عِــزوة
الحلقـــــــــه الخامســـــه 🔥♥️.......
....
عز :: ( قعد واقف شوية وخش ... ووقفه صوتها وهيا تحكي لي فرح وخيرية وتبكي ووووصدمته بالكلام الي سمعه تمنى الارض تنشق وتبلعه ..
..
سمـرا :: حاولت اكتتتر من مره معاه ومع معتتز .. اتصلت وعاودت وماحدش رررد عليا ... ( تبكــي وحاطـه ايديها ع وجهه )
فـرح :: مش معقوله هذا بس سبب الي مخليك هكي تبكي ..
خيريـة :: ( خنست ) من روح بيك ؟؟
سمرا :: ( شبحتلها بعيونها لمدمعات ) مم مؤ مؤيد ...
عـز :: ( ضغط ع قبضة ايده )
خيريـة :: ( تتتكلم بجديه ) شن داارلك ... ادووي ف شن ضايقك بااش مروحه تبكي
سمرا :: ( كيف بتتكلم خــش عز )
عـز :: جااوبي خيرك سكتتي ..
سمرا :: ااامشي اااطلع براا انت ماادخلكككش فيا ..
عـز :: ( وقف ف مكانه من كلامها ويشبحلها )
سمرا :: ( شدت ف ايدين خيرية وتتكلم وهيا تبكي ) ااانى الي غالطه اتصلت بيك .. انى الي غالطه فااارده نفسي ونقول عز مايخلينيش تو يييجي يرووح بيااااا .. لكن من لما فصلت عليييا وصكرت تلفونك حلفت يمين ماااعاد معععتمد عليك بحااجة .. معااااش تدددخل فيا ولا في حاجة تخصني .. خطاننني وااطلع من داااري توا
فـرح :: ( مصدوومه وتحشمت انها واقفه وتسمع في مشاكلهم .. خدت بعضها وطلعت للمطبخ )
خيريـة :: اطلع ياعز توا ...
سمرا :: يططططلع ديما مش توا بس . انى معااااش نبيه بكل
خيريـة :: ( حضنتها خيريه وتمسح ع راسها ) خلاص يابنتي ااهدي
سمرا :: ( حاضنه خيريه وتبكي .. )
عـز :: ( قلبه عصصره من كلامها ومعاش قدر يااخد نفسه حس بضيقه وطلع ووقف ع كلمتها الي قالتها لي حناها ...
سمرا :: خخ خو خوفني يااميممه .. كان ماش ماشي بيا وصكر بيبان سياارة .. يقولي يبي يتكلم معاي وانى معاش قدرت ننهرب منه .. ( شبحتلها وتبكي ) تفك تفكرت فرح وخفت يصير فيا زيها ...
خيرية :: ( حضنتها بالقووة ) مااااعاش الي يكسرر عين بنتي وخاطرها ويضررها وانى عااايش وربي ووعزة جلالته ماانبداش خيريه لو ماامشيت وسمممعت اامه كلمتين تتتلم بيها نفسها وولددها ...
عـز :: ( طللع وعروووق اييدديه ورقبته بيتفجرو من العصبيه . جبد جاكيته ومفاتيح سياارته وطلع وقربع الباب )
...
خيريـة :: ( سمعت الباب عرفاته عز ) ارتاحي توا .. شوية ونجيك
سمرا :: ( من غير ماتتكلم ودموعها ينزلو بحوايجها لفت روحها وغرست رااسها ف ورغاننها وتتبكي ... )
..
خيريـة :: ( طلعت تلبس في عبايتها .. ) ففرح .. فروحه بنتي
فرح :: ( جت ادب من المطبخ ) نعم خالتي خيريه ..
خيريـة :: انى ماشيه مشوار وجايه . خليك جنب سمرا سلم بنتي .. لابين جيت باهي
فرح :: حاضر خالتي ( ومشت بشوية لي دار )
خيريـة :: ( نعجبت خيرية بفرح لانها ماكانتش فضوليه وسألت ع سمرا .. خدت بعضها وطلعت ادب في رجيلاتها لي حووش آمنة ام جنى ومؤيد )
_________________________________
( ف طرـــيق )
..
عـز :: حممممار مااااك كانك مش ******* راااه مااادرتش هكي
معتز :: ( ركب سياارته ويولع فيها) اااادوووي بااهي ياااعز انى نشغلت وتلفوني نسيته في سياااره .. شوووف روحك انت الي تتصل بيك وماتردش عليها
عز :: (يخبط ع استيرسو ) خلااااااص الله يللللعني عااارف روحي غللطت لكن ااانت المفروض اتصلت وقلتتتلي ..
معتز :: انت وين توا ( ويجري بسيارته )
عز :: مااااشي للكلب الي ماااعرفش حد يلمه .. ينننننعن ججججد يركبها سيااااره ويرفعها بيكلمها ( يخبط ع استيرسو )
معتز :: رررريح روحك وووروحلي يااعز نحلوها مع(قاعد ماكملش كلمته وعز صككر عليه )
..
عز :: وووربي ماااح يرحممك واااحد مني اليوم ياااااخامر ( يخبط ويعاااود ويزيد دممه يفور لما يتفكر كلامها ورعشتها وخوفها )
__________________________
( حــوش آمنــة )
..
