روعة الحب

الحلقة الثامنه

الحلقه الثامنه
وقفنا المره الى فاتت على :
ريما \ يالهوى ده حازم عجبك كده لو دخل دلوقتى وشافك هنا هيفهم غلط واكيد هيزعل انا مش فاهمه انت ايه الى جابك هنا
سيف نظر لها وقال بغضب \ اسف جدا بس ده غبائى كنت فاكر انك مراتى لكن نسيت ان فى حد تانى لا وخايفه عليه " ليذهب الى الفرندا "
ريما احست انها اخطأت \ انت رايح فين
لم يجب عليها وقفز على الشجره الموجوده اسفل الفرنده
فركضت الى الفرندا لتراه لكن لم تجده فشعرت بحزن واتجهت الى الباب \ فى ايه
عادل \ اطلع بره ياحازم
حازم كان يتطلع بريم وريم لاتعلم السبب
عادل بحده \ حازم اسمع الكلام
خرج حازم
ريم \فى ايه يابابا ليه مشيت حازم
عادل امسك يدها بعنف ودخل واغلق الباب
عادل \ انتى ازاى تفتحى الباب بالمنظر ده
ريم نظرت لنفسها فاخفضت نظرها
ريم \ انا مخدتش بالى
عادل \ ريم خدى بالك من تصرفاتك ويلا علشان تاكلى الاول غيرى هدومك والبسى لبس محتشم
انتى مش عايشه لوحدك هنا "وخرج وتركها "
كانت ريما لا تفكر الا بسيف
ارتمت ريم على السرير لتبكى \ مكنش قصدى انى اجرحة انا غبيه غبيه
فى الاسفل جلس الجميع على الطاوله
الجده \ راح فين سيف ليه منزلش ياكل
لتلتفت ريما لتبحث عنه
حازم \ احسن بردو علشان الواحد ياكل بنفس
ليقول عادل بحده \ حازم احترم نفسك " التفت عادل لريما ليراها تنهض فقال \ رايحه فين قعدى كلى
ريما \ انا طلعه اشوف سيف مجاش ليه
حازم \ ريم علشان خاطرى اقعدى وبلاش تشلينى
ريم بحزن \ معلش ياحازم هو ضيفي ولازم اهتم بيه
حازم نهض بغضب \ براحتك ياريم عن اذنكم
ريم  بدموع \ انا ليه بيحصلى كده
عادل تنهد بضيق \ اطلعى شوفى سيف ماله نبقى نتكلم بعدين
اما بغرفة سيف
سيف كان غاضب جدا \ خايفه عليه بتحبه خلاص سيف انت ملكش لازمه هى مستحيل تحبك وانا مستحيل ارضى انى اعيش مع واحده مش قابلانى
لتدخل ريم الغرفه \ سيف انا اسفه صدقنى انا كنت خايفه
سيف امسك يدها بقسوه \ انتى ايه الى جابك هنا اتفضلى اطلع بره
ريما تالمت \ سيف سيب ايدى
سيف ترك يدها ونفخ بضيق وقال \ ريم انا عارف انك بتحبيه بس انا كنت متخيل انك مممكن تحسى بيا انا هاقولك على حاجه طول مانتى على زمتى اياكى تتصرفى تصرفات تضايقنى او تجرحنى وفى الوقت الى انتى عايزاه انا مستعد اطلقك .
ريما انصدمت من كلامه \ ايه الى انت بتقوله ده
سيف \ انا تعبت ياريما ارجوكى راعى مشاعرى انا بحبك
ريما اقتربت منه واحتضنته وقالت بدموع \ انا اسفه يا سيف والله مكنش قصدى انا مش عارفه ازاى قولت كده انا مكنش قصدى انى اجرحك ارجوك سمحنى انا مبقتش عارفه مالى
سيف ضمها \ هششش اهدى انا مش بحب اشوفك بتعيطى
ريما تذكرت انها بحضن سيف فابتعدت بسرعه وابعدت وجهها بخجل
فادار وجهها بيده \ شكلك حلو وانتى مكسوفه
اقترب سيف منها وقبل رأسها
ريم \ انا هروح اقعد عند البسين تعالى اعرفك على صاحبى
سيف بلوى شفتيه \ نععم صاحبك واضح انك ناويه تجنينى
ريم ضاحكه امسكت يده \ تعالى بس "لم ينتبهو بانهم مراقبون من عادل الذى عندما رائهم يضحكون ابتسم وتمنى لهم السعاده
بالاسفل عند البسين
سيف سمع نباح فالتفت رأى كلب يركض فارتعب
سيف بخوف \ ايه ده ده كلب
ريما ضاحكه \ انت بتخاف من الكلاب
سيف بتوسل \ الله يخليكى ابعديه عنى
ريما \ ده روكى كلبى بس ايه انا وهو صحاب
اقترب روكى من سيف فركض والكلب ركض خلفه
سيف \ الحقونى حرام عليكى انتي جيبانى هنا علشان تموتينى
ريم بغضب \ خلاص روكى
ابتعد روكى عن سيف
سيف يتنفس بصعوبه \ اوووف اخيرا
ريم اقتربت منه ومسكته من ياقته \ خد بالك لو فى يوم زعلتنى هسلطه عليك
سيف جذبها من خصرها \وانا مستحيل ازعلك حاولت ريم الابتعاد لكنه محاوط خصرها بقوه  ظلت تنظر له سرحت بعيناه لكن فاقت عندما شعرت بوجود احد فالتفتت
حازم والشرار يتطاير من عنيه \ ممكن اعرف ايه الى انا شايفه ده
ريما بقلق \ انت فاهم غلط
حازم اقترب من سيف وقام بلكمه \ اياك تقرب لها تانى ريم بتاعتى انا فاهم
ريم ركضت على سيف وامسكت وجه \ سيف انت كويس "ثم نظرت على حازم "ايه الى انت عملته ده
حازم اقترب من سيف وابعد ريم عنه \ لو فكرت تقرب منها تانى انا همحيك من على وش الدنيا
سيف ببرود \ ورينى شطارتك
حازم انقض على سيف وقام بلكمه حتى وقع سيف على الارض يتالم وكل نظره على ريما التى كانت تصرخ بحازم ليبتعد عنه فنهض سيف مره اخرى ومسح على شفتيه ونظر ليده ليرى دماء
ريم ركضت اليه بفزع ونظرت الى وجه سيف لترى الدماء تسيل من فمه فامسكت وجه بين يديها \ سيف انت كويس انا بجد اسفه "
حازم اغتاظ فاقترب منها وامسك يدها وابعدها عن سيف بقوه واقترب منه وكاد يكيل له لكمات لكن سيف عيناه على ريما الى وقعت فى البسين من اثر دفعة حازم وكادت تغرق فامسك يد حازم واكال له لكمات وركله ليقع على الارض فركض هو وقفز بالبسين والتقطها وحملها على يده اما هى تشبثت به بقوه وعندما خرجو من البسين
حازم ركض عليها وقال بقلق \ ريم انتى كويسه
ريم \ .......
حازم شعر بغضب فقال \ انت ازاى تشيلها كده
سيف بحدة \ انت السبب انت الى وقعتها لو كان جراها حاجه صدقنى كنت قتلتك
ريم انصدمت من كلام سيف فاغمضت عيناها وللحظه تمنت ان تحبه كما هو احبها
حازم بغضب \ انا هشيلها ابعد عنها بقولك ابعد
سيف بحده \ محدش هيشيل مراتى غيرى ومتهيالى كفايه كده
💗💗