#فتاة_اهلكها_الظلم
اول منزلت من السياره ودخلت البيت تلكتني زوجة اخوي وخاله ايديها على خوصرها وكالت ها العاهر ال... وكامت تفشر كالت لازم شبعو بيج الولد اليوم مكيفه اشوفج ومرتاحه يالله بوجهج نضفي البيت
اني تعبانه وهلكانه ومستبرده بلشت اشتغل وانضف وانضف وانضف خلال التنضيف لكيت جوه الكاونتر مبلغ ١٠٠$ وخفت بين اخذه او لا
كل تفكيري اخذه واشتري يوميه حلويات اضمهن بسكته واكلهن من ينامون
خفت اخذها كلت خاف يدرون بيهن كلت اضمهن بمكان قريب ع الاوفن ومن يفقدوهن اكلهم هنا خليتهم
يومين تلاثه سبوع ماكو احد فكدهن وانه على هل حال اطلع الصبح اكدي وبليل ارجع انضف
اخذت الفلوس انطيتها لبو سوبر ماركت كتله خليها يمك ويوميه اجي اشتري منك وحلفته ما يكول
يوميه بليل اروح اشتري منه اجباس نستله عصير ككو هو مستغرب مني ومرات اكلهن يمه واتفلت منا ومنا ومرات اضمهن بداخل ملابسي جوه ...
يوم من الايام شكت بيه مرت اخوي ابوك من فلوسهم فتشتني ولكت حلويات بملاسي جوه صاحت اخويه وكالتله تعال ادبها تشتري وتصرف بكيفها
اخوي كلها خليها خليها خطيه هيه سوت فلك بأخوي برجلها هو علمود تسكت كام بسطني ع كيف هيه تكله كوم جويها جويها
هو جاب سجينه حاره وكاللها انتي اجويها اذا ينطيج كلبج انه كافي هذا حدي بنيه جاي نعاقبه وذلينها وانه بوجهي بعد دورج هيه اجتي بحركتها وخلت السجين ع ايدي من فووك وانصلخ جلد ايدي كله وحيل وجعتني والليل ما نمته ولحد هسه الاثار وان شاء الله من اكمل القصه انزللكم كم صوره من التعذيب الشفته
المهم يوميه اكدي وكمت اكل حلويات يم ابو المحل بديت اسمن شويه شويه وعيوني شبه ارتاحن رغم اني ما مره عليه يوم ما بجيت وكلت ماما محتاجتج💔💔
يوم من الايام وكف عليه شاب كال شعدج هنا كتله اني من طرف فلان كال هااااا سلميلي عليه كليله يكول حجي فلان ودي الدين لا نخرب
من رجعنا كلت لاخويه هو طبك سيارته وموتني موت كتله اني شعليه انته وصيتني الي يسألني اكله هيج
كال ليش تسولفين وي هل شخص بس كلش كلش اذاني لدرجه ضرب راسي بجامه واني متعوده عادي ابجي شويه واسكت
ثاني يوم مرلي نفس الشخص سلم عليه وانطاني ماي ولفه وحلويات كتله فدوه روح ماريد وكمت ابجي
هو طبك عليه وكف سيارته ونزل كالي اله تسولفيلي ليش
كتله هيج وهيج وكتلني اخويه
كال اني اعرف كل قصتج ويوميه راح اجي عليج بس مو تسولفين لاخوج لمن ارتب وضعي
صدك يوميه يمر عليه ينطيني لفه حلويات اكل ملابس يوم منهم كال حجيبلج مبايل وسيم كارت جدد وضميهم كتله لا ابد الكف ماكدر ماكدر
يوم من الايام ما كعدني اخوي اكدي لل١٠ بقيت نايمه اجاني ب١٠ كعدني كال كومي وياي
كمت
كعدني بالمطبخ قدمالي اكل زين وكال اكلي كتله زوجتك لا تجي كال راح سافرت ٣ ايام يالله تجي اكلي اكلي اني اكل وهو يباوعلي ونضراته مو طبيعية
كال اكلج ؟
كتله ها كول اكوم ما اكل كافي؟
كال لا
بس اسألج وتجاوبيني واذا جذبتي اخرب وياج خليني زين وياج
كتله كول كول
كالي منو لامسج قبل الزواج؟
حلفلته كتله ماكو احد كال وبفترة الكداوه ما زنتيني؟
حلفتله ماكو احد جايسني غير طليقي وكوه صدكني
كالي كومي انزعي ملابسج
كتله لا فدوه
زمخ وصاح بوجهي حيل كوووومي سوي الكتلج بيه
كمت نزعت وخاله ايديه ع اعضائي كال نزلي ايديج وافتري
نزلت وافتريت ومخليه ايديه ع وجهي كلش خايفه ومستحيه
اجه يمه لزمني من ركبتي كمش اذاني ونزل ايده على صدري واني نزيت كال البسي ملابسج بالله ودخلي اسبحي ونضفي نفسج وفتحلي اللوكر ال بالحمام كالي هاي منضفات نضفي عدنا مشوار نكضي ونجي
طبيت سبحت وتقصدت أتأخر لان خفت منه
من طلعت لابسه مثل الخاولي ع طولي وحتى شعري مغطيته وينزل ماي منه
ومدنكه مريت من يمه كمشني من ايدي وكفني وخله ايده ع خدي كال والله حلوه انتي وطلع علاكه من جوه الميز انطانيها كال كدري هاي الملابس لبسيهن وتعالي اشوفهن عليج
صدك لبستهم تنوره وقميص وشويه عراض هنه
ضحك هو كال كملي نفسج طالعين كتله وين كال ها شو تسألين لا نخرب طيعي كلامي كتله اي اي
بس احس امنت ماعرف ليش كلبي برد وامن
المهم ركبنا السياره واخذني لشارع كله دكاتره نزلني يم دكتوره ونزل وياي وانتضرنه علما اجه السره مالتنه
من دخلنا ....