آمنة :: شن تقولي انتي ؟ .. والله ياخيريه منك توا ماااسمعت ولا عندي علم ( وتفنص في بنتها )
جنــى :: ( تخبط ع فمها وتتكلم ف سرها ) نهاار احرف عليا الله رزيني فيك شن درت ف البنت صااحبتتي ياحيوان
خيرية :: اااانى مش جايه لا نسأل فيك ولا يهمني راايك .. انى جايه نقولك . عندي اسوود وكان نطلقهم ع ولد يريشووه ترييش .. بنت عز ماايصيررش فيها الي صاار . والي متربي ووولد بيتيه ماتطلعش منه العيبه .. شدددي مفرخك من عليااا ومن ع بنتي .. والله والله لو نشم قررربه منها ولا كلمها .. لاديني قااطعاته بسننوني .. الا بننننتي يااااامنةةة ايووه ( وطلعت وقربعت الباب )
آمنــة :: ( قعمزت ع لكرسي وتخبط ع رجليها ) الله رزززيني فيه وفي عمااايله الله لا يسااااامحه ,,, ررربي يااخدني ويريحننني مننننه ..
لجين :: ( تبكي وتتصل بي سمرا ) خلاص ياااام اهههدي والله ماناقصه
آمنة :: ( ناضتلها شدت منها تلفون ) شن هوا الي مش ناااقصتيه .. انىىى صديقتي عمممري خسرتته ف جراااير عقلك نااااقص وتصرفات خوك صااايع .. هناك حد يخلي بنت تتتمشي مع هالكلب وهوا عارف نيته شنو
لجين :: والله ماكنت عارفه هكي بيدير .. اقسم بالله كان يتكلم بجديية خلتني نصدقه انه مش ح يقدر يلف ويردني .. خليتها تروح معاه بروحها . كككان هذ ا انى مستحيل نخليها معاه
آمنة :: ( قعمزت وحطت ايديها ع راسها ) بري جيبي عباايتي وااالبسي انتي .. خلي نمشووو نشوفو البنت .. الله يرعش قليبك ياااوليددي ..
لجين :: ( ماشيه وتبكي وتخمم في صاحبتي كيف بتستقبلها )
___________________________________
( مكـــان عمــل )
..
عـز :: ( وصـــل بعد سرعة لكبيـره . درس سيـــارته ونززل وخبط البــاب .. وخش للقهــوة الي فيها مؤيد .. بعد مااكلم صاحبه وعرفله مكانه بضبط )
...
مؤيد :: ( شاد لرقيــله .. ويضحك مع صحابه )
ساجد :: ( متبــص راسه لي تلفونه )
عـز :: ( خبط ايديه ع طاوله وتبــص لي مؤيد ) هكي معقوله مخليني ندور عليك ..ما كنت فعلت تحديد الموقع وريحتني
مؤيد :: ( بلع ريقه . مركز ف نظرة عز ) اوو الغالي ..شش شن مخليك ادور عليا .. اتصلت باه ؟
عز :: ( شبح يساره .... بعدين شبحله وشده من سوريتته ) اااطلعلي ....
مؤيد :: ( طالع معاه ويجبد ف سوريته ) تتتي تتي خيرك ياعزز ارخي مممش حركه راه
( طلعو صحاب عز وراه ... وآخر واحد كان ساجد . )
عز :: ( وقفــه قدامه وحط ايديــه في جيوبه )
مؤيد :: ( يرتب في سوريته ) خخيرك يااراجل ..
عز :: ( يتكلم ويشبــح يســاره ) تبي تعرف خيرني ...
مؤيد :: امالا بنننهدرز عليك .. ان(وقطــع عليه بضربةةة ع خشمه )
عز :: ( ضرربه بي راسه لين طاح تحته ... شبح لي صحابه )وااااحد يقدمم نرقده جنبه ..
ساجد :: ( شد لولاد من يديهم ) وخرو مش شغلكم ...
عز :: ( شبح لي ساجد ... بعدين شبح لي مؤيد .. ) تنوض ولا نوضك انى ؟
مؤيد :: ( يسب ويلعن ويمسح في دم )
عز :: معناها نوضك انى ... ( شده من سوريته ويكككر فيه لي سيااره )
مؤيد :: تتتتي ااااارخي ان**** حوووول يااارجلللل ( ويسب ويدف فيه )
عز :: ( بس للاسف عز كان اقوة ... فتح باب سيارة وحدفه فيها وصكر ركب وولعها وجري )
..
انور :: ( شبح لي ساجد ) تي خيرك شديتني عليه .. تي شوفه كيف رفعه قدامنا ..
ساجد :: ( وخر ومشي قعمز ع لكرسي وشد تلفوننه )
ميلاد :: ( مشاله ) تي خيرك **** تي قولي مش صاااحبك
ساجد :: ( عيونه في تلفون ) الي مايدير شي ( شبحلهم ) مايجيه شي .... ( قام مفاتيحه ودخانه ) والي بي ايده . ربي يزيده .... هي اوووينااا ( وطلع للأوودي الي مدرسها قدام القهوة ركبها وتفكر الي عااشه كله والي وصله لي صحبته بي مؤيد . وخر سيــارته ومشي جري لي حوش مؤيد )
___________________________________
( مكان تــــاني مُختلف )
..
جـاد :: ( متكـــي ع حاشيــة الباب ) حتى اليوم بتبــآتي ؟
بتول :: ( تحط ف حوايجها في ســاكو صغير ) بعون الله
جـاد :: ( يشبحلها ومركز في تصرفاتها ) قداش بتقعدي يوم ؟
بتول :: ( ابتسمت بهزوة ) ماتفرقش
جـاد :: عندي تفرق ... ( ويشبحلها )
بتول :: ( حطت اخر حاجة وصكرت سااكوها وخدت نفس وتلفتتله ) بنمشي بسيــارتي ..
جـاد :: ( واقف ونفس متقطع ومش قادر يااخده )
بتول :: ( خدت شنطتها وتلفونها وساكوها وجت طالعه )
جـاد :: ( شدلها ايدها ) نبي نتكلم معاك شوية قبل ماتطلعي ..
بتول :: ( سحبت ايدها وشبحتله ) معليش متأخره . مزال بنخطم بناخد حاجات ..
