(( سارة ))
انتهيت من الاستحمام وخرجت من الحمام .. توقفت امام المراة وابتسمت .. وضعت يدي على بطني اخيرا !.. احمل في احشائي طفل منه .. طفل من دمه .. ارتديت ثيابي وجهزت نفسي .. خرجت من غرفتي ونزلت للطابق السفلي .. اتجهت لباب الخروج ولكن توقف احد حرس ادم امامي وقال : الى اين سيدتي ؟.
- سأخرج .
- ولكن السيد ادم لم يخبرنا بذلك .
- وماعلاقته ؟.
- لايمكننا ان نسمح لاحد بالدحول او الخروج بدون اذنه .
- اين هو ؟.
- في مكتبه .
- هلا اصطحبتني اليه ؟.
- بالطبع .
سرت خلفه الى ان وصلت مكتبه .. طرقت الباب ودخلت .. نهض من على كرسيه وقال : مارقدتي ؟.
- لا .. بروح للمستشفى بس حراسك مايبون يخلوني اطلع .
- شلون تطلعين وانتي جذي تعبانة ؟.
- ماقدر اتم ويوسف بروحه فالمستشفى هو محتاجني .
- انتي حامل لازم ترتاحين .
- برتاح بعدين عن اذنك وقول لهم يهدوني اطلع .. بعدين شحقه خايف جذي .
- ههههههه خايف ؟.
- عيل شحقه كل هاي .
- مهم يابنتي مهم .
- ههه اوكي .
(( ريم ))
في تلك الليلة التي حدثت فيها الجريمة .. كنت انا ونورة نتناول العشاء عندما سمعنا صوت طرق الباب .. نهضت نورة لتفتحه ...
وجدت ضابطا ..
قال : مرحبا .. هل انتي الانسة نورة احمد ؟.
نورة : اجل .
- والانسة ريم جاسم ايضا ؟.
- اجل .. هل هناك شئ ؟.
- نرغب في اخذكم معنا لمركز الشرطة .
نهضت بصدمة وقلت : شنو ؟.
سألته نورة قائلة : لماذا ؟.
الضابط : تم اطلاق النار على السيد يوسف فهد .
قلت بصدمة : شنوووو .
واتجهنا الى مركز الشرطة برفقتهم ... ونحن في الطريق قالت لي نورة : لو سألوج وين كنتي فوقت الجريمة قولي انج كنتي معاي .
- ليش ؟.
- لأنهم يمكن يتهمون سارة .
- شنوو بس سارة مستحيل تقتله .
- انتي قولي جذي عشان نفتك منها ونخلص .
- لا بنشوف اول شي .. تهقين مات ؟.
- خبلة يقولج للحين .
- ياربي خايفة عليه وايد .
في ذاك اليوم شهدت ضد سارة وقلت انني لم اكن معها كما قالت في وقت ارتكاب الجريمة ...
(( سارة ))
وصلت الى المشفى اخيرا .. اتجهت للغرفة التي بها يوسف .. وصلت حيث يضعوه في العناية المركزة .. ولكن على كراسي الانتظار رأيتهم .. والدته ونورة وريم !!..
نهضت ريم وهي تنظر الي بحقد بعدها نورة .. قالت ريم : يالمجرمة شتسوين هني !.
- انتوا الي شتسوون هني ؟.. تقولون القتيل وتشمون فجنازته .
صرخت والدته : روحي مني اساسا شلون طلعتي من السجن !.
قلت : انا حامل .. ومحد يقدر يفرقنا .
والدته : مستحيل اخليج تشوفين ولدي فاهمة .
نورة : روحي مني تبين تموتيه حتى هو فالمستشفى .
سمعت صوت ادم خلفي : سارة .
التفت اليه وقلت : شتسوي هني ؟.
ادم : تعالي نرد مابيخلونج تشوفيه .
نظرت اليه وتقدمت قائلة : مب ع كيفهم .
وقفت ريم امامي وقالت : راويني شلون بتدشين .
دفعتها ولكنها رفعت يدها لتضربني ولكن امسك يدها ادم .. عصر يدها بقوة وقال : ياويلج بكسرها لج .
