#فتاة_اهلكها_القدر
تكمله ٤ الى النهايه راح تكون واحبجن استودعجن بالله وتوبه لو نزلت قصه ولو هنه هواي وحلوات خوب قصة الضابط تجننننن
👇
دخلت جانت دكتوره حبابه كالت نامي هنا ماما ورفعي ثوبج ماعرف شنو السالفه نمت شفتها هيه لست جف وكالت ماما دوري وجهج
خلت ايدها جوه تفحص بيه دخلت اصبعها اني توجعت صرخت كلت ااااخ
هيه كالت اشش ماما لا تتحركين وكامت تفحص وراها جابت السونار تفحص بيه
كملت مني كالت صيحي والدج كتلها هااا ميت بابا كالت الرجال الحجي الجاي وياج كليله الدكتوره تصيحلك
طلعت صحته دخل هو سمعته كالتله حجي هاي بعدهي لحد هسه بنيه والعشاء هذا لزمته بأيدي وللتأكيد باجر تاخذها للدكتور الفلاني يفحصها هو اختصاص واذا بعدهي بنيه والعشاء موجود يكتبلك تقرير
اني انصدمت وفرحت بداخلي هو كالها صدك دكتوره صدك متأكده دكتوره دكتوره انخبص كالتله حجي مثل مكتلك
هو اخذني بوجهي لدكتور وجان سره وازدحام انطه فلوس مثل الرشوه للسكرتيره ودخلتنا هم فحصني وكاله خويه هاي بعدهي بنيه وينها وين الزواج ورحمها تعبان يرادلها علاجات ومقويات وكتبلي هواي علاجات وابر ونصحني لأكل اكله
من طلعنا صعدنا بالسياره كال شوفي انه اريد اتوب واحس نفسي اريد اموت وقبل ما اموت اريد ابري ذمتي وياج لان بس انتي ضلمتج واريد ازوجج كتله لااا لا كمت اصرخ ابجي انهاريت هواي بس اسمع طاري الزواج اتعصب وابجي واذكر شسووه بيه
هو طبك ونزلني وقفل السياره وحضني حيل كال ابوج انه والشيطان مره راد يدفعني عليج والحمد لله ما دنت نفسي عليج اعتبريني ابوج اخوج وثقي بيه بس بشرط حتى ما ترجعين لهل عذاب خاف تلكين زوجتي راجعه ادخلي لغرفة بنتي واقفلي الباب واني اتصرف
المهم رجعنا وماعرف شكو شغيره هيج لكينه زوجته ما جايه بعدهي دخلت لعرفة بته وقفلت الغرفه وطلعت صورة ماما زغيره عندي من ملابسي القديمه وكمت اسولف وياها
دخلي عليه لكه بابا مقفول دك الباب ضميت الصوره جواي وفتحته
كعد يسولف يقنع بيه وفجئه شاف الصوره سحبها كال هاي منو كتله ماما صفن بيها كال شجابها الج هل صوره كتله من زمان عدي يوميه اشوفها اسولفلها شصار وياي وابجي وانام
هيه صوره عتيكه ومبين بيها مثل الماي دموعي التوكع عليها
كتله هاي دموعي ماما تمسحهن ويوميه احلم بيها تكلي اصبري ماما
انهضم هو كام يبجي خلاني بحضنه كال راح ازوجج بس حتى ابعدج عن زوجتي وبس اطلكها اجيبج انتي وزوجج يمي اريد اطلكها
كتله فدوه ماريد
كال والله رجال خايف الله ويحبج كتله يحبني؟؟
كال اي اي يحبج
ما طول عليكم
سبوع اخذني جهزني من كلشي حتى ذهب خذالي وهواي واخذني الصالون وهل حجي مرته ما تدري مسافره مطوله عساس
العصر اجتي زفه جبيره وتفاجئت بزوجي الجديد هو ابو الاسواق الجنت اشتري منه حلويات وكال هااا شلونها لعابتي كال عرفتج مضلومه وسألت عنج واريد اطلعج من الضلم وبعدين نسولف
وصلنا فندق اجانه سيد عقدلنه ودخل عليه وتزوجنا
وعشت عيشه طيبه هنيئه بعد سنين من الذل والاذى والتعب والظلم العشته
اخويه طلك زوجته وتزوج اخت زوجي ودايما يرحون ويرجعون علينه وصار اخوي اعز من الهوى عندي ودوم يحبني وشترالي بيت كال كلشي يصير هاي دنيا وفتحلي حساب بالمصرف وهو ترك شغلته مال عصايب المكاديه وطلك زوجته واخذ جهاله عنده خلاهم
وزوجي القديم الي بسببه انظلمت طالع سكران يكولون ومدوعوم وميت ولاكي من ميت شايل مشروبات وسكران
وهسه عندي بنوته سميتها على اسم ماما وجايني وليد بالطريق ونصيحتي الجن لا تثقن ابشر ولا تنطن نفسجن لاي بشر ماكو احد يستاهل وهواي بنات مثل حالتي يطلع الغشاء مالتهن اما مطاط او صعب تمزيقه يراد فتره يالله اتم العمليه ولا تعيشن ابمجتمع مجهول ظالم ولا تتحررن زياده وحبن انفسجن وصيرن قويات القوى لله ثم للبنيه الله خلقنا للقوى لنكافح لنصبر
واحبكم وردت انزل صور التعذيب وبطلت كلت اقرهجن ولا يوصلن لاخوي وينقهر
#تعديل
بنات فدوه رفعلي المنشور وصعدلي البيج سون دعوات اله سويتلي واهس انشر البقيه
وشوفن شراح اسوي
كل قصه اقسمها نصفين
نص انشره بنهار ونص ثاني بليل
فديت الترفع المنشور
بنات اكو قصه شويه مطوله بس كلش حلوه وصاحبة القصه مسويتها على شكل كتاب
راح احاول اخذ المضمون منها وانشرها باجر ان شاء الله والايام الجايه انزل الكتاب الي تحب تشتري لان هيه عايشه على بيع الكتب هم نكسب بيها ثواب وهم نتونس
وسعر الكتاب كلش رخيص