جاد :: ( صكر عليها طريق ووقف قدامها ) مش ح ناخد هلبا وقت ,
بتول :: ( تشبح للارض ) اكتر من هكي ؟
جـاد :: ( فهمها تتكلم ع موضوع فترة زواجهم الي صكرت ال4 سنين ) .. تبي تطلقي ؟
بتول :: ( شبحتلـــه طول وعيونها يرمشو ومصدومه من الي سمعاته )
جـاد :: تبي حريتك ؟ .. انى ظلمتك معاي 4 سنين .. وانتي تستاهلي كل خير . عارف قصرت معاك ف مليون حاجة . عارف تعبتك ووجعتك هلبا ... وانى توا مستعد ندير اي حاجة انتي تبيها ... ( كان يتكلم ودقات قلبه واصله لي اخر شارع .. كان خايف من ردة الفعل ومن جواب )
بتول :: ( عيونها تعبو دموع ... وقبل ماتتكلم كلمة ... رن تلفون جاد وتلفتــو الاثنين بيشوفوه . كان محطوط ع لكومدينو . قعدت تشبح لي رقم ثواني . وبعدين قامت حواجبها بهزوة وضحكه خفيفه .. وشبحتله ) ع خاطرها ؟؟؟
جـاد :: ( شد ع قبضة ايده . الي كان خايف منه صار . كان خايف تفهمه غلط . وفهماته !.. )
بتول :: تبي اطلقني ع خاطري ؟؟ ولا ع خاطرها ؟
جـاد :: هيا ماليـهاش علاقه بي لي صاير ..هيا(قصت عليه )
بتول :: هيا ليها علاقه بي كل شي صاير . هيا الي خلاتك تتزوج وحده ماتحبهاش باش تقهرها .. هيا الي خلاتك طول ال4 سنين تعيش بعيد ع مرتك انت ف دار وانى في دار لكن مش قادر تعيش الا معاها . هيا الي خلاتك تكره شوفت وجهي لانه مش شبهه . هيا الي خداتك من (اشرت ع قلبها ) من هنا بااش تعيش ف قلبها .. هيا الي خلاتك ماتقووولش اسممي ولا تناديني بيه طول 4 سنين هاذم لانه ماتبيش لسانك يتلفظ اسم بنت تانيه غيرها ... هيا الي خشت بينك وبين عقلك وخلتني انى برا .. ( قامت تلفونه وخبطاته بيه ع صدره ) شدددد رد عليها .. رد عليها وقوليلها تجهز روحها باش تكون احلا عروس واحلا زوجة تليق بيك وبي عيلتك وبي شقتتتك وداارك .. انى خلاص . تعبت ... تعبت وكرهت نفسي والعيشه والوقت الي معاك .. اي .. اي نبي نطلق ... اول مانرجع من حوش ميمه تكون ورقتي جاهزة ... ( دفاته بي ايديها وطلعت بسرعة فتحت الباب وخبطاته بقوة .... حطت ايدهــا ليمين ع فمها وتبكـــي بحرقة .. طيحت منها ساكوها وتبكـــي بقوتها وشاده ع فمها باش صوت ماينسمعش .. )
جـاد :: (قعد واقف في مكانه وحاط ايده ع صدره وشاد تلفونه ويشبح لي نفس لمكان الي كانت واققفه بتول فيه .. لا تحرك خطوة لقدام ولا خطوة لخلف )
بتول :: ( مسحت دموعها وطلعت طول لي سيـــارتها )
جاد :: ( فاق ع روحه وقعد يشبح حواليه لي شقته ودارها قدم يشبح لي دولابها . روائحها الي ع طاولة .. قرب لي وشاحها وفانليتها الي ع سرير .. قام عينه لي زوايا دار .. غمض عيونه يشم في ريحتها ... وبدي يتكلم بي نفس متقطع وحـــاط ايده ع قلبه ....) انى علاش متوجع ؟؟ . علاش قلبي عصرني وحرقةةةة ف صدررري علاش دماغي صففر . علاش حسيت بي وجع في كل جسمي وكأأنه حااادث .. علاش مانبيهاش تتكلم هكي . علاش كنت نستنى في اجابة تانيه ( رن تلفونه شبحله لقاه من رحمة ... حدف تلفونه ع طول ايده .. )
(تقدرو تتخايلو كمية تلفونات الي يلوح فيهم جاد عادي ههههه )
___________
( حــوش خيرية )
..
( سمرا مقعمزة ف سريرها وجنبها جنى . ودنيا و فرح )
جنى :: ( تبكي وترشف في انفها )
دنيا :: خلاااص ياابنتي خيرك .. قتلك مش زعلانه منك . تغنيها يعني باش تصدقيها ؟
سمرا :: ( شاد ايد جنى ) والله مش زعلانه .. خلاص انسي
جنى :: كيف بالله عليك بننسى . لمصايب الي يجيبلنا فيهم اكتر من شوفته ... مش ( سكتت شوية وبعدين تكلمت ) مش اول وحده يوجعها ويخوفها ..
سمرا :: ( قرنة حاجبها بأستغراب .. شبحت للبنات بعدين شبحتلها تاني ) شن قصدك ؟
دنيا :: ( قعمزت ع الارض قدامهم ) تعالي فروحه قعمزي جنبي ...
فروح :: ( قعمزت جنب دنيا )
سمرا :: ادوي شن قصدك بي مش اول وحده ؟؟؟
جنى :: ( تشبح لي فرح ومتحشمه )
دنيا :: تكلمي فروحه مش برانيه .. بنت خويلة خيرية ومن لعيله . احكي
فرح :: ( ابتسمت براحة لما حست بي وجودها ليه معنى لي اول مره )
جنى :: مره ( تمسح في دموعها وتتكلم ) مره ايام اولى ثانوي .. كنت نقرا ف دار وامي عندها خالاتي ومرت عمي لوطا . ايام عرس خالي جهاد ..
