كل سنه وانتم طيبين يابنااات
الفصل الرابع 🥰❤🌹😍
حاولت التحكم في دموعها لقد انتصر عليها مهاب وصديقه وأثبتوا لها انها بلا قيمه لتري نظرات الشماته في عين مهاب
اردفت بقوة
_ع فكره بقا انا مش موافقه من غير مااقعد معاك اصلا ومن غير رايك
مش عشان فسطاطه بس لأ
عشان انت ظابط زيك زي مهاب اخويا بالظبط يعني قليل الأدب ولسانك طويل وبتفتروا ع خلق الله من غير سبب
يعني قلوبكم متعرفش الرحمه اصلا ع البني ادمين مابالك بقي الحيوانات
ومفيكمش شكل اصلا كل اللي عاملكم منظر ومسنودين عليه رتبتكم بس ودي عندي صفر ع الشمال
خرجت من الصالون وفتحت الباب ع مصرعيه
_يلا من غير مطرود انت وصاحبك يامهاب مبنضايفش ناس شبهكم
نظر مهاب لها بصدمه أيعقل انها تكره الفئه العسكريه بأكملها بسببه وترفض الزواج من اي ظابط
هل اساء لمهنته ولها بتلك الدرجه
خرج مراد من المنزل وعلي وجهه تعبيرات مختلفه عصبيه مختلطه ببعض من النفور والشفقه علي صديقه
وقفت تستند علي الباب تنتظر من مهاب ان يلحق بصديقه الي الخارج ولكن ظل متصنماً مكانه ينظر إليها
نطقت حتي تتخلص من هذا اليوم الكتاب لأعصابها يجب أن تختلي بنفسها حتي تطلق سراح دموعها الحبيسه داخل مقلتيها
_هتفضل متنحلي كده كتير يلا منعطلكش منجلكوش فحاجه وحشه وياريت متجيش هنا تاني
صاحبت كلامها بحركات مختلفه تحاول دفعه خارج المنزل لكنه لم يتحرك إنشاً
خرجت والدتها علي صوتها العالي وطردها لابن خالتها بذلك الأسلوب لتردف
_عيب كده يانشأت ابن خالتك ومينفعش تطرديه ده زي اخوكي الكبير
أكملت كلامها بحكمه تحاول إصلاح ماافسدته ابنتها
_معلش يامهاب امسحها فيا انا انت عارف دي هبله متقصدش حاجه من الاعلان الاهبل ده
بص بقي انا عملالك ورق عنب تاكل صوابعك وراه
أردف بعيون سعيده
_احلي خالتو في الدنيا خلاص مدام فيها ورق عنب انا راشق في المكان ده مش هتحرك
نظرت إليه اللي والدتها بغيظ وهي تقفز مكانها من الغضب وتمتم
_مفجوع همك علي بطنك وخلاص
التفت إليها ببطء
_بتقولي ايه يابت علي صوتتتك سمعييني
نظرت إليها زينب شذرا لتكمل كلامها
_ مبتقولش حاجه ياحبيبي علي مانت تكون كلت تكون هي اتصلت بالجريدة وقالتلهم يمسحوا الإعلان الزفت ده
ولا كأن حصل حاجه انتوا اخوات وملكوش الا بعض
صح يانشأت
اردفت بحده
_لأ مش صح احنا مش اخوات وهو ملوش كلام عليا اصلا بطلي بقي ،ومش هسمع كلام حد
ومفيش إعلان هيتمسح واللي يقدر يعمله يعمله
انطلق نحوها بغضب ، تلك المعتوهه تتحدث بانه ليس له عليها بكل ثقه هي من ترعرعت ع يديه بالرغم من غير الخمس سنوات بينهم فقط الا انها ليست أخته أو ابنة خالته بل هو يعتبرها طفلته التي تجلب له المشاكل من كل صوب
قبل أن يصل إليها كانت تغلق حجرتها عليها تحتمي بها من غضبه المتوقع إثر كلماتها
_ماشي يانشأت
حملت فسطاطه تجلب لها بعض من الطعام المجفف والماء لتضعها علي فراشها
بدأت تتحدث معها بحزن
_يرضيكي كده اللي بيعملوه فيا ده ، الواد مهاب المعفن
يتريق عليا هو وصاحبه ويقولولي يابايره
بدأت تسير يبطئ وهواده ع فراشها
_تصدقي بالله انتي الحاجه الوحيده يافسطاطه الي بتحسسني ان في حد أبطأ مني في الحياه عامة ، ميعرفوش انك جزء من شخصيتي هسيبك ازاي امال مين هيصبرني ع الحياه المقرفه دي
انا زهقت من البشر اصلا
انا اصلا عايزه اعيش زيك كده حد يهتم بيا ويحطلي اكل ويطلعني يشمسني كل يوم شويه وبس
فُتِح الباب ع مصراعيه فجاه لترد ف والدتها
_اللي جابلك يخليلك ياختي ، ع اخر الزمن بتكلمي سلحفه
يا بختك المايل في بنتك يا زينب .اتهبلت علي كبر
امتعضت من طريقة حديث والدتها ولم ترد ، لتكمل
_اتصلي بالراجل بتاعك وقوليله يحذف الإعلان الزفت ده
وتيجي تقوليلي انه اتحذف مش هندلل ع نفسنا ع اخر الزمن
انتي الهاتف الخاص بها يعلن عن اتصال من أستاذ صلاح لتتسع ابتسامتها ببعض من الريأكشنات المضحكه تمام والدتها لتردف بخيبة أمل
_الناس خيبتها السبت والاحد وانتي خيبتك موردتش ع حد هموت ناقصه عمر منك
اردفت ببرود
_طيب بعد اذنك يازينبو اقفلي الباب وراكي وانتي طالعه
نظرت لها باشمئزاز وانسحبت
لتفتح الهاتف سريعا
_ايوه يااستاذ صلاح بتقول ايه عريس جديد ، ااه ااه
طيب كويس بس اوعي يكون ظابط
بتقول ايه؟
بتاع فاشون يعني ايه بتاع فاشون ده
طيب طيب هلبس واجي نتقابل في الكافيه ان شاء الله
لا لا متخافش هشرفك
نص ساعه وابقي موجوده في الكافيه بتاعنا
قفزت من فراشها تتراقص
_افرحي ياعروسه انا العريييس ياعروسه ياعرووسه
جايااااالك جياااالك يافاشون قلبي 🙄💃😉💃💃
توقعااااات 🙈😂😂😂عشان احبكم وانزل الخامس بليل
تتوقعوا هيحصل ايه في المقابله الجديده وهيحصل ايه مع مهاااب
