اسمي زهراء من بغداد ع 15 ادرس ثاني متوسط مواصفاتي شعري طويل كلش اشقر وبي خصل اسود عيوني زرقه كبار و طولي 147 عندي صديقه يعني تكدرون تكول هية مثل اختي احبها هواي
ماما: يلا زهراء كومي يلا راح تتأخرين على الدوام
اني: اوك كمت كمت
بعدها كمت وبدلت ملابسي ورحت للمدرسه ومثل كل يوم حلو وملل بنفس الوقت بس احلى شي صار اليوم التقيت ب نور بعد غياب اسبوع غبت عن المدرسه لان جنت مريضه طبعاً نور صديقتي الي حجيت عنها بالبدايه وبعد الدوام رحت للبيت وصلت اكلت وكملت الواجبي ورحت نمت
ثاني يوم نفس الشي هم رحت للدوام بس من رجعت شفت ناس ملتمه على بيتنه وسمعت صوت صياح رحت ركض للبيت وشفت مرت عمي تبجي وتصيح
وعمي واكف يريد ياخذ بابا ويطلعون وماما تهدي بمرت عمي اني سألت اخوي شنو الي صار وكال انو ابن عمي داعمله واحد والولد بين الحياه والموت راحو بابا وعمو وضلينه نهدي بمرت عمي هدت شويه وبعدين ماما كالتلها تروح تنام ترتاح شويه بالبداية ما قبلت بس ماما ضلت تقنع بيها يلا نامت صار ليل وبابا. وعمو بعدهم ما جايين ماما اتصلت على بابا بس ما يرد صارت ساعه 10 ونص اجو بابا وعمو
نوال(ماما): ها بشرو شصار
احمد(بابا): ما صار شي بعد رحنه المستشفى وشفنه الولد وضعه ما يطمن انشاء الله باجر انروح لبيت الولد ونشوف شيصير
نوال: انشاء الله خير هسة ارتاحو بين ما اسويلكم العشة
مؤيد ( عمو): لا تسلمين ما اشتهي اكل
احمد: واني هم ما اشتهي لا تعبين نفسج
نوال: بس ما يصير هيج لازم تاكلون
احمد: اي حجي نوال صحيح مؤيد لازم تاكل وانته حتى ما تغديت اليوم
مؤيد: والله ما اريد تريد انت اكل اني ما اشتهي
احمد: نوال
نوال: عيوني
احمد: روحي سويلنه عشة
نوال: صار
راحت ماما سوت العشة واكل بابا وعمو بعد ما بابا جبرة ياكل بعدين راح عمو لبيتهم طبعا همه يمنه بيناتنه بيتين …………………