دنيا :: اي تفكرته ...
سمرا :: ( ساكته وتشبح لي جنــى )
جنـى :: ( شبحت لي فرح وبعدين شبحت لي دنيا وتبصت راسها ) روح مؤيد ومعاه ولد عمي صغير .. خش ولد عمي يدادش فيه ودخله لي صالون وحدفه ع لكراسي .. وبدي يصيح وينادي في امي ...
سمرا :: ( منسجمة وخايفه ومش عارفه كيف بتكون ردة فعلها لو اخر الحديث خبر مفجع )
دنيا :: نهااار اسود علاش يددادش فيه ؟؟؟؟ شن دايرر؟
فرح :: ( تشبح لي جنى وزي الي فهمتها ) سكران ؟؟ ..
جنى :: ( هزت راسها ) اي ... كان سكران ومش صاحي بكل . كانت ريحة صالون في وقتها غابقه دنيا . نزلت نجري ونسمع فيه يصيح ف سقيفه . وامي طايحه ع لكرسي وخالاتي يبخو فيها ... وبعدين بديت نسمع فيهم يقولو ف كلام مقطع مافهمت شي لين شبحت لي مرت عمي ....وسألتها خيرهم ق (سكتت وبعدين كملت وهيا تبكي ) قتلي غلط ف وحده وخلاها وهرب ..
سمرا :: كككككككيف ( وعيونها يفنصو )
دنيا :: ( خبطت فمها )
فرح :: ( بعيون يرمشو وتتكلم بشوية ) اا اغغ اغت اغتصبها ؟
جنى :: ( تفجرت بالبكــي وكأنها ليها قرون مانزلتش منها دمعه)
سمرا :: لا مستتحيل .. لالا ... تبصري صح ؟؟؟ .. خوك ممكن صايع . ممكن يكون متهور وممكن يكووون يشبح ويعاكس .. للك .. لللكن انه لا ياربي لا ( وناضت حاطه ايديها ع فمها وتلود ف دار )
دنيا :: ( طول نقزت لي سرير وحضنت جنى ) خلاص ياروحي ماتبكيش ..
سمرا :: ( شبحت لي جنى وعيونها دموع ) ييع يعيعععني كنتي تتعرفي اااانه خووووك حقييير ومنحححرف ومخليتيني نروووح معاه بروحي ؟؟؟؟
جنى :: ( زادت تبكي وتفكرت كيف كانت تتصل بيها طريق كلها باش تتطمن عليها انها روحت )
دنيا :: ( تشبح لي سمرا ومش عارفه من تسكت ) خلاص يااابنات صوتكم عالي ....
سمرا :: ( حطت ايديها ع راسها وحدفت شعرها لتالي ... وشبحتلها تاني ) .. انتي شن ؟؟؟؟ انتي صااحبه ؟؟؟ اما صاحبه اااه ؟؟؟ صاااحبه تتتعرف حقاااارة خوها ومااااضيه الوسخ ومخليتني نروح معااااه عاااادي ...
جنى :: ( زادت تبكي ومش قادره ترد )
فرح :: ( ناضت شدت ايد سمرا ) سمرا اهدي حتى هيا خايفه ومضايقه .. اكيد ماكنتش قاصده يعني .. انتم مش صاحبات الامس ولا اليوم . انتم صاحبات عممر ياسمرا ..
جنى :: ( شبحت لي سمرا ) اا ن ااانى مخنوووقه يااسم سمممرا .. انى مخنوقة ليا وووقت مش قادره نحكي لي حد .. تخايلي مووضوع يصير بسرعة ويمشي بسرعة ويتصكر بسرعة و(كيف بتكمل سمعو صوت عياط برا )
سمرا :: ( شبحت للباب وطلعت تتجري للجنان )
( طلعو لبنات وراها )
..
( جنان )
(كــان عز وااقف وسوريته دم .. ويمسح ف كمامه .. واقفه قدام خيرية تبكي وتكلم فيه .. وآآمنة مقعمزه ع لكرسي وتخبط ع رجليها وتبكي )
سمرا :: ( وقفت جممدت في مكانها اول ماشافت عز واقف وسوريتته دم ومتبص رااسه لي حناه )
فرح :: ( حطت ايديها ع فمها وتفنص )
دنيا :: هههههييي ( قالتها وعيونها في عز )
جنى :: ( تشبح لي امها ولي عز ولي دم وقدمت لي امها تبكي )
عز :: ( قام عينه لي سمرا ... )
سمرا :: ( عيونها فيه وكأنها تقوله . شن درت ؟؟ )
عز :: ( عيونه حمر .. تفكر خوفها وخشتها عليهم برعشتها . تفكر لوو ممكن يكون صار فيها شي وماوصلتش بخير .. نففخ الهم بشوية ونفض ايديه من حناه وفتح باب الحوش وطلع .. )
سمرا :: ( قعدوا عيونها ع لباب بعد ماتصكر وعز طلع منه )
دنيا :: ( مشت طول لي خيرية سندتها وقعمزتها ع لكرسي )
فرح :: ( واقفه جنب سمرا .. حست بموقف بايخ .. حست وكأنها خشت ونحست الحوش كله ... )
سمرا :: ( قعمزت ع درجة ... كانت خايفه من الي ممكن تستوعبه تاني . كانت خايفه لو عز دار الي في بالها لي مؤيد .. )
دنيا :: شن صاار خويله .. خيرها هكي سوريته عز ؟
(واخيرا حد نطق )
آمنة :: ووولدي .. وووولدي مممشي يااكبدي ههههي .. ولللدي خلاص خسرررته .. ولللدى الي جاب الهم لي عمره ( وتخبط ع رجليها )
خيرية :: ( تشبح لي امنة ومش قادرة تقول حتى كلمة )
جنى :: ( مقعمزة تحت رجلين امها وتفكرت يوم الحادثة كله وتبكي بدون صوت )
_____________________
( شــارع )
معتز :: ( درس سيااارته بقوة لين دارت صووت .. فتح الباب ونزل يجري لي عز من غير مايصكر سيارته .. مشااله يجري )
عز :: ( كان واقف ويدخن وحاط رجل ع الارض وتانيه ع لحيط .. وايده ليمين ف جيبه )
معتز :: ( شبح لي سوريته ) ... وين الولد ؟ .. شن درتله ؟
عز :: ( يدخن ويشبح لي معتز ويشبح لي شاارع وماردش )
معتز :: ااااااانككككلم في ااااامك ******* رددد عليا .. وين الولد
عز :: مستشفى ***** ,, ( حدف دخااانه ونفخ ويفتح في بطمة سوريته من فوق وكأنه يبي يتنفس بس مش قاادر ومشي ل سيارته ) مادورونيش ...
