{Unicode}
အပိုင်း - ၄ (ဇာတ်သိမ်းပိုင်း)
စစ်ကြေငြာပြီး တစ်ပတ်ခန့်အကြာတွင် ကာဗီလီယာတိုင်းပြည်နဲ့ ဆာရီယန်းတိုင်းပြည်တို့ စစ်ဖြစ်ခဲ့ကြသည်။ ဘယ်အချိန်တည်းက စစ်ဖြစ်ဖို့စောင့်နေလဲမသိသော ဆာရီယန်းက စာချွန်ရသည်နှင့်တစ်ပြိုက်နက် တပ်ဖွဲ့တွေ စေလွှတ်လိုက်သည့်အတိုင်းပင်။ မင်းသားလေးနီခီ ဦးဆောင်တဲ့ ကာဗီလီယာစစ်တပ်က စစ်သည်အင်အားသာသည်ဟုတော့ ပြန်ကြားရ၏။
ဒေစီယာသည် မင်းသားလေးအတွက် တွေးပူရသည်။ နေ့စဥ်ရက်ဆက် မအိပ်နိုင်သည်အထိ စစ်ပွဲသတင်းတွေကိုသာ နားစွင့်နေမိ၏။ မင်းကြီးရဲ့ပယောဂနဲ့ စိတ်သဘောမပါဘဲ လက်ဆက်ခဲ့ရတဲ့ ခင်ပွန်းသည်သိမှာစိုးလို့ ဖုံးဖိကာလည်း နေရသေးသည်။ အဟင်း... သည်အတိုင်းအသက်ရှင်ရမယ့်အစား သေလိုက်တာကမှ ကောင်းဦးမည်သာ။
ပြည်ထောင်နှစ်ခု စစ်ဖြစ်နေစဥ် တစ်ပတ်ခွဲခန့်အကြာတွင် မင်းသားလေးလက်မောင်းကို ဓါးချက်ထိသည်ဆိုသော သတင်းကြောင့် ဒေစီယာ ပူလောင်ရပြန်သည်။ သူ အဆင်မှပြေနေပါ့မလားမသိ။ ဖြစ်နိုင်ရင် ချက်ချင်းတောင် ပြေးလိုက်သွားချင်မိပါရဲ့။
ဘာမှလုပ်မရတဲ့အဆုံး တစ်ခုတည်းသောစဥ်းစားမိသည့် နည်းလမ်းက မင်းသားလေးဆီ ဘယ်သူမှမသိအောင် စာပို့ဖို့သာဖြစ်သည်။ မင်းသားလေးလက်ထဲရောက်ဖို့ မသေချာပေမယ့် စွန့်စားပစ်လိုက်ချင်သည်။ တောင်းလည်းတောင်းပန်ချင်တာမို့။
ထိုနေ့ညကလည်း ဒေစီယာ အိပ်မပျော်ခဲ့ပြန်ပေ။ တိတ်တဆိတ် ကြိတ်ငိုရလွန်းလို့ မျက်ရည်တွေလည်း ကုန်လုပြီထင်ပါရဲ့။ မင်းသားလေးအတွက် စာရေးပေးပြီးသည်နှင့် လူကြုံထည့်ပေးလိုက်ရန်အတွက် မနက်မိုးသောက်ဖို့ကိုသာ မျှော်လင့်ကြီးစွာ စောင့်စားခဲ့မိသည်။
နေရောင်နည်းနည်းလေးစထွက်တာနဲ့ ဒေစီယာရဲ့ အပျိုတော်လေးတစ်ယောက်ကို စာပေးပြီးအကူစေလွှတ်မယ့် တပ်တွေနဲ့ ထည့်ပေးလိုက်ဖို့ တိုးလျှိုစွာ အကူအညီတောင်းရ၏။ အပျိုတော်လေး ထွက်သွားတာကိုတောင် လှေခါးနားထိ လိုက်သွားမိသေးသည်။ အင်း.. ရင်ပူရင်းနဲ့ စိတ်နဲ့ကိုယ်ပါ မကပ်တော့ဘူးပဲ။
YOU ARE READING
Blooming Daisy in your Heart
FanficNI-KI X OC Completed ဝတ်မှုန်တွေနဲ့ဓာတ်မတည့်တဲ့မင်းသားငယ်လေးဟာ ဒေစီတွေကိုတော့ချစ်တယ်တဲ့... ဝတ္မႈန္ေတြနဲ႕ဓာတ္မတည့္တဲ့မင္းသားငယ္ေလးဟာ ေဒစီေတြကိုေတာ့ခ်စ္တယ္တဲ့...