دخل عليه وجنت مرتبكه وخايفه هواي هواي وجسمي يرجف كلي لتخافين شغلة ربع ساعة بس بالاول خل نبدل وناكل فد شي متنى جان يوم متعب
كتله اي اي ناكل اني بس اريد اضيع الوقت لان حيل خايفه اكلنا وبدلنا وكل ما يريد يتقربلي ابدل الموضوع واسأله واتهرب واكوم اسوي نفسي اتفرج ع الغرفه واسأله هاي مين هاي بيش لحد ما صارت ساعه ٣ الفجر كالي شوفي بنين هيه وراج وراج فلا تضوجيني ولا تخربين الأجواء علينه اذا ما رضيتي بالمسايس اخذج بالقوه وبده يسولف ويقنع وشبه رضيت
بس كل ما يتقرب مني اكثر اوخر عنه مثل الاشرد اخر شي كمشني حيل وبده وياي ....💔
اول مره بحياتي توجعت حيل لدرجة كمت ابجي واصرخ من الوجع والخوف وكلهن التمن عليه ارق وتعب
طول وياي بحدود اكثر من ١٠ دقايق لحد ما اغمى عليه
كعدت لكيته كاعد كبالي وبس فتحت عيوني ضربني راشدي حيل
كال عرفتج ليش شارده وتتهربين ثاريج مو نضيفه انتي مو بنيه انتي مو شريفه شاك بيج من زمان وهسه تأكد
نسيت اكلجن
اني اسمي بنين عمر ١٧ سنه بوقت الاتزوجت وهاي جانت اول يوم زواجي
المهم اكمل
كمت احلف وابجي والله محد لامسني محد شايفتي انته بنت ابوي (الله يرحمه) اني بنت امي ربتني احسن تربيه (توفت هيه)
طلع من الغرفه دز على مرت ابوي وعمتي وكالهم بتكم مو نضيفه بتكم مو بنيه مو شريفه واني ابجي واحلف وكامن عليه ثنينهن موتني كتل وهو وياهم يضرب بيه كال للصبح اخذج اطلكج واني بس احلف كوه تركوني وابجي للصبح
اجه الصبح اخذني طلكني يم سيد وشمرني يم اخويه الي هو من ابوي يكرهني عمره ٣٧ سنه حيل يكرهني وسولفله
اخويه ما قصر هم شبعني كتله وكال لو احركج لو تصيرين خدامه عدي
على كد الكتل والضرب الشفته اريد بس ارتاح كتله شتريد اصيرلك خدامه وابوس رجليك بس كافي
#يتبع
قصه حلوه مو طويله