معتز :: ( خبط ع رااسه ... مشي قربع باب سيارته ومشي لحوشهم .. كان بيخش . بعدين خبط بشوية )
...
فرح :: ( شبحت لي سمرا الي كانت مقعمزة وحاطه راسها ع ساس .. وخيرية الي كانت مقعمزة وجنبها دنيا تشرب فيها مية .. وامنة وجنى الي مقعمزين جنب بعض ... مشت للباب وتبصت راسها )
معتز :: ( يشبح لي سياارة عز الي طالعه من شارع وينفخ .. لف للباب طول اول مانفتح .. )
فرح :: ( كانت متبصه راسها وتشبحله )
معتز :: ( شبحلها شوية وبعدين نزل عيونه ) سمرا وين ؟
فرح :: جنان مليان .. وسمرا اهيا مقعمزة ..
سمرا :: ( سمعت اسمها قامت عيونها لي فرح وناضت طوول ) عععز ؟؟!
فرح :: لا معتتز ... ( وفتحت الباب )
معتز :: ( سمع اسمه منها وقلب نقز من مكاانه ... )
سمرا :: ( جت قدام الباب وشبحت لي معتز )
معتز :: عيوني .. ( قالها وغصه قلبها عليها حس بيها وحس بخوف وخيته وهوا مش معاها ) ..
سمرا :: ( برعشة فمها زي طفلة ودمعتها الي تنزل ) وين خوك ؟
معتز :: ماتخافيش عليه .. مشي شوية ويجي ...
سمرا :: سو سوريته .. سوريته كانت دم يامعتز ( وتبكي )
معتز :: مادراله شي ماتخافيش .. اهو ماشي للولد انى . ( شدلها ايدها ) انتي كويسة .؟؟ فيك حاجة ؟؟
سمرا :: ( فيا خوك .. فيا وجعه . فيا نظرة عيونه وخوفه . فيا صوورته وسوريته مبقعه بدم . فيا سرعته وهوا طالع من الباب . فيا خوفي عليه .... قالتها في سرها وكان خاطرها تقولها بصوت عالي ) مافيا شي .. انى كويسه
معتز :: ( قدم راسه باسها ع راسها ) هي ورااس حبيبي خشي جنب اميمه وماتفتحو لي حد
سمرا :: حاضر ... ( قالتها وصكرت وراه الباب وخشت )
فرح :: ( جتها ) شن صار ؟؟
سمرا :: ( شبحت لي امنة ) ولدك مافيه شي .. معتز ماشي بيجيبه ..
جنى :: ( تشبح لي سمرا كيف تتكلم وقلبها متقطع ع صاحبتها )
سمرا :: ( ماشبحتش لي جنى وخشت لي دارها وفرح تساند فيها )
دنيا :: خلاص خويلة خيرية اطمني .. عز مادارله شي .. ( وتمسح ع راسها ) هي ع خاطري نوضي اغسلي وجهك
جنى :: هي امي .. نوضي خلي نروحو .. ياسر تعبنا ناس معانا ..
خيرية :: امك ماهياش طالعه من حوشي لين تتطمن ع ولدها ( تتكلم وخاشه مع دنيا )
امنة :: ( شبحت لي جنى وتبكي ) جويرتي .. جويرتي يابنتي خسرتها . جويرتي
جنى :: ( تبكي معاها ) خلاص .. انتي مريضه وتو تزيدي .. اقعدي مدام خالتي خيريه قالت .. خلي نمشي نجيبلك دواء ..
امنة :: لا خليك .. ماتمشيش بروحك . دنيا مهياش اماان
جنى :: ( تلبس في سبيدروها ) ولدك مش ف شوارع يلود . معناها امان .. ( طلعت وقربعت الباب )
امنة :: ( حطت ايدها ع فمها وتبكي وتتفكر في مصيبة ولدها وغاصه قلبها )
..
سمرا :: ( طولت رقدت ع سرييرها . تغطي فيها فرح . )
فرح :: ( قعمزت جنبها وتمسح ع شعرها ) ارقدي شوية
سمرا :: ( شدت في ايد فرح وغمضت عيونها وتبكي من غير صوت )
فرح :: ( تأثرت وشدت ع ايد سمرا وحطت راسها جنبها وايدها تانيه ع راس سمرا وتقرا عليها ف لقرآن )
___________________
( شــارع )
..
بتول :: ( كيف لفت سيـارتها وخشت لي شارع حوش حناها وشافت جنى ماشية ع رجليها لي حوشهم تبكي .. كملت طريقها مستغربه لي حوش حناها )
____________
..