نورة : لو سمحت خذها وروح مني .
امسك بيدي وقال : سارة لو سمحتي .
- شنوووووووو مب من حقكم تمنعوني .
والدته : انتي مجرمة وبشتكي عليج فالمستشفى وبخليهم مايدخلونج .
صرخت بها : الله ياخذج .. ياخذكم كلكم .
جرني ادم لنخرج من المشفى وانا اشعر انني اشتعل غضبا ... عدنا لمنزل ادم ودخلنا للداخل .. طلب ادم من الخادمة ان تحضر لي عصير ليمون ...
قدمه الي وقال :اهدي .
- احس ودي اكلهم باسناني الحيوانات مب ع كيفهم بعدين انتي شحقه تمنعني .
- مايصير جذي عشان البيبي .
- ابيه يقوم عاد لازم اكون حذاه .
نهض من مكانه وقال : ممنوع تطلعين مني وتجهدين روحج .
- هههه شفيك ادم صاير المسؤول عني .
- لازم اكون جذي .
- مشكور وايد .
- شلون تقولين جذي ع ابو ولدج .
عقدت حاجبي وقلت : شنو ؟.
انحني ومد يده وضعها على بطني قائلا : ولدي الي فبطنج .
- ادم انت فيك شي ؟.
- هههههههه تحسبين انج حامل من يوسف !.
- انت شارب شي ؟.
مد يده ليداعب خصلات شعري وقال : حبيبتي نسيتي الي بينا .
- ههه وشو الي بينا ؟.
- تذكرين لما شربتي ونقذتج من ايريك ؟.
- ايوة !.
- ماقدرت امسك نفسي لما ييبت لج بيتي .
قلت بصدمة : مستحيل... فاهم شنو مستحيل بعدين لحظة ترا قمت من النوم كنت لابسة ثيابي .
- لبستج عادي .
- ادم لوسمحت عن الغشمرة والله مب متحملة انا كلش .
- هههههه شسوي حتى تصدقيني !.
- مستحيل اصدقك فاهم مستحيل لو الي تقوله معناها انت مريض نفسي .. الي فبطني ولد يوسف فاهم .
- انتي كنتي سكرانة ماكنتي حاسة فالي قاعد يصير حوليج .
- مستــــــــــــــــــــــــــــــــحيل فاهم .. خلاص انت مجنون .
نهضت وهممت بمغادرة الغرفة ولكنه شدني من يدي وقربني اليه قائلا : محد سمح لج تطلعين مني .
- هدني انت من سمحلك .
- انتي حبيبتي فاهمة .
- ادم لاتخوفني شفيك .
ترك قبضة يدي ولكنه شدني من شعري وقال هامسا : حبيتج وايد بس اخر شي تبين تروحين حق يوسف !.
- ماحبك احب يوسف .
- انتي بسببي الحين برا السجن .
- اوكيه برد السجن ولا اصدق الي تقوله .
دفعته بخفة ولكنه شدني وقال : وين وين بتمين .
- هدنــــــــــــــــــــــــي .
حملني وانا اضربه واحاول تخليص نفسي .. اعادني لذات الغرفة التي كنت بها وانزلني ..
قلت : هي هي بتصل الحين ع الشرطة واقولهم خاطفي .
- ممممم اوكيه يلا .. خذي فوني احسن .. بس انسي ان حبيبج يقوم من الغيبوبة .. يعني يا بتاخذين اعدام .. يا لو لو لو طلعتي براءة هذي لو بتمين فالشارع .
- انت الي قتلته .. صرخت .. انت !.
- ههههههه لا كنت ناوي بس شكله في حد سبقني .. شكل يوسف عنده وايد اعداء .
دفعته : انت شنو !.. مجرم .. مستحيل كنت اتخيلك جذي .
- انا طيب لو سمعتي كلامي .
- مستحيل انا ماحب غير يوسف والي فبطني ولده هو .
اقترب مني وقال : انتي تحبيني انا .. ملكي انا سامعة !.
- انت مريض .
تركني وخرج من الغرفة واقفلها من الخارج ... ضربت على الباب : طلعني مني .. طلعني .. الله ياخذك .. اهئ اهئ .
