ယောကျ်ား ၁ခုလပ် ။
အပိုင်း ၁
"ဟေ့ မင်းတို့ ဟိုသတင်းကြားပြီးကြပြီလား
ကျုပ်မှာဖြင့် ကြားကြားချင်းဆို ယုံတောင်မယုံနိုင်ဘူးတော်ရေ "
"ဘာသတင်းတုန်း ငါတို့မသိသေးဘူး
ပြောပြစမ်းပါ မိညို'ရယ် "
"ကျုပ်ပြောပြပါ့မယ်...
မနေ့ညက သက်မောင်ရဲ့မိန်းမ လှရွှေစိန် 'လေ
လင်နောက်လိုက်ပြေးသွားတယ်ဆိုပဲ "
"ဟင် နင်ပြောတာ ရွာတောင်ပိုင်းက သက်မောင်ရဲ့မိန်းမလား သူတို့ရဲ့သမီးလေးတောင် ၆လပဲရှိသေးတာလေ "
"ဟုတ်တယ် ရွာတောင်ပိုင်းက သက်မောင်...
ခြေထောက်ထော့နဲထော့နဲနဲ့ ခုတော့ ကလေးတစ်ယောက်နဲ့ တစ်ခုလပ်ဘဝကို ရောက်ရှာပြီ... ကျုပ်တို့ဖြင့် သူ့သတင်းကိုကြားပြီး သက်မောင်ကို သနားလိုက်တာအေ...
သူ့မိန်းမက ရုပ်ချောချောလှလှလေးနဲ့ ဘယ်လိုများလုပ်ရက်သွားနိုင်သလဲ မသိတော့ပါဘူး... ဟူး "
"မိန်းမတစ်ခုလပ်ဆိုတာပဲကြားဖူးတာ
သက်မောင်'လိုယောကျ်ားတစ်ခုလပ်လည်း
ရှိသေးတာပဲကိုး..."
••••••••••••••• •••••••••••••••• ••••••••••••••••
" ဒုန်း "
လှဦး' လက်ထဲက အရက်ပုလင်းကို စားပွဲပေါ်သို့ ဒုန်းကနဲမြည်အောင် ဆောင့်တင်ချလိုက်သည် ။
မနက်စောစော အရက်ဆိုင်မှာ အရက်နဲ့မျက်နှာသစ်ပြီးလို့
လက်ကပါ တစ်ပုလင်းပါဆယ်ဆွဲပြီး အိမ်ပြန်လာသည့်
လှရွှေစိန်'၏အစ်ကို လှဦး'က
"အဖေနဲ့အမေ ကြားပြီးပြီလား
ခွေးမ လှရွှေစိန်' တရားဝင်ယောကျာ်းကြီးရှိလျက်နဲ့
လင်ငယ်နောက်လိုက်ပြေးသွားပြီ... တောက် မိဘမျက်နှာမှ မထောက် ခွေးမိုက်မ "
"ဟဲ့ လှဦး' ငမူးကောင်
မနက်စောစောစီးစီး မဟုတ်မဟပ်တွေ လျှောက်အော်မနေနဲ့ မင်းအဖေအိမ်ထဲမှာ ရှိတယ်နော..."
"ကျွန်တော် အဟုတ်ပြောတာ...
အမေ့ချစ်သမီးလေးက လင်ငယ်နောက်လိုက်ပြေးသွားပြီ
တစ်ရွာလုံးပြောနေကြတာကို အမေက မသိဘူးလား အမေရဲ့ "
"ဟဲ့ လှဦး 'အတည်ပြောနေတာလား
ငါ့သမီးက အဲ့လိုမဟုတ်လောက်ပါဘူး "
