيال فى المنطقه دى و المناطق المجاوره ... حوادث نصب على بنات و شركات و مصانع و كمان سرقه محلات و مولات ... و اخرهم كان حضرتك و بلاغك انهارده ... و مع كل البلاغات و الاوصاف اللى معظم الناس وصفوها للأشخاص اللى أتعلموا معاهم و نصبوا عليهم .. قدر الجهاز بتاعنا يكتشف أنهم حرفيا نفس الأشخاص بنفس الاوصاف كل مره ... و انهارده ولأول مره بسببك قدرنا نحصل على اول صوره لواحد منهم و دا إنجاز كبير هيساعدنا فى اننا نقبض عليهم
منى : أنا هكون فى غاية السعاده لو قدرت اساعدكم فعلا
ابتسم الضابط ببشاشه و قال ؛ و احنا فى غايه الشكر ...
نهضت منى قائله : دا انا اللى فى غايه الشكر انك هتجيب ليا حقى ... و عن اذنك بقا أنا لازم امشى
نهض الضابط هو الآخر و قال : مفيش شكر ولا حاجه يا منى دا واجبى و شغلى ... و تقدرى تتفضلى عادى بس اعملى حسابك انى هكون على اتصال دائم بيكى الفتره اللى جايه عشان القضيه
منى : تمام يا حضرة الظابط ... و عموما رقمى مع حضرتك منتظره اتصالك فى اى وقت ...
الضابط بابتسامه بشوشه : خليها مازن بقا ... أنا ملاحظ معاملتك الجافه معايا من ساعه ما دخلتى و ساكت بمزاجى ... و فى النهايه انتى اخت عمر و كمان كنا جيران و اصدقاء طفوله و كنا بنلعب سوا و احنا صغيرين ولا هى عيشه الاغنيه خليتك نسيتى يا منى
أنت تقرأ
سارق الحب
General Fictionرغد بغضب : ليه .... انا عملت معاكم ايه عشان تعملوا فيا كدا قال هو بحزن : رغد أنا رغد بغضب : انت تخرس خالص ... انت ملكش اى حق تتكلم اصلا انت مجرد حته نصاب و حرامى و أنا هوديك فى ستين داهيه قال بحزن : أنا عارف انك زعلان و عندك حق فى كل كلمه قولتيها...