جنــى :: ( طريق كلها وهيا تبكــي .. تحط في ايدها ع قلبها .. بعدين تقيم ايديها زوز تمسح ع وجها .. وترجع تبكــي تاني .. تاخد في نفس متقطع ... لين شدها حيط حوشهم وحطت ايدها عليه وتبكي بقوة ..
تبكـــي ع نفسها . ع حياتها الي اضيع بشوية بشوية في جراير خوها .. تبكــي ع ضحكتها لمزيفة الي مثلت بيها ع لكل ..
تبكـــي ع خوفها في يوم الحادثة و ع عمامها الي سكتوها .. تبكــي ع جرح نفسها ..
تبكـي ع مستقبلها الي ضاايع من وراء خوها ... وتبكـي لما تتفكر البنت الي خوها مسبب سم الهاري الي ياخد فيهم ضرها .. خطف بنت واغتصابها وحدفها في شووارع .. لما دار عملته كان فايق .. كان نص فايق . بس باش ينسى زاد شررب . الله اعلم كيف طاح بين ايدين ولد عمها وجابه للحوش . كيف عرف وكيف عرفو صحابه ...
كملت خطواتها وتسند في روحها ع ســاس حوشهم ... لين وقفها سيارة الي مدرســه قدام حوشها رصاصية اوودي وولد وااقف متكي عليها وشاد تلفونه .. لابس نظراات ... تتفكر وين شافت منظره الولد هذا ... وين شفاته .. وتقدم
..
سـاجد :: ( واقف وشاد تلفونه .. حس بي حد جنبه قام راسه ليها طول .. )
جنـى :: ( تمسح في دموعها ومكمله لي حوشهم وقفها صوته وهيا تفتح في باب )
ساجد :: سلام عليكم .. اختي هذا حوش مؤيد .. ؟
جنـى :: ( غمضت عيونها اول ماسمعت صوت خوها وبعدين لفتله ) ا اا اي ..
ساجد :: موجود ؟!
جنـى :: ( شبحت لي سيارته وبعدين شبحتله .. كان منظره مرتب ونظيف .. بعدين شبحتله بعيون مدمعات ) شن مداير ؟؟
ساجد :: ( استغرب ف سـأللها ) لا مش مداير شي .. انى صاحبه ونبيه ...
جنى :: ( بهزوة ) هه .. صاحبه ؟!..
ساجد :: ( سكت وقام حاجبه )
جنى :: مانعرفش وين مرتزع ... ربي مايرده . مدامك صاحبه اكيد تعرف لعفن الي يميشله .. امشي دور عليه بعيد من هنا . لانه معاااش عايش هنا
ساجد :: ( قعد سرحان فيها . وفي ملامحها ودموعها الي ينزلو وجددية كلامها وايديها الي يرعشو )
جنى :: ( لفت فتحت الباب وقربعاته )
ساجد :: ( مشي لي سيارته اول ماركب ولعها وشبح للحوش وتكلم ) .. معقولة لقمر هذا اخت الخامر هذاكا ؟؟ ..
جنى :: ( وقف ف لقراج وقعدت تبكي لين طاحت ع ركبيها وتبكي بقوتها )
ساجد :: ( طلع بسيــاره وباله قعد في جنى .. وشكل جنى . وعيونها وملامحها ... وبعدين تفكر مؤيد وضحك ع جنب ) مزال ماريت شي .. وربك الي يروح بيك اليوم الا ماياخدك غيره غدوا ... ( وزاد ف سرعة )
_____________________________
( اواخــر ليل .. بين المغرب والعشـــاء )
___
( حـوش خيريــة )
( كان كُل واحد دماغه في جيهة وجثة متعه في جيهة ..
سمــرا .. آه سمرا .. كانت راقده وعيونها مغمضه وروحها وعقلها في مكان تاني .. كانت تتخايل في منظر عز كلامه وشكله وعصبيته .. كانت تنزل منها دمعه في نص نومها من خوفها عليه
فرح .. فرح الي كانت مسند سمرا عليها . وحاطه راسها ع سرير وتشبح لي سقف .. وتفكر في حياتها ودنيتها الي نقلبت .كيف كانت وكيف ولت .. العيله الي هيا فيها وناس جدد الي بدو وكأنهم عيلتها الاساسية .. سرحت وتفكر في نفسها قداش تعبت وتوجعت .. تفكر في مرضها من الادمان . وخايفه انه بتول تختار مستشفى دخلها ليها ..بعدين شبحت لي سمرا وتوجعت عليها . عاشت في يومين اسوء مااعاشت العمر كله
خيريـة .. كانت مقعمزة ع صالون وحاطين البنات مخده تحت رجليها وحاطه ايدها ع راسها وتشبح لي روشن وتراجي في سياارة واحد منهم ادرس .. تشبح للباب وتجي عينها ف دار سمرا وتراجي فيها تطلع تضحك زي قبل وتجي تحضنها ويخف تعبها ووجعها
بتول و دنيا .. مقعمزين ف لمطبخ وكل وحده تخمم في حاجة . بتول في جاد وكلامها ليه قبل ماتطلع . تخمم فيه وفي طلاقها الي بيتم اول ماتروح حاطه ايديها ع راسها وتشبح لي طاولة وتخمم فيه لو كان قاعد يحب البنت رحمة او لا .. وتقطع في تفكيرها بي كلمة اكيد يحبها . تغمض في عيونها وتفكر في سمرا والي صارلها . عز الي مزال ماروحش وخايفه تسمع شي تاني يوجعها اكتر .. قالت اخر شي بينها وبين نفسها ( يارب جيبها سليمه يارب )
دنيا حاطه راسها ع لحيط ومغمضه عيونها ... وتفكر في الي يشوف مصيبة ناس تهون عليه مصيبته ... تفكرت الي صار معاها قبل ماتطلع من الحوش .. هز تلفونها وشافت رقم سند غمضت عيونها ونزلو دموعها مسحتهم طول ودارت تلفونها مقفل .. قامت راسها جت عينها في عين بتول ..
بتول :: احكي ... شن الي موجعك ؟
دنيا :: ( ونزلو دموعها وراء بعض وكأنها كانت تستنى في من يسألها )
بتول :: ( ناضت جت جنبها وحضنتها ) يارب وين كان مدسوس هاليوم ....
______________________
( ف مرزععه كبيييرة ... الحوش الي فيها ضيه مطفي .. جيهة الاسطبــل اضادة خفيفة ...
عز ... عز كان واقف ويفك في حصانه ... ويطلع فيه .. ركب عليه وخداها زوايااا المزرعه كلها .. ويخبط في لحصان ويبي سرعة تتقوى .. ودمااغه ماوقفش .. كل شوية يجيبله في صورة سمرا بين عيووونه ويزيد يحمق اكتر ...
_______________
( المستشفى ...
معتز .. واقف مع دكتور ورجليه مش حاملينه بعد ماقاله دكتور انه مؤيد عنده كسور .. وعنده كسر في ايده ليمين ( الي شد بيها ايد سمرا ) وعنده كسور تانيه هلبا .. واكتر مكان يعالجو فيه هوا خشمه وفمه .. واحتمال يقعد اكتر من اسبوع عندهم ..
تنفخ معتز وستـأذن دكتور وطلع ..
وقف ف جنينة المستشفى ويمسح ع راسه .. يشبح لي سماء ولي نفسه ولي ناس ويلف يشبح للمستشفى .. ننفخ بقووة ومشي لسيــارته ركب وصكر الباب وبدي يتصل بعز ...
____________________
( حوش ...
آمنة كانت راقده وايديها مدلوشات جنبها ومافيهاش حيل تتكلم ..
جنى جنبها وتمسح في دموعها وتمسح ع راسها وتشبح لروشن تراجي وماتراجيش .. خوها وعدوها ...
ماحرها لما الي تحبيه نفسه الي مخيبك في دنيا ...
خوها وسندها وعزوتها .. هذا الي مفروض يكون هكي .
كان ليها الوجع والحسرة والخونه وخسرتها في صاحبتها
___________________
( لبحــر ..
جاد كان مقعمز قدام لبحر وحاط ايديه ف جيوبه ويشبح للبحر . لفت انتباهه صوت سيـارة درست لف .. لقاه معتز نازل وجاية جيهته ويتكلم بتلفون .. سند روحه وقعمز باهي ...
..
معتز :: توا تجي ... اقسم بربي مااتجي توا لاديني مروح بيك لي طرااابلس وماعاد تعفس امها هنا ... (وصكر عليه )
جاد :: خخير ؟؟
معتز :: ( قعمز جنبه ) منين بيجي لخير ... ( وبدي يحكيله )
جاد :: تتسهوك ولا تتكلم بجديات ؟؟؟؟ تي معقوووله هكي يصير في بنت عمممي وانى مانسمعش ؟؟؟
معتز :: تي اهدددى مافيش حد ساامع اليوم صار هوا اصلا ...
جاد :: تي خير ماااداار في امه تو نمشي انى نكمل عليه .. مفروض قتله لخامر هذا
معتـز :: اسمع انت تتاني . فكني من امها دووة هيا ماتقولهاش ليه لو جي
جـاد :: ( واقف ويمسح ع شعره ) ومن معاهم حوش حناي ؟
معتـز :: ( مقعمز وساند ايديه ع رجـليه ويشبح قدامه ) ماحد
جـاد :: نووض نووض .. نوض مانخلوهمش بروحهم . وكلمه خوك يجي غادي
( ناضو مشو مع بعض وراء بعض بسيـاره )
__________________________________
( بعـد وقت )
..
( صالـــون )
.
معتـز :: مااااااتهبلش امي زفت... الولد متكسسر في كل تركينه نفسه مااايخدش فيه ااشبح يموت ولا ربك يكتبله عمر جديد . وانت مقعمزلي مرتاحححح
عـز :: ( مقعمز وحاط أيديه ع رجليه ومتبص راســـه )
جـاد :: ( واقف جنب الباب ومتكي ) خير مادار
معتز :: ( شبح لي جاد ) بتقعدو تنبحووو هكي انتم ؟؟ تي انى مش خايفه عليه هوا . تي يموت يوودر مش موضوعي . انى موضوعي فييي لمريض هذا لو ينوض ويفتح فيه محظر
عـز :: ( وقف وتنهــد ) صكره لموضوع ..
( وجــي طالع ) ولما يفتح المحظر تو نتكلمو فيه
معتز :: ( شبح لي عز )
جـاد :: (طبطب ع كتف معتز ) ارخي روحك .. غدوا ينحل المووضوع (وقام تلفونه )
معتز :: ( لف شبحله ) وين متسقد ؟
جاد :: ماشي طرابلس .. ( وطلع وقربع الباب )
معتز :: هاذم خيرهم ؟؟؟ ( تنفــخ ورن تلفونه ... شبح لي رقم وخبط رأسه ) ياااااعليك عمله نسيت بكل
__________________________________
خيريــة :: ماااافيك شي متتأككد ( وتمسسح ع شعره وكتاافه ) طططمنني ياولدي من بكري قليبي عليك نار
عـز :: مافياش شي .. خلاص والله مافيا حاجة .... خلي نبي نخش ندوش ونرقد راسي يوجع فيا ( بــاس راسها وخش لي داره )
......
( دار سمـرا )
بتول :: لازم تاكلــي .. هيا عاد ...
سمـرا :: ماعنديش نية
بتول :: وحياتي عندكـ .. هيا شوية بس
سمـرا :: مانبيش .. نبــي نشوف ميمه شوية وبنرقد ( قامت شرشافها )
دُنيا :: عز جي .. ( قالتها وهيا تصكر ف لباب )
سمـرا :: هااا وووينه ؟؟ وين مشي ( وجت واقفه )
دُنيـا :: كيف خش داره قالت خويله خيرية بيرقد ..
سمـرا :: ( شبحت لي بتول عيونها مدمعات ) نبـي نشوفه
بتول :: خليه تعبانه توا غدوا تشوفيه .. مدام روح معناها مافيشي شي ...
سمـرا :: لا نبـي نشوفه توا .. مش ح نرقد لين نطمن عليه ..
دُنيا :: ( ابتسمــت ع الحب المزروع بين عز وسمرا ومعتز وكيــف تربو مع بعض ع لحنيــه والمحبه )
بتول :: والله ح(قص عليها رنة موبايلها شداته ) ح تشوفيه صدقيني ... استني شوية ...
..
بتول :: الو ؟؟ ( ولفت لي شباك )
رحمة :: بتول ؟
بتول :: اي نعم ... تفضلـي !
رحمة :: انــى مريضـه عندكـ . حاولت ليوم نكلم الاستعلامات ياخدولي موعد قريب .. ورفضو ( تتكلم وتلعب بشعرها )
بتول :: مش مشكله .. لو مستعجل نقدر ناخدك غدوا ..
رحمة :: ( ابتسمت بخبث ) اي اكيد .. ع اي ساعه ؟
بتول :: 11 كويــس ؟
رحمة :: تمام ... نشوفك دكتورة مشكورة
بتول :: تفضلي حبيبتي في اي وقت ( وصكرت )
رحمة :: ( صكرت وحدفت تلفون وناضت تبتسم وتفكر كيف بتتكلم معاها )
____________________________
( صالون )
..
فـرح :: نعم!؟
معتـز :: ( مقعمز ف نهاية صالون ) خشي تفضلي ..
فرح :: ( خشت بخطوات مهزوزة )
معتز :: قعمزي ماتقعديش واقفه نبي نتكلم معاك ...
فرح :: ( قعمزت )
خيرية :: ( خشت وجت قعمزت جنب معتز ) خير ياوليدي شن في ؟
معتز :: ( تنهد وشبح لي حناه ... وبعدين شبح لي فرح ) شوفي من لما خشيتي حوشنا واحني ماقصرنا معاك في شي . ويشهد عليا ربي صونتك زي سمرا واعز .. لكن يابنت ناس موضوعك ماطلعش من راسي وقعدت نلف لين ندورلك ع عيلتك
فرح :: ( عيونها تووسعوو وجسمها رعشته زادت )
خيريـة :: ال الحقااانيه ؟؟؟؟ _ ( قالتها وتشبح لي معتز )
معتز :: اي ياميمه ... ( شبح لي فرح ) ولقيتهم
فرح :: ( وقفت وتتكلم ونفسها هارب ) انى قعدت في الحوش معاكم لانه خالتي خيرية اعتبرتني كيف بنتها . وكم مره قلتلها نبي نمشي ان شاء الله نقعد في شوارع . مستعده نتحمل مسؤولية نفسي المهم مانقعدش عاله ع حد فيكم ... الي انت عرفته او الي انت دورت عليه ولقيته مايهمنيش . والموضوع هذا انى مانبيشي ينفتح .. ووعد مني ح نطلع منه الحوش وماعاد تشوفوني ( وجت طالعه )
معتز :: ااستني ااستني .. شن تقولي انتتتي ؟... لما دخلناك حوشنا وسميناك من عيلتنا يشهد الله يابنت ناس ماعمرنا قصرنا معاك ولا عاملنااك عكس سمرا .. كنتي زيها وعزك من عزها . والي انى ندير فيه مش معناهاا انك تسيبي الحوش او نبوك تطلعي منه .. انى كل همي انه مشكلتك تنحل ولي انتي مضاايقه منه تحليه وترتاحي
فرح :: ومن قالك انى مضايقه وانى عايشه معاكم .. الا وكانه خالتي خيرية هيا الي ضايقت ...
خيرية :: الله يسااامحك يابنتي .. .يشهد الله مازدتي عليا الا الفرح ولهني .. منين بيجي ضيق
معتز :: تمام . يعني انتي ماتبيـش تعرفي شي ع عيلتكـ ؟
فرح :: عيلتي الي انى ساكنه معاهم و بس . ماعنديش عيله غيرها ...
معتـز :: تمام ... زي ماتحبـــي ( بأبتسامة مُريحة )
فرح :: شُكـراً .. ( ومبتسمه )
معتـز :: ولو .. من اليوم انتي منا وفينا ومسؤوله مني . واي شي ينقصك او تبيه اي شي .. انى حاضر
فرح :: ( تشبحله ومبتسمه )
خيرية :: ( سرحت بخيالها زي كل مره بعيد )
______________________________________________
( دار سمــرا )
..
دُنيا :: ( ساكته وتشبـح لي تلفونها )
سمرا :: انى من رآي تردي .. تقوليله الي عندك وتمت
بتول :: واعـره راه .. صدقيني ف الاخير انتي تقولي وهيا الي بتفعل صعب عليها
سمرا :: ( تفكر في عز )
دُنيا :: باه وين نقدر نتكلم ع راحتي ..
بتول :: تعالي نمشي معاك للمطبخ ... نوضي
دُنيا :: تمام ( وناضت )
.....
أما سمرا ف قعدت مقعمزت تتفرج ع روشـــن وسارحه في لمطر وتفكـر ... كان فيها خوف كبير مش ح ينتهـي الا لما تشوف عز وتطمن عليه . تفكرت الـي صار معاها ووخرت ..
مكابـــرة داخليـة متفرغه من الاثنين ..
_______________________________
